تخيل (

[رشا عرابي]

تخيّل، لو خيالك غافل احساسك ولا نابك
سوى غصّات بغيابي بتجرح خاطرك منّي

تخيّل !

 

[سلطان الدوسري]

.
.
تخيّلت ورفضت .. وقلت حرام القلب يغتابك .!
غيابك لو حصل ؟ اقرا تعاويذي على الجنّي !!
.
.

 

[رشا عرابي]

إذا كان الخيال أقسى من الواقع إذا صابك...
تخيّل إني بك أنسى ظروفي ولعنة غيابك

تخيّل، إني لك ..ضلعك خفوقك ربكة أنفاسك
ترى ،هل كنت تجرحني .. وتلجم لهفة أهدابك!!

 

[سلطان الدوسري]

.
.
تخيّل .. لو جرحتك بالخطا جيتك الى بابك !
عوج ضلعي احبّه بـ اعوجاجه والعظم منّي

تخيّل .. لهفتي وقت اللقا والشوق ينتابك
تناظرني وانا عيني غشاها حب وتغنّي .!
.
.

 

[رشا عرابي]

تخيّلتك ولمّيت بأنامل لهفتي عتابك
وضمّيت بجفن عيني طيوفك والعذر إنّي

جنونك لو بغيت تردّني في عصمة حسابك
تراني ظلّك الـ الماثل .. وأراك إحساسي وفنّي

 

[سلطان الدوسري]

.
.
تخيّلت..وفديت احساسك اللي طار فـ اسرابك
حنونة قلب..مع كتلة مشاعر ليت تسجنّي .!

اذا عصمة غلانا ما تخليني من احبابك ..!
قسم بالله انا الخسران اذا قلبك مهو منّي
.
.

 

[رشا عرابي]

أنا كل اللي يبغونك... أنا بيتك ومحرابك
أنا صمتك أنا صوتك .. وكِلّك يالغلا منّي

أنا صمت الكلام اللي بلهفة سكتته جابك
وعصفور الصباح اللي سكن بضلوعك يغنّي

 

[سلطان الدوسري]

.

تخيّل لو بنيت مْن الشعر خيمتك واطنابك .!
وقلت ادلف على مهلي وانا بالحب متجنّي

كذا تقدر تقول ان الغلا اصلاً من انجابك !
يجي يركض وهو قصده يقبّلني ويحضنّي
.
.