تعال واكتب حالتك/لحظتك شعراً ..!

[نورة القحطاني]

من يستعير البوح في صمت همي
والا يبادلني من الصمت بالبوح

تعبت اجاوب لحظتي بالتمني
واعيدها تكرار والصمت مجروح

 

[رشا عرابي]

بالضبط وكما قال الشاعر

ليل الشتاء مايشبه الا شعوري
‏بارد ، ثقيل وكل مافيه هادي .

 

[نورة القحطاني]

و
‏مابين حسّ الرحيل
‏وصورة غيابي
‏لحن الشرود
‏وبقايا الليل
‏تسرقهم
‏.
‏تلعثمت
‏في خيوط الصمت
‏وأصحا بي
‏صوت الفجر
‏وابتدى
‏صبحٍ
( يفرّقهم )

 

[بدرالموسى]

لا تغيب
احنا تجمعنا الحكايه
حتى لو كنا بدينا

من النهاية

لا تغيب
احنا تجمعنا المشاعر ...
لو عجز يجمعنا النصيب
لا تغيب

 

[فيْصَل الصَقّار]

‏‏‏الذنب توبه تغسله ولا يباعد...'
‏باكر نلخبط بالوحل ألف طينة !
‏ويمكن على رِكْب الهموم نتواعد
‏على وقاحة هـ الدروب اللعينة...

 

[فيْصَل الصَقّار]

‏زول الشجاعة زول بس ايتراعد
‏واليا حضره الموت نذكر سنينه

 

[فيْصَل الصَقّار]

‏بعض الجمال يطول ما له تقاعد..
‏وبعض النفوس تزين وأحيان شينه

 

[فيْصَل الصَقّار]

‏للشعر نجمع فكرنا ونتساعد....
‏مهما عصرنا الوقت ما جف لينِه