[ حَمَامٌ زَاجِلْ ]

[علي المحمد]

يادنيتي مجروح من وين ماروح
ماراحت جروحي والايام راحت
ياليت لي نفس اذا ضاقت تبوح
ان كان من هم الليالي استراحت
كل ماخفيت جروح تظهر بي جروح
وبوسط صدري دلــة الهم فاحت
وانا اكبر من الجرح ماأقول مجروح
نفس العزيز اكبر من جروح ناحت
اوقف بوجه الوقت كني جبل نوح
واطيح لو روحي من الجرح طاحت
قلب الاسد ماهوب مخلوق للنوح
تعما عيونه كان في يوم صاحت
صوت الحزن من كثرة النوح مبحوح
يشكي الجروح اللي مع الوقت لاحت
وانا لجرحك يازمن قلت مسموح
ان اقبلت دنياي وان كان شاحت
ولـــــو كـــــل صـدر اصـــــبــــح كــــتـــــاب مـــــفتـــوح
كان كـــــل النــــــاس بــالهــــم بــــاحـــت
والروح بعض احيان ترخص لأجل روح
لكنها لو باحت بسر راحت...!

 

[حاتم منصور]

لا نبض قلبي انا اعرف ان عيني ذي تشوفك
............. لا وقف قلبي أنا ادري تسحب ايدينك و روح

me

 

[غاده]

حكيت ... ومالقيت من الحكي الا الندم موال، سكت ومت بالحسره ولا ادري وش هو احسن لي


طلال الرشيد( رحمه لله )

 

[علي المحمد]

كثرالاسامي../..كثرماجروحي ابكوني
.............مشتاق اسولف لحضن امي عن احزاني

مشتاق لي../لسر الرمل.../لمزوني
..................للعشب../للما./لحلم يبعثر أركاني

مليت.. أكون السؤال: وليه خلوني
................وأرجع.. اكون الجواب الكل خــلاني

يا..ريت هذي السجاير...ناس يغلوني
............سخف! أدري وأسخف من التشبيه دخّاني

لكنه اطعم ...من اطعم كلمة.... شلوني
..............وانا ادري محّد سواي يموت من شاني

آه../عشرة الا../قلم مكسور./مكنـــوني
................ارهاق رفرف.../حصير البرد./ناداني

نعسان وادعي..على الله ما....يحصدوني
................باكر اذا..موسم الاوراق....غنـّـاني

بنام لحظة...وأبحضن حنطة شجونـــي
................يمكن على الله القلق لو يوم ينساني

المشعل حابس

 

[أمجاد محمد]

كم وجه صاحب غاب ، ما غـاب خفّاقـه
كل يوم يحيي نبـض قلبـه .. سوالفنـا !


لو فارق اللقيـا .. نلقـاه فـ/ فراقـه ..
كنّا علـى حبّـه ووصلـه .. تحالفنـا !


كل ما غمرنا الشوق ..نشتاق لـ/ عناقه !
مـا كننّـا الا غيـم .. ويديـه طايفنـا !


وكل ما شعرنا بـخوف .. لذنا بـاوراقـه
نذكر في حبره أمـن .. يقتـل مخاوفنـا !


بالمختصر .. من كثر ما حنّـا نشتاقـه ..
نتخيّلـه رغـم المسافـات .. شايفنـا !!

 

[عبدالناصر الأسلمي]

حنيت الك
شايف حنين الصيف لو جاه الشتا وبلا مطر

 

[مشعل فايح]

هزيم السنين يهزّ عرش القلوب البيض
متى يا شتا الغربة تنحّى مواجعنا
عليك الجفا سلمّتني لاحتراق القيض
وانا دون نفسي مالشعري معي معنى

 

[ميــرال]

كيفك انت......