تعال واكتب حالتك/لحظتك شعراً ..!

[نورة القحطاني]

"
عجيبة لحظتي
في غيبتك
يجتاحها الهوجاس!
يعوضها
عن أسباب الغياب
اللي تكدرها
"

 

[رشا عرابي]

مو بس الحرِف يِبكي
تراك بْسَطري الباكي

وكل الكون لو يِشكي
فلا والله منا بْشاكي..!

رشا

 

[عبدالله السهلي]

قالوا تقرب منه قلت ماودي حيا خايف من الحساد تزين كلامي
قالوا تباعد عنه قلت ما ودي جفا أريده قدامي على كيد حسادي

 

[عبدالله السهلي]

وين انت يلي لـه العـذرا تكحلـه=يقـوم لعيونهـا وتـشـوم لفعـالـه
من طيب أبوها تبا وصفه حليـلٍ لـه=يقلط على شوفـة البـارود وظلالـه
أبيـك فـي لازم( ن ) قـدك وقـدٍ لــه=قمر عربسات يبرى لك وتبـرى لـه
امر(ن) ضـروري وخلـك مستعـد لـه=منته مراسل تجي وتـروح برسالـه
عندك مهمه وقلبـك مـا بـرد غلـه=جدول مسيرك تعرف العـام مدهالـه
أركب على اللي قنابلها مـن السلـه=بمكبرات الصور فـي الجـو جوالـه
أخـذ المـدرج وتـل بريكهـا تلـه=وأخفق بها خفقـة الكـدري لمقيالـه
أنحر بها خاين النهرين وفطـن لـه=لاذكر بالخير فـي حلـه وترحالـه
حدد مكانـه بالتلسكـوب وانـزل لـه=انزل رويدا رويـدا واكبـس الآلـه
حربيـةٍ عاد يالسـودا تــسلله=تـسلله مـن جهـة عمّـان وجبالـه
جاته من الغرب عبر أجوا صديقٍ له=تحمل على متنهـا حزنـه وسلالـه
ترسم هدفها على الليزر وترسل لـه=إشارة الضبط والمضرب تهيـا لـه
ما ترفع ما تحمله ترفعه مترين وتفله=مع ذرة الشمس في قصره تحمى لـه
تعطيه ضربـة تـدك القبـو بالفلـه=والشـر فالـه وفـال الله ولا فالـه
من شدة الانفجـار أقـول بسـم الله=تهتز الاهـواز والبصـرة بزلزالـه
في سُبع الارض تحفر له وتدفن لـه=من تحت الانقاض والإنقاذ ما شالـه
ياخذ سنه يلتهب قبـوه كمـا الملَـه=يـذوب صنقـل الساعـة وسلسالـه
ثم خل غيره يشـوف ويعتبـر خلـه=واللي يبي مثلهـا بالحـال كثنى لـه
الضعف ما حطه الطيب سبيـل لـه=قد قيل من لا يعيـل تجيـه عيّالـه


للشاعر خلف بن هذال العتيبي

 

[نورة القحطاني]

أحيان مانقوى على جرح غالي
لكن بعض البوح تحتاجه الروح !

الصبر عمر وتاليتها رجاوي
والله يعين الروح من عثرة البوح !

 

[نادية المرزوقي]

تجون نغيب،
عسى بعض
الجروح تطيب
نبي نحضر بليا حضور
أبينا نغيب بدون غياب
تجون نفلسف الأشياء
غير الواقع المرتاب

تجون نكون فهالكون
كأن حضورنا " بدون"

نعيش أحرار، مرور أفكار
نسكت قلبنا الشاكي
و نداري عقلنا المحتار

يعني نشاغب الأدوار
و
نعيش من الوجع أحرار

تجون نغيب

 

[نادية المرزوقي]

أحيان أبيني أغيب و أتدارى
و أحيان أبيني شمس بوجودي

مثل الحقيقه كيف تتوارى..!
و مثل السديم المطلق حدودي

اجمع نقائض غفوة سهارى
حر اختياري فمجمل قيودي

 

[نادية المرزوقي]

أحيان مانقوى على جرح غالي
لكن بعض البوح تحتاجه الروح !

الصبر عمر وتاليتها رجاوي
والله يعين الروح من عثرة البوح !

"نورة القحطاني "