[ فَضْفَضَة ]

[سامي امين]

قبل أن تقع في الهاوية
وقبل أن تنهش في لحمك الوحوش الضّارية
أنظر أين تضع قدميك عند المسير.

 

[سيرين]

لم يعد لليل حضور شاغر حتى ترتحل اليه كلماتي طلباََ للجوء
تخفف ايها المعنى
ولا تتحسس البوح الغير مباح .. لا توجد أوراق تسمح بذلك

\..

 

[ميساء محمد]

نبكي،ليس لأننا اشتقنا التعبير بالبكاء،ليس لأننا مازلنا أطفال،نخن نبكي لحاجةٍ ماسّة للبكاء

 

[عبدالله عليان]

الله يا امون يا حلو العسل .. وين العسل .. شايف انت الحين انت جدامك عسل .. اجل اجل .. صارلي جم يوم ناقع بالعسل ..بس موذاك العسل مال النحل .. شنهو عيل .. العسل مال الشهر و هلاله هل .. شهر العسل . ايه يبه شهر العسل .. شهر السمر .. شهر السفر .. السفر و النور من حسنج ظهر جنج فنر .. بتغيشم قصدي مو نور الفنر .. قصدي السفر.. ايه مو قلنا نبي نعيد النظر .. وش هالخبر .. عاج يا شين اللي وعج نكر .. خو ما كفر .. واعدج واليوم فلس و انجبر .. يلغي السفر .. و الصبر امون ما منه مفر .. لو جم شهر .. يالله قومي الحوش و اخذلج صور .. That is Beteer .. ايه روح بحوشنا يم النهر .. تحت الشير .. انا ماعندي بخت مثل البشر .. والله قهر ..

ليش زعلانه جذي وش اللي حصل .. مركبج طبعان و لاما وصل .. لاتحاجيني ترى دمك ثقل .. هذا مو شهر العسل شهر البصل .. لا لاتطرين اسمه هالغبر ..ما ابي يبقى له في مطبخنا اثر .. خلي بالج لي خلص هذا الشهر خلي بالج .. عدي الشهر الياي هو شهر الشكر .. واللي عقبه الدبس .. واصناف الثمر .. والفواكه كلها .. ورقي حمر .. شتقولين بهالطريقه يا قمر .. كل شي في شيره نسويله شهر .. المهم الحب لي منه استمر .. يستمر هذا الشهر .. دب الدهر .. لين يجي يوم و نبخصه ..كل شي يضعف هقوتي .. حتى العقل و اصير انا حقج عصا .. هاو ليش يا حسرتي .. شوفج يقل .. بس ليش مو انا العصا .. و انا شنهي شغلتي انت الطبل .

ذيك الساع يا امون .. و لما احفادنا يكبرون .. و توهم بالعسل يبدون .. و احنا وقتها شنكون .. ذيك الساع يا امون .. ناكل البصل مطحون .. قومي يا امون شوفي التيلفون .. يا حليل ابوي .. يسأل علي .. امنوه وين راح ابوج راح الجبره .. شييبلج ؟؟ خيشه بصل .. خيشة بصل .. بس .. و يبس .. ييبس عظام العدو من عرفتك و انت حاط دوبك و دوبه هالابو .. لا تلوميني ترى مو مني .. هالتصرف صار غصب عني .. ابوج يوم اني اخطبج جنني .. لولا تفكيري و عقلي و فني .. جان ولد الكبش خيب ظني .. قايلتلك يوز من هالربربه .. هم تنرفزتي شقلنالج يبه .. قول يجرحني و لازم تسحبه .. تقصدين الكبش حاضر نسحبه ..

ابوج يا عمري عسى عمره يطول .. يوم رحت اخطبج منه قام يحوس .. قلتله و انا على خبرج خجول .. الزواج الحب مو زود الفلوس .. قام يحقرني و يقول انت مهبول .. يايني يالهيس تعطيني دروس .. لو تنقص فلس واحد ماقبول .. ما يفيد بهالزمن غير الفلوس .. قاصره يحطج و يصيح بجم اقول .. بجم اقول بجم هالبنت العروس .. المهم اني عطيتك خطة من راس عاشق .. انت ابوي ارهن بويتك و امي تقنعه و يوافق .. وافق المسكين ليتك تعذره ما كان واثق .. ياب الفلوس و عطاني اياهم .. جان تبيهم تراهم كاهم .. قوم ودهم .. و الفوايد ماهم لازم فلوس الربا و ياهم .. ابوي حمدلله فلوسه زايده و عمره ما ياخذ من أحد فايده .. و ان سأل عن هالفلوس الوايده .. قول بعت البيت ماني برايده .. جان يفلعني و هذي جايده .. عيا اصبر جم شهر

وشلون نبني ؟ .. بين ناقص دور بنيانه نهبني .. رحت للبنك ابي سلفه و ما وهبني .. قالي وين ورقة بيتك يا ابني .. عند ابوي اطلبها منه و ان جحتني .. ما يجحتك روح جرب .. قول بنتك طرشتني ..يعني فكرج ما يعصب .. تبيو تورطني لقتني.. هذا واحد ما يوجب .. لي صرخ بطني لوتني لي صهل بطني لوتني .. نظرة عيونه تكهرب و ارتجف لي طالعتني .. يالله بسك لا تربرب .. زين بل كلتني .. ليش ويهج صار مرعب .. ليش يعني محاربتني .. صارلك ساعه تعيب .. ناسي امك يوم يتني و يوم يت البيت لأمك و خطبتني .. واي يا امك يوم انها اشبكتني .. يعني بتسلم علي و خرعتني .. و امردتني و امرستني و اقرصتني .. قمت اصرخ يمه فكيني ذبحتني .. ما كفاها كل هذا و غافلتني .. حطت ايديها بشعري و مجعتني .. جان ادزها لوما امي جودتني .. جان امجعها مثل ما مجعتني .. امي يوم انها رجعت ما علمتني .. ليش سوت لج جذي .. يعني فحصتني .

وفحصت روحج اذا روحج هوتني .. هاه .. و فحصت روحج اذا روحج هوتني .. لا .. ولاقلبج ؟ .. و لاحتى سألتني .. والله ما قصرتي يا يمه .. فحصتيلي امينه .. البودي كله تفحصينه و تحلين المكينه .. و يرددها كثيراً . قعدي امونه علامج واقفه .. بعدي ما كملتلك هالسالفه .. امك اللي تقول عنها ما تعيل .. قاعده و حق التنغز طارفه .. ناشبتني ليه شعرج مو طويل .. ليش يا بنيتي خدودج ناشفه .. و اهيا ليش انها متينه و جنها فيل .. عاد تسألني علامج ضاعفه .. امك اللي انشاف منها مو قليل .. عن كلام الزين امك حالفه .. مستحيل انسى فعلها مستحيل .. ذول ناس كبار مثلج عارفه .. و انا وياج جمعتنا العاطفه . ما تفرقنا سوالف هايفه .. و جان زعلانه و راسج ناشفه .. انا اسف .. و انا ايضاً أسفه .
https://youtu.be/B_WG1HwgDdM

 

[ميساء محمد]

هههههههههه
أطلق ملحمة تحمست وأنا أقراها رغم إنها طويلة بس النهاية عجيييييييبة ههههه توقعته يصير أكشن أكثر من كذا..
جمييييل جمييييل جميييل ما كتبه هالكاتب وجمييييل كمان عرضك ياه هنا أستاذ عبدالله الله يسعدك ثم يسعدك ويكتب لك السعادة دنيا وآخرة

 

[إبراهيم بن نزّال]

المشاركة الأصلية كتبت بواسطة سيرين

لم يعد لليل حضور شاغر حتى ترتحل اليه كلماتي طلباََ للجوء
تخفف ايها المعنى
ولا تتحسس البوح الغير مباح .. لا توجد أوراق تسمح بذلك

\..

سيرين
🌹

.
.
.

 

[إبراهيم بن نزّال]

المشاركة الأصلية كتبت بواسطة سامي امين

قبل أن تقع في الهاوية
وقبل أن تنهش في لحمك الوحوش الضّارية
أنظر أين تضع قدميك عند المسير.

سامي
يعتليني طمع لأقرأ لك نصا، قريبا..
🌹🌹

 

[ضوء خافت]

المشاركة الأصلية كتبت بواسطة ثبات

هههههههههه
أطلق ملحمة تحمست وأنا أقراها رغم إنها طويلة بس النهاية عجيييييييبة ههههه توقعته يصير أكشن أكثر من كذا..
جمييييل جمييييل جميييل ما كتبه هالكاتب وجمييييل كمان عرضك ياه هنا أستاذ عبدالله الله يسعدك ثم يسعدك ويكتب لك السعادة دنيا وآخرة

سمعيها و شوفيها ... شَييييي