ألمـ...ـشاعر !!

[بركات الشمري]

.

لاعاد تنشدني ...على وين رايح ..
........... رايح اسابق خطوتي وانطح الريح !

وإن شفتني عند الهواجيس طايح
........... إتطيح من عيني إذا جنبي إتطيح !!


.

 

[بركات الشمري]

.



وش يضرّك !؟
لو أجيب " احساسي " الليلة .. وأمرّك !!



.

 

[بركات الشمري]

يمكنّه الحب ! ، يمكن شي مااعرفه !
................ يمكنّه الشوق ! ، يمكن شي ناقصنا !!


الموت أبطى أمانه شوف لي صرفه !
............... من منّنا !؟ ( منّنا ) ... يقدر يخلصنا !!؟




.

 

[بركات الشمري]

.





أذكرك ، وابلل بدمعي .. طريقي !
.................. وآخذ من الليل ( آه ) وما أنام !

وانده لـ تنهيدة المشتاق : فيقي !
.................. وتيبس أطرافي ولا يبقى حمام !

والغمام اللي أبيه يفكّ .. ريقي
.................. ينتظر مثلي بعد .. " جيّة غمام " !

هاجسك لاراوده همي وضيقي
.................. قولي إن الموت هو مسك الختام !

وإن غرقت هناك قولي : ياغريقي
.................. لايموت الحلم في قلبك .. حرام !

حلوتي ، والوصل هذا مو حقيقي !
.................. حلوتي ، والشعر هذا .. مو كلام !

أزفر عيونك ... يجاوبني شهيقي !
.................. وافتح عيوني و يلفحني .. ظلام !!

ومن سمعته قال للنسمات : ضيقي !
.................. فتّح عيوني و .. خلاني و .. نام !!


.

 

[بركات الشمري]

.



كل عام وانت الحزن
......... كل عام وانت بـ/ـعيد !




.

 

[بركات الشمري]

وانتحر ..
شاعر ٍ أهدا لها روحه ، وراح !
دير بالك يابحر !!



.

 

[بركات الشمري]

لاتغيب ارجوك ياعمري ... أخاف !
.................. ينتهي بي الياس .. داخل مسرحه !!

والصباح يموت من هذا الجفاف
................. وانت ماتلقى حبيب ٍ ........ تجرحه !!

 

[بركات الشمري]

.




وين ياملح السنين !؟
لي سنه !
لا والله أكثر ... أنثر احساسي .. حنين !
واكتم انفاسي أخاف الشوق يطلع !
في رجا .. ( إنّك تجين ) !
في رجا .. إنّك تعيدين الحياه ..
للي بعدك قام يصرخ :
آه ٍ وآه ٍ وآآآآآآآآآآه !
للي بعدك .. ضاع بعضه !
وبعضه الباقي
نساه !
شوفي حالي !
منطوي وحدي .. ولا لي !
غير اقلّب ذكرياتي .. ! وانتظر طيفك يبين !
ياااه .. ياهالذكريات !
تذكرين !؟
كم سهر " طرفي " على " طرف ٍ " يبات !
وكم جرح ٍ مات ! ... حي !
وكم فرح ٍ حي ..
مات ..!
تذكرين !؟
كنت أنا لاغبت اجي واسأل :
بكيتي !؟
تسكتين ..!
وأسمع أشواقك تقول :
إيه ياحيي وميتي !
وكنت أشّر يم قلبك .. واسألك :
هو .. هذا بيتي !؟
كنت أسمع .. دمعتين !!
تذكرين !؟
كيف اسابق لهفتي
لاجيت يمك !؟
وكيف كنت اجمع حنيني وانثره ...
من شان المك !؟
تذكرين !؟
يوم أنا ( أول ) ... أهمك !؟
ماسألتي .. كيف حاله !؟
طفلك .. النايم بصدري !؟
وكيف لامنّه تشوّق ..!
قمت احس النار .. حدري !؟
وكيف اجاوب لاسألني .. ( ياترى بالحال تدري ) !؟
كيف ابهرب عنه .. قولي لي أمانه !؟
وين أودي وجه صبري ..
لابكى فيني .. حنانه !؟
وكيف اسليه بـ غيابك !؟
وأنا احس إنه بصدري .. مل ّ حتى من مكانه !
يالله عاد !
انفضي غبار الرحيل .. وأطعني
" صدر البعاد " !
ياهو .. لاعبّي الحنين ..
هه ! شوفيني حزين ..
لا الهوى هذا هواي ... ولا بلادي هي بلاد !
ماسألتي ليه اموت الفين مره ..
لاطريتك !
وليه احس القلب يطلع !
بس .. لامنّي بكيتك !؟
وليه أنا .. أفنيت عمري .. فدوة لعيونك !
وجيتك !؟
ماسألتي .. ليه يعني !؟
وكل طاري هم ْ من بعدك تبعني ..!؟
يمكن إن قلبك .. نساني ..!
أو يمكن ... ماسمعني !
إييييييه والخالق .. " أحبك " ..!
وحتى أوجاعي ..
تحبك !
حتى أسمك لابغيت أنطقه !
يطلع لي " أحبك " !
















































































يا " أحبك " !


.