تعال واكتب حالتك/لحظتك شعراً ..!

[نايف السميري]

،
أكتب ملامح ضيقتك بأحساسك !
................ وأرسـم على وجـه السماء ترنيمه !
وأحلم كثير بـ لحظتك وابـ ناسك !
................ واسرق من اللحظات صبح وغيمه !

 

[نيرفانا]

‏-
‏
‏ قلّ لهم مَ عابها الصَدر الخضَر
‏طيّـبه في وقت .. مابه طيّبـين .
‏
‏..

 

[نايف السميري]

،
احيان حتى
الصبح تشعر
به حزين .!
كنه يؤاسي
المتعبين ،
وتبكيه ذكرى
الراحلين !

 

[نورة القحطاني]

ليت الصباح اللي تعثر بالوداع
يكون حلم تعانقه فرحة لقاك

#صباحيات

 

[نايف السميري]

،
ف عيونها صبح العمر وانفاسه !
............. وف احساسها اللحظة مدى من راحه !

 

[نورة القحطاني]

"
الله أكبر ياجمال الأقحوان
يرتسم نبض الأمل في طلته

الخواطر تلتمس بعض الأمان
والحروف تخاف تبدي زلته !

 

[نايف السميري]

،
بين سور الغياب وبين ، سور الحديقه .!
.................. تنبت الذكريات بخاصرة ، عمر ثاني !
صمتها بألف جرح وصوتها بألف ضيقه .!
................. وخلف زيف ابتسامتها العريضه تعاني !

 

[نيرفانا]

‏دكّ أرض المحال و خل عندي أمل
‏لا يهون الحنين اللي بعيني / عليك