بدر عبدالمحسن - الصفحة 7

ميــرال · 10-28-2008, 07:04 PM

افداك انا كلي

http://www.al-wed.com/music/bdr/fdak_ana_kli.ram

ميــرال · 10-29-2008, 10:34 PM

اغصان المساويك

تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي

ميــرال · 10-29-2008, 10:44 PM

حسايف

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين

اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...

حسايف .. تذبل الضحكه وهى بين الشفايف ..

ميــرال · 11-01-2008, 07:45 PM

نقره لعرض الصورة في صفحة مستقلة
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أنا ما أشير بالفرقا .. ولا أحدك على المقعاد = تخير في طريق الوصل .. والا درب هجراني
حرام الوصل ما يجمع قلوبٍ عن هواها بعاد = وبعض البعد لو عذب يجمع بين خلاني
تحسب ان الهوى ضحكة دقايق عشتها في ميعاد = إلى ما رحت تنساها .. وتنسَى الوعد وتنساني
ألا يا صاحبي .. الرفقة ترى مَا هِى ثياب جداد = تبدلها متى مليت .. وتلبس غيرها ثاني
إلى ضاع الوفا .. مابه هوى بارجيه أنا .. ووداد = ترى ذا الفرق .. بين أقرب قريب .. وبين عدواني
تحاكيني بطرف لسان وهرجي من صميم فواد = وتاقف من بعيد .. ويم درب الموت تنخاني[/POEM]

تخير

ميــرال · 11-03-2008, 07:37 PM

فكره

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حبيبي من هو غيرك قد عشق فكره =طيف وخيال ونحولٍ يكسر الخاطر
ما حذرك عاذلك من غيه وسحره =ما قال قلبه خراب وموسمه باير
لا بر في دفتره لا شهد في حبره=لا ضي في غربته متبعثر وحاير
كني سمعتك وكل العين منتثره=دمعٍ صرختي ما بين السيف والحافر
لا تذبحونه ألم وأن طال به عمره=فاق بخياله جمال الماضي والحاضر
اللى طعنتوه خلوا شبر في صدره=يلقى به العشق وقت يقيم ويسافر
الكوكب اللي تقول الناس ياصغره=من كثر ما هو بعيد وشوفهم قاصر
لا تحسدونه خذا من خبزكم كسره =للجوع وأعطي شباب القلب والناظر
اللي قليله قليل ٍ فاض من كثره = واللي كثيره قليل الجوهر النادر
اللي قليله قليل ٍ فاض من كثره=واصابعه وان حسبتوا مالها اخر
اصابعه وان حسبتوا كلها عشره=وفي كل صخرٍ بياض عظامها نافر
في كل ارضٍ حفروديناها ظفره=وكل ما بكى كل دمعةٍ تولد بشاعر
كل ما انجرح شع نزفه واشتعل فكره=وكل ما بكى كل دمعه تولد بشاعر [/poem]

ميــرال · 11-05-2008, 08:06 PM

مرثية الدغلوب

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ذكرتك .. كانت ضلوعي خشب أثل وحشاي دروب = وقلبي غرفةٍ من طين تهاوى سقفها الدافي
ومن شح الدمع .. غنيت لك مرثبة الدغلوب= وطفلٍ للمطر يجري .. على الصخر الخشن حافي
نخياي أخلفت وعد الصرام .. وظلها المسكوب = على كبدي طويته يا الهجير الظالم الجافي
وأنا لومات غرسي منظما .. مالي عن المكتوب = عذابي اني سقيته وارتوى من قلبي الصافي
وإلى خان الشجر والطين .. لا تشره على المحبوب = زرعت ولا جنيت .. بها الزمن .. لي صاحب وافي
ندهني للرحيل .. من الشعيب المسني .. المذروب = إلى مني رقيته بان لي سهبان .. وشعافي
وذكرتك .. ما بقالي في السما لو لحظتين غروب = ولا لي في الثرى كود الذي برميه أنا خلافي
بعض طيني .. شهاب اثلي .. ودلوٍ يابسٍ مثقوب = يخر الرمل في جوف القليب .. ويظهر السافي
جريد اللي ذبل .. وإلا هوى .. أو هو موات قلوب = نويت أشد من دار العطش .. واعيش فـ اطرافي[/poem]

ميــرال · 11-08-2008, 12:14 AM

انا الجفا

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

عن كل نجم ظهر بسدل أجفاني = لعل ما عيش حزني لحظة غروبه
وعن كل خلٍِ طويل الصمت كفاني= الصاحب اللي قليل الهرج عذروبه
وعن كل ثوبٍ جديد باالبس أكفاني = وأدله ولا ألقى رسايل هم في جيوبه
أنا الجفا ليه أخاف الناس تجفاني = وأنا الحبيب الذي من يعشق عيوبه
راعي الوعد وأن صدق مرة ولاقاني = يحتار بين السراب وقلب محبوبه
يامن عذابه يشققني ويرفاني =فرقاك غصب علي بالحيل مكتوبه
خبرت نصف تعب من نصفه الثاني = بعضي الرماد وبعضي نار مشبوبه [/poem]

ميــرال · 11-12-2008, 09:51 AM

باقي فرح

اللحظه اللّي مقبله ..
بدري على ... اللحظه اللّي مقبلة ...
بالهون يا مستعجلة ... باقي فرح ...
لو ما تسرعتي على شمس المغيب ...
وقفت ثواني ما اغربت ...
وساعة وداعك ما اقربت ...
لو ما اختصرتي من السما ...
شبر إنتظار ...
طال النهار ....
ابسألك ...
حنا نعيش اللحظه والا نعدها ...
نركض على سطور الزمن ...
ونقرا من كتاب الزمن ... صفحه ...
عشان الصفحة اللي بعدها ...
أجمل من نجوم السما ...
إني أنا وانتي ... انتساءل ...
يا ترى ... يا ترى وش بعدها ...

باقي فرح
ابسألك ...
حنا نعيش اللحظه والا نعدها ...

الذين يشاهدون محتوى الموضوع الآن : 1 ( الأعضاء 0 والزوار 1)