اوراق مبعثرة!!!

[محمد علي الثوعي]

رحل ...بكيفه ...دون ...كلمه ....وتوديع
ماني بناشد وين رايح بكيفه

الدرب ...سالك .....وسعّته ... المشاريع
الله يسهل ... له دروب ٍ ...وليفه

من ..شهر ..واكثر جات عدة ..مواضيع
ابحث على ..حل ..الأمور الكليفه

طبعه ....غريب..... ولا تفيد ...التطابيع
شبعت من كذبه ونفسه ضعيفه

القلب ..حبه... كنت ...مااسمع ..ولااطيع
واليوم نفسي من غرامه معيفه

عند ... الكرامه ... ما اتنازل ....ولا ابيع
أصبر على نزف الطعون المخيفه

رجلي ..على ..درب.. السنع ...والمطاليع
متعّوده ترقى الجبال المنيفه

الشوق ...كله... يم ... ذيك .....المرابيع
دار الكرم واهل القلوب النظيفه

جبال ....عز ....وشامخات ٍ ......موانيع
تسمع تراحيب المضيف بضيفه

ترى.. الظبا ..فيها... مع الضلع... والريع
متواليات ٍ ...في صفوف ٍ ... حليفه

عيني على ...هاك .. الرموش ..القواطيع
من سهمها صاحت جروح ٍ كثيفه

فيها ..الحيا ..والزين ..من ..غير.. تلميع
تلبس ..لها ثوب ٍ ..مشجر ..قطيفه

صوره ...فريده .... لارسوم ... وتواقيع
من بعدها عفت الحياة الكسيفه


محمد الثوعي

 

[محمد علي الثوعي]

عندما حاولت .ابعد عن ...اوطانك .جنوب
شفت ..كلي ..راح يمك.. على نفس المسار


لا .تحمّل ..خاطرك .حزن.. يا كثر الذنوب
وش بقى ..بالقلب ..غير الصبر. والانتظار

من عيونك كيف صدرت جيشك للحروب
وانا مسلم ..لك...مسلّم ترى ...بالانتصار



محمد_الثوعي

 

[محمد علي الثوعي]

ابيات متواضعة مرثية البدر.

غاب البدر والصمت عمّ....الاماكن
.....اكبر فجيعه موت شاعر...وانسان


رحل ولكن وسط الأعماق ..ساكن
.....يبقى مع الاجيال حاضر بالاذهان


بكت عيون الشعر .والحبر...داكن
.....تدثّرت .كل المعاني .....بالاحزان


كل المدن بالمملكه اليوم...تباكن
.....فقد البدر هز المشاعر والاوطان


بالارض بدر ٍ .غاب عنّا......ولكن
.....يشع نوره ..بالافق .عبر الازمان


محمد_الثوعي

 

[محمد علي الثوعي]

جات المشاعر بالشعر مختاله
تقبل على بيض الورق خيّاله

والشعر ياعالم رفيع القامه
عند الذي بالفكر يبني حاله

مايحرّك الاحساس .. قول ناظم
ماغاص في عمق البحر واهواله

من يبتكر فكره واجاد المعنى
يكتب شعر والمجد من يبراله

من صوّر المشهد بحرفه ماهر
يطرح معاناته وكل آماله

يفتل وينقض فالبيوت الجزله
من يعرف المخرج قبل مدخاله

شاعر تغنّى بالقوافي وأطرب
والشعر دايم مبدع ٍ بارساله

باجمل عباره في المشاعر غرد
في سبك قافه ما حد ٍ يرقاله

يبقى رفيع القدر باعلى منزل
شامخ ولا ينزل كبير القاله

مستفعلن مستفعلن مستفعل
بحر الرجز يطربك في مواله


محمد الثوعي

 

[محمد علي الثوعي]

غنائيه

فكر معي. في حل
دور ..على ..مخرج
وضعي معك مختل
ساكت ..وانا محرج

حبست في صدري. كلام
ودي ..اقوله .. وأستريح
واطير. . اسراب... الملام
من قلب شاعرك الجريح
انااااام لو ليله ..اناااااام
محتاج ..للراااحه .. ذبيح
ظلام ....قلبك.....ياحرااام
والوجه.. ما مثله.....مليح

فكر معي ..في حل
دور ..على . مخرج
وضعي معك مختل
ساكت ..وانا محرج

علمتك ...الحب..العظيم
وش لون بالله... تجهله
اقرا...ف دفترك ..القديم
الحل .. واقرا المسئله
اهيم ..في .حبك ..اهيم
والحب اكبر. . مشكله
مرات احس اني غشيم
مشيت درب ٍ ما اقبله

فكر معي.. في حل
دور ..على. مخرج
وضعي معك مختل
ساكت.. وانا محرج


كثر التجارب
علمتني
ان الوفاء اصبح
سراب!

وان القلوب اللي
جفتني
في... حضوري
والغياب!

في..... البدايه
صافحتني
عانقتني.. في
جواب!

مثل ماهي جمّعتني!
بعثرتني ..في
عذاب!!

فكر ..معي في حل
دوّر ...على .مخرج
وضعي معك مختل
ساكت ..وانا محرج



محمد _الثوعي

 

[محمد علي الثوعي]

......اضحك.بوجه الحزن واقول معذور
......أدمنت...قربي. والمواجع ....مسَرّك

......يامر حبابك.. حتى لوكنت ...مقهور
......تمرني...والشوق....بالفعل ....جرّك

...... ماكانت. الصحبه من ايام ..وشهور
......عليك.. صابر ...والمشاعر .....تبَرّك

......حضورك.. اللي صار بالقلب...محفور
......اقرب من.. الأفراح سهل ٍ ......ممرّك

......عشتك .سنين العمر بالصدر ..مقبور
......ماشفت خيرك .بس ياكبر ......شرّك

......دوله. ولكن دون شرع ٍ .....ودستور
......تفرض على.. المحكوم يدخل..مقرّك

......اجتزت. بعدك كل ماكان ....محظور
......عبرت بحر.. .الظلم عانقت......برّك

......جرّبت في. الدنيا وصادمت .جمهور
......ناس ٍ تقول .....اليوم لله ........درّك

......رفيق عمري. احذر الغدر.....والجور
......اسمع كلام. الصدق عندي.....مدرّك

......رجل ٍ حقر غيره. من الناس..محقور
......عينه على ..عثرة جوادك......وغرّك

......من .يتبع الجهّال مايعرف ......النور
......من لا نفع نفسه مافادك ......وضرّك

......غيرك تعرّض للتعب عاش ...مكسور
......في موقع الاحداث صاير .....مشَرّك


#محمد_الثوعي

 

[محمد علي الثوعي]

الفوز ماهو الفوز بالدرع والكاس
يفوز من يعطى بيمينه كتابه

المحسن اللي مايحسّب للافلاس
من قدّم المعروف يلقى ثوابه


*محمد_الثوعي*

الله يسعد صباحكم بالخير والمسرات وجعل ايامكم كلها صحة وسعادة 🌹🌹🌹

 

[محمد علي الثوعي]

اليوم في خاطري حسره
من صاحب ٍ غيّر اطباعه


اعلنت للناس في كسره
توبه من الحب واوجاعه


محمد الثوعي