تعال واكتب حالتك/لحظتك شعراً ..!

[نوف سعود]

،
‏ياقلب لا تبكي على ضيم حاليّ
‏انسى ترى مالك رجا لو ترجيت!

لشاعرهـ.

 

[رشا عرابي]

؛؛
؛؛

لَيتَ العَطايا سرورٌ؛ ليتَ أوهِبَهُ
فَرْحاً بِحجمِ الأماني والبُكا ألَما

لَيتَ الفواصِلُ تَحثوني إليهِ صَدىً
يرتَدُّ في الحرفِ يَلثِمُ " وجهَهُ " حُلُما

♥ رشا ♥

 

[نورة القحطاني]

خذني على قد مافيني من العبرة
وامسح دموع الوله والخاطر الباكي

 

[عبدالله السهلي]

ياللي تزيدون العتب والمشاريه هذا غلانا عندكم مادرينا
العام نادينا ولافيه لبيه واليوم عيتوا بنا يوم جينا
من نظرة الرجال نعرف خوافيه وش نيته واذا نوينا نوينا
اللي نوانا بالمكارم نجازيه واللي نوانا بالردى ماعلينا
كف السنافي ماجهلنا حراويه والا الردي خله يروح يهجينا
سب الردي مدحه ومدحه ما نبغيه ماهو بكفو فعولنا لا اعتزينا
واللي يحز القلب و يـبذ خافيه اذا تبلانا الكفو وابتلينا
وشلون يرضينا وشلون نرضيه اللي يزعلنا ويزعل علينا
من يقنعه بأن الخطأ منه وفيه وان القدى معنا ومنا وفينا
بالحيل يغلينا وبالحيل نغليه لو ان حنا بالفعل ما استوينا
ليته عصى ظنه وطاوع هقاويه ما كان حط عقولنا في يدينا

منقول

 

[نورة القحطاني]

"
كم تعاهدنا وراحت كل لحظة بالجميلة
آه ياكبر الجروح اللي لها طبع جموح

اعترف لك ياحنيني كانت احلامي عظيمة
وانتهت .. واليوم صارت قصة أيامي مزوح
"

 

[سعيد الموسى]

‏تمشي وكن الأرض ..
‏ملئ خناجر!
‏مع كل خطوه..تطعنك ..
‏وانت تمشي!
‏لا البيت بيت..
‏ولا الشوارع..شوارع!
‏زحمة خناجر..
‏كتفك شلون صاير؟
‏ياساتر..ياساتر!

 

[نيرفانا]

‏"من كثر ما قلبه خضَر بالمحبّة ..
يمكن على كفه توقّع عصـافير."

 

[رشا عرابي]

؛؛

ﻟﻴﻪ ﺍﻟﺒِﺪﺍﻳﺔ ﺯَﺣﻤﺔٍ ﻓﻴﻬﺎ ﺍﻟﺤﺮﻭﻑ
ﻭﻓﻲ ﺍﻟﻨّﻬﺎﻳﺔ، ﻧِﺨﺘﺼﺮﻧﺎ ﺑْـ ﻛِﻠﻤﺘﻴﻦ !

♡ رشا ♡