مُتنفس .. شِعري !

[سعيد الموسى]

المشاركة الأصلية كتبت بواسطة صالح العرجان

البسمة اللي ترحب بيّ وأنا مقبل
‏يا جعلني ماخلا من وجه راعيها .

" الله يرفع قدرك ويعلي شانك يارفيع القدر والشان .. هذا انا وابشر بي يابو عبدالله

 

[سعيد الموسى]

المادة : شعر
الموضوع : العيون أفواه
_

تحت تأثير (الكحل) يلعن، نعاسه
كان رمش وكنت انا وابليس وسوس
فوق راسي كلّها من تحت راسه
يفتح الخنّاس عين الناس للـ(مَس)
في عيون الناس. ناس اكثر شراسة
توّها تصحى وتوّ الليل عسعس
آهـ من يقرأ “تبارك” وسط كاسة
تستوي لي “حرز” واشرب وآآتنفّس
مو عشان يبلّ شرياني يباسه
لا.. عشان الجرح و(الكاس المقدس)
* *
تقول والا ما تقول الرواية
أحيا بكيفي، مو على كيف الاموات
يا صاحبي ما يجعل المبدع (آية)
إلا الوعي والموهبة والمعاناة!
* *
يتوهـ الضو في ليلٍ من الظلما فـ بعضه تاه
مثل ماتوه وآفتّش فـ عين الحرف عن مهرب
على قد الغموض اللي تمادى بي فـ عينه:آآهـ
على هالآه؟! تتمادى عليّ عيونهم واتعب
عيون الناس و(الما) في عيون الناس من يظماه؟!
على حد الهلاك تغنّي ازهاري، (ظماه اعذب)!
يـ عين امّي، نسيت اذكر وصاة (ان العيون افواه)
مثل ما ناكل ونشرب تعبنا.. تاكل وتشرب..
انا اذكر كل ما قلتي (عشان ارضى عليك انساه)
أكيد انساه؟! وآغمّض عشان رضاك لا يغضب
إلى يومك وانا هادي مغمض ما فتحت شفاه
على نفسي ومن نفسي عليها انطفي واشتب
أنا لله احب الناس واكرههم.. كذا لله
حسافة ليتني لله منهم انكره وانحب
كسوني، ثوب جردني من احلام الطفولة: يااه
كبرت..! وذاك في صدري إلى البارح وهو يلعب
خذوني طفل ما كدّت “أماني” شعرها لولاه
رموني، صبّ، متهالك، مشرّد، شاعر واعزب!
يـ يمه قولي ان قالوا نبي قربه.. عشان الله
عشان الله خلوني، تراني من بعيد.. اقرب
أنا بي جرح، مدري مين ابوه؟ وليه ما سمّاه؟!
أنا لي وجه، خلاّه الجفاف السرمديّ اشهب
عليه اعتب، اذا شفت الوجيه من الوجيه اشباه
أعرفه يستحي مثلي، ومن (مثله) عليه اعتب؟!
عشان ارتاح قلت اشطب فـ صدري بالكتابة (آهـ)
كأني ما شطبت وما كتبت الا، عشان اتعب

معلّم المادة / عبدالله الكايد

 

[سعيد الموسى]

تعديل : العيون أفواه
أتمنى تعديل المشاركه .. حباً وكرماً ..

 

[سليمان عباس]

تحبيني ...؟
انا حبك يرجعني ويوديني
انا لجلك
حبست انفاس آخر حرف
حتى صاح خليني
لجل اتنفس اللي يحتويها
وانغمس فيها
يكفيني
اختناق اوراق
خليني
ولاهمي
اصير العاق
ابي اتمرد واصرخ
واكتب حرف بلواها
واقول اللي حبس حرفي
ترى مثلي
واكثر مني يهواها

 

[سعيد الموسى]

مايستحي ..
هذا الوجع !
ماينتخي
نابه .. جشع !
يعني أكرمه ..
بس ماشبع ؟
طيب .. أنيني ..
ماسمع ؟
مافيه أبد .. نخوة رجال
جبان .. وأيدينه ثِقال !
وأكبر دليل
لخسّته !
رمحه بظهري
طعنته ..

 

[فيْصَل الصَقّار]

راحل ويبقى من الأثر ما روى عنه '
‏يحسب حساب إنه عن الكون راحل '

‏وجت بنت صبّت / كفكفت دمعةٍ منه
‏وعاش الطفولة في جميع المراحل ..

‏واستوطنت من حبته حول أماكنه ..
‏غَرْقَت ولا حوله يدين وسواحل ..…'

‏شاعر بلاه الله بطيبه ومعدنه ……'
‏حتى غدا من غدر الأيام ناحل .…."

 

[سعيد الموسى]

يقول شاعري وحبيبي البدر :

مثل البكا ..
حبيبتي تحتاجني تحت الظلام ..
ومثل الفرح ..
حبيبتي أحتاجها وسط الزحام ..
الحب
علمها السكوت
والحب
علمني الكلام .

-

 

[سعيد الموسى]

الصَمتْ - وَالكَبْت - وَالتأويِل - وَالأسمَا
ـــ وَالنْاس - وَالفْاس - يَاغِصْن السِدّر عَارِي
وَالـ يَاه - وَالـ آه - ماتَسقِي وَلا تَظمَى
ـــ مِنهَا - عَليِهَا - إلى مَا ... قِبلَة أنهَارِي
كَم لي تْهَاديِت بَالنسْيِان قِل - مهَما
ـــ حتَى تنَاسْيِتهُم في نْوتَة أوتَارِي
الشَك - وَالظَن - وَالتأكَيِد - ياسَلمْى
ـــ في آفتَيِن السْكَوت - لـ بَاقِي الطَارِي
مِنْ كثر ماقلْت / هَذِي شْيِمَةٍ عُظمَى
ـــ تكَالب القَوم حتَى فَجّوا أزرَارِي
أنْفاسهُم - كاسْهُم - أوعِيه ثُم أغْمَى
ـــ ياسَاتِر الهَم - بيِن الفَم - وأعْذارِي