تعال واكتب حالتك/لحظتك شعراً ..!

[كريمه السالمي]

الذيب يرثع في حلال المساكين
واليا اصبحوا قامو يمدحونه

مثل الذي في رصيده ملايين
يهين بعض الناس ويقدرونه


،

 

[نايف السميري]

كثرة الصمت ماتعني الرضا
اكثر الصمت ضيقه واحتجاج
لو رسمنا من ، الغيمه فضا
ماسلمنا الزوابع ، والعجاج

 

[نورة القحطاني]

أجامل لجل ماأكسر بقايا بسمتك فيني
وألملم في ضلوع الشوق حقيقة أمسنا الغايب

أغالب عبرةٍ ثكلى لها عامين تكويني
يطيح الملح من صمت السنين وصبرها ذايب

 

[نايف السميري]

الصمت مثل الحنين اللي يهج الصدور
ويزرع تفاصيل صوته في مواجع مداك
يقتات من راحتك ، مايستبيح الشعور
وينبت قلق كل مانادى لصـوتك ، صداك

 

[نايف السميري]

التعب غصن الحنين الذاوي .!
______ والسهر جفن الحنين ورمشه !

والحياة احساس جداً غاوي .!
______ يشبه ارصفة الغياب وعرشه !

 

[نورة القحطاني]

أعدّ الصمت لي قوة وأثاريني أزيده دين
متى أسدد مواعيد الكلام اللي تفدّاني

يضيع شعور مايفْقَد وحتّى لو يغيب سنين
كبر يتمه وفي حسّه ذبول وموعد فاني !

 

[كريمه السالمي]

‏حيل فاضي
يهدي الوردة ضما
و ينتظر منها نما
ويبتسم للجرح راضي .!

بالحيل فاضي

 

[نورة القحطاني]

و...
حيل فاضي
يحسب إن الناس مثله !
يزرعون الورد في ظلّه
ويسقونه أماني !