تعال واكتب حالتك/لحظتك شعراً ..!

[نيرفانا]

,*
عطيت والناتج ..جحود
مابيّن بـ عينك عطاي
واليوم لو تنوي الصدود
لاتنتظر لحظة بكاي ..
تعُود ... ولا ما تعود
ماعادها ما تفرق معاي ..

 

[عبدالله الجودي]

‏.

كنت أحسب أن البشر ما تلتهي
وكنت أحسب الأوفياء الأصدقاء


لا تحسب الأطعمه بس تنتهي
لـ البشر أيضا تواريخ انتهاء


.
.

 

[نيرفانا]

,*

لويخُونك من تحب ,, ماهو خطاك
كل سيفٍ يجرح بيّد السفيه
لاعطيت إنسان , ولابيّن عطاك !
ثق بانك حاجةٍ ... واجد عليه !

 

[عبدالله الجودي]

.


‏استفزك ، و اهملك ، و اشره عليك
و ابتعد و ارضى و ألومك و أجرحك




صعب احبك و اكتم غروري و اجيك
و إن نويت تحبنّي .. مـ انصحك


.


.

 

[خديجة إبراهيم]

ما للعتاب الا صدور المناديل
ولا وداع إلا الوداع الغصيبه
ما خفت أحبك حيل خفت اكرهك حيل
والكره من بعد المحبه مصيبة..!

(ناصر مناحي)

 

[عبدالله الجودي]

‏ً

يا حلو صوتك و صـوت عيونك الثرثاره
لا تكلمت اسمعك و اذا سكت اسمعها




كل واحد منّكم .. له قصته و اسراره
مدري اسولف معك و الا اسولف معها


.
.

 

[سيرين]

استوطن اخاديد سهري
وتساقط فوق ظلالي مطرا شهيا يؤرخ بي أحلام النجوم
فقليلا منكَ يبعث الحياة
بمدني المنحوتة بلا رعد أو قربان يستنهض أصداء الغيوم





...

 

[عبدالله الجودي]

‏كنت احبك وانت لي عابر سبيل
وحذروني بس تجاهلت الحذر




في عيوني كنت اشوفك شي جميل
بس نسيت ان العتب على .. النظر


.
.