[ حَمَامٌ زَاجِلْ ]

[غاده]

وْين" رْآيح يآغرْيب !
آلدرْب يوْدّي .. مآيجيب !
يآگثرْ .. منهوْ .. لآ رْحل
مع زحمة آلدنيآ ..
............يغيب

 

[عبدالناصر الأسلمي]

على شاطي الفجيرة بس ليلة

 

[عبدالناصر الأسلمي]

على شاطي الفجيرة
بس ليلة

 

[عبدالناصر الأسلمي]

أحلى من الذهب المطلي بالذهب
ادق من وصفك المحبوب عن كثب
ارق من ضحكة الحسناء يتبعها
شيئ من الغنج الممزوج بالعتب
مرور كفك بالأشواق سيدتي
فويق صدري لتخليصي من التعب

 

[غاده]

الشوق كنه حمام يطير من صدري
والجرح كنه معي يكبر ويتعلم ..!

وإذا سألوني تحب ؟ أجاوب بـ مدري
مع إني أدري وأحب ومابي أتكلم ..!

 

[مشعل فايح]

يا عيوني.. كانت بغفلة عيوني
طحت سهو..
وصلت لسهوك شجوني..

جيتني رفّة حمامة مسافرة
وغنيت..
ورفرف جناح المحنّة
وشفتني وغنيت..
وما عرفتك.

اقطع انهار وبحور
واكتشف حزن المحيطات
ورفرف لوحدة مراكب
بعتمة الرحلات..

وانسى جرحي .. وقلبي الافاك
طول عمر الصبر..
تاركني هناك..

ما تضيع.. يا حمامة حب
غنّت للسلام وللأماني
مو عدل لعيوني تتعب
وانا قلبي في مكاني

يا اخي اعتب.
قلتها مرة بحياتي
هالعتب اصبح صديق
وخون بي العهد العتيق.

كل مرة يا عيوني
تطيح سهو
وتصلي لسهوك شجوني

 

[عبدالله صلال العساف]

على انتظاري تضحك اعيون فرقاك؟
واضحك على اعيون الوهم لاذكرتك؟
روح اسأل النسيان قل كم تحدّاك؟
من كل عناصر فيزياه اختزلْتك
آصب بإعيون السهر كاس ذكراك
ولا غمّضت عين المكان ارتشفْتك
عبدالله صلال العساف

 

[علي المحمد]

ماهوب كفو الوقت حبك يمحّيه
ياللي تخاف صروف الايام تمحاه


ارتاح دام ان المواصل يقويه
انت انت ... و انا انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
( يالله عسى اللي يبلا المواليف يبلاه )

اخفيه ياصاحبي والحال يبديه
ادناة واحد ينظر الحال يقراه

اخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه


وتشوف به تمثال والوقت هاريه
وبتشوف زرعٍ ميتٍ واقفٍ ماه


وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولا تضايق من تصّدع زواياه


قَد زلزله فرقا و هزّة عراويه
والله ستر والحظ عانه وعافاه

كانه صلح لك واعجبك . زيد تبينه
ابنه وجهزّ للمقابيل مبناه

ابغيك بس من المفارق تداريه
وازهل من ايداري شعورك ويدراه

وحلل وحرّم فيه . ياأبرك بلاويه
وحله وراع ارضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلاقه

وإلا انت . ردك كُل ما ادعيك لبيه
انشهد منتوا في عيني اشباه

منت بمعى العالم . ولا تقولي ليه
انت ادرى مني وش جوابي وفحواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه


واعشق سميك في البزارين وادعيه
واقبل خطاه اذا اخطى واتلقاه


واسمك يروعني اذا مرّ طاريه
واحب ملقوفٍ يسولف وطراه

وامرّ بيتك من بعيدٍ ولا اجيه
وانا لو انه في يدي ماتعداه


حتى تواير موتري تلتفت فيه
تبغي تلفّ ويستحي العقل والجاه


وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لـ أقفي عنك . استغفر الله