هَفَوَاتُهُم .. !!

[خالد صالح الحربي]

:
يقول الأمير الشّاعر خالد الفيصل في رثاء والده المغفور له الملك فيصل بن عبدالعزيز _ رحمهُ الله _
والله محطك فالقبر لكن آمنت
ــــــــــــ باللي جعل دفن الْمِسلْمِين مسنون !!
وأقُول مفردة المسلمين ليست [ معسوفة ] بل [ معفوسة ] عَفْس ـ
لِكَي يَسْتَقِيم الـْ..وَزن ..!

 

[عادل بدر]

وش تظن الليالي اللي مضت الا تعب وأسفار
________ مادام ان الطريق اللي خذاك فيوم ما جابك!
البيت هذا من قصيدة للشاعر سلطان العميمي عضو تحكيم لجنة شاعر المليون
أي متذوق بسيط يلاحظ الكسر اللي فيه ..!!!
وعلى شان اللي ماهو متذوق ... الكسر عند كلمة الليالي .

 

[جُمان]

المشاركة الأصلية كتبت بواسطة عادل بدر

وش تظن الليالي اللي مضت الا تعب وأسفار
________ مادام ان الطريق اللي خذاك فيوم ما جابك!
البيت هذا من قصيدة للشاعر سلطان العميمي عضو تحكيم لجنة شاعر المليون
أي متذوق بسيط يلاحظ الكسر اللي فيه ..!!!
وعلى شان اللي ماهو متذوق ... الكسر عند كلمة الليالي .

عادل برغم أني لا أجيز أعضاء لجنة التحكيم كلهم
إلا ان البيت لا أجد فيه كسر !!

وشت / ظن / نل / ليا / لل / لي / مضت / ال / لا / تعب / وس / فا / ر

مدا /من / نط / طري / قل / لي / خذا / كف / يو / مما / جا / بك

وجهة نظر فقط

.

.

 

[عادل بدر]

وش تظن الليال اللي مضت إلا تعب وأسفار
_________ مادام إن الطريق اللي خذاك فيوم ماجابك !
جمان أنا أشوف إنا لو حذفنا الياء من كلمة الليالي راح ينجبر البيت .. صح .
يعني يصير البيت بالصورة اللي أنا كتبته فيها ...
والراي النهائي لك وللشعراء والمتذوقين بأبعاد .

 

[جُمان]

المشاركة الأصلية كتبت بواسطة عادل بدر

وش تظن الليال اللي مضت إلا تعب وأسفار
_________ مادام إن الطريق اللي خذاك فيوم ماجابك !
جمان أنا أشوف إنا لو حذفنا الياء من كلمة الليالي راح ينجبر البيت .. صح .
والراي النهائي لك وللشعراء والمتذوقين بأبعاد .

أنا قطعتها بدون الياء ../ خصوصاً أنها من الممكن أن تُقرأ ( ليلِ ) بالكسر
ثم ان بعض الشعراء يكتب الحرف ولا ينطِقه ../ وهذا أراه خطأ ففي النبطي يُُكتب الحرف كما يُنطق
وهذا ماحدث مع مدغم أبو شيبة في التصفيات ( ما تذكر ) الألف كسرت البيت وكان نطقها أصلاً ( مـ تذكر )
بغض النظر عن ملابسات ذلك الموقف وأظنه كتبها بدون الألف ونطقها بالالف
لذلِك حسبها العميمي على انها كسر في البيت << شطحة

.

.

 

[عادل بدر]

هو كتبها بالياء ياجمان ( الليالي ) والبيت ما ينجبر إلا إذا قريناها ( الليال ) !! يعني فيه فرق كبير يخلّ بوزن البيت وما فيه مقارنة بين هذا الخطا و ( ماتذكر ) اللي في قصيدة مدغم أبو شيبة لأن ما فيه مجال للتعذّر بااللهجة وعدم إظهار الياء ! يعني بكل اللهجات راح تنطق الليالي / الليالي .
شوفي أنتِ كيف حذفتي الحرف الزائد تلقائياً لما قطعتي البيت .
هذا دليل أنه المفروض أصلاً ماهو فيه

 

[جُمان]

المشاركة الأصلية كتبت بواسطة عادل بدر

هو كتبها بالياء ياجمان ( الليالي ) والبيت ما ينجبر إلا إذا قريناها ( الليال ) !! يعني فيه فرق كبير يخلّ بوزن البيت وما فيه مقارنة بين هذا الخطا و ( ماتذكر ) اللي في قصيدة مدغم أبو شيبة لأن ما فيه مجال للتعذّر بااللهجة وعدم إظهار الياء ! يعني بكل اللهجات راح تنطق الليالي / الليالي .
شوفي أنتِ كيف حذفتي الحرف الزائد تلقائياً لما قطعتي البيت .
هذا دليل أنه المفروض أصلاً ماهو فيه

بالنسبة لي أنا لا أُؤيد كتابة الكلمة بطريقة نطقها والتي تحذف أحياناً حرف .. مثل ( مـ تذكر ) بصراحة لستُ مقتنعة بحذف الحرف لأجل اللهجة .. ولكن سبق لي وأن سألت هل يُخل حذفُ حرف لأجل اللهجة بالوزن _ فقط من اجل المعرفة _ وكان الجوابُ بالنفي ../ فَقِستُ عليه
وتقطيع البيت فعلاً سيكون سليم اذا حُذِفت الياء .. ولو نطقها ياء وليست لام مكسورة لأصبح البيت مكسور


<< رفعت الراية البيضاء

.

.

 

[زاد الركب]

المشاركة الأصلية كتبت بواسطة خالد صالح الحربي

:
مِنْذُ سَنَوَاتٍ طويلة .. وَ نَحْنُ نُرَدّد مع أبُو نُورة :
[ أسمَر عَبَر ، زَيّ الـْ..قَمَر ] !
وَ أقُول بذِمتكم وْ ذِمّة اللّي خلفوكم .. فيه قُمَر أسمَر ؟!!

القمر وهو ( محاق ) يا خالد ..