تعال واكتب حالتك/لحظتك شعراً ..!

[يوسف الذيابي]

،
بالله ..
لو قلت لك ضايق وش يهمك !

 

[بندر الصقر]

ياعقدي الرابع دخيلك على وين

ما يربكك وعد الظلام بطريقي

محتاج دمعة دين ولسان ويدين

والا انبشو لي في الثرى عن صديقي

 

[حنان العصيمي]

صديت لكن لا تشك بغلاتك
غالي عليّ وإن كان خيّبت ظنّي

لو كان بيدّي قلت : خذني وهاتك
بس المطالب ما تجي بالتمنّي .

( ؟؟ )

 

[نيرفانا]

‏ودّي أناديك لا شفتك وأصوّت " تعال " ،
‏لكنّ صوتي مثل قلبي كسير و خجول !

 

[نورة القحطاني]

لا تشتكي يازين همك على الناس

بعض البشر شماتتة فيه عادة


ارفع يدينك تالي الليل بانفاس
واطلب كريم يكرمك بالسعادة

 

[سعود القحطاني]

وانا معك

قرب لفمّي مسمعك

وبلا فضول

بكلمك من داخلك

ومابيك .. تسمع وش نقول !

 

[بندر الصقر]

تعال شف للشوق في غيبتك حل .. يا تأخذه يا تأخذ القلب وتروح

 

[نوف سعود]

،
‏أحياناً افقد صحوة العقل واطيش
‏واشوف نفسي غير ب عيون غيري
‏
‏مدري وش الاسباب وَلا اعرف ليش
‏يمكن عشان الله خلقني .. مطيري !؟


لـ بدر الحجازي