تعال واكتب حالتك/لحظتك شعراً ..!

[عبدالرحمن العتيبي]

مدري علامي كل مايظلم الليل /// زارتني همومي جيوش وسرايا

يا ما سهرت اسامر الجدي وسهيل //// وآجر وناتن بقلبي خفايا




ب ق ل م ي

 

[الجود]

أتمنّى روحا
أحلى من كلّ الأرواحْ

روحا خُلقتْ
من نبضات التفاحْ

تمطرُ ضوءا
مثل المصباحْ

تروي
كلّ الأقداحْ

أسقيها
للمعشوقة كي ترتاحْ


* عبدالرحمن أحمد الذيب

 

[خديجة إبراهيم]

يوم ضاقت ..

قلت وينك يالفرج ..؟

قال : جيت ..

وشفت حولك ألف صاحب ..

وخفت أسبب لك حرج !!

إرتكيت ..

بس وين اللي يشيل الحِمل وينه ..

وين ذاك اللي ذخرته للظما قطرات .. وينه ؟

وين أبو الفزعات عني ..

ما قدرت ألقاه وينه ؟

من لمحني فوق كفّ الموج .. فضّ

كسَّر ألواح الرجا بيني وبينه !!

حزّ نفسي ..

غصّ في حلقي .. ورضّ

كل ضلعٍ لي معاه .. وغضّ عينه !!

يحسب إني مِتّ همّ ..

ولا درى إني حيّ لكن ..

مِتّ من خنقة يدينه !!

يالفرج ..

صاحبي ما شفت زوله ..

من فقدته فيوم شِدَّه ..

بس لو جاني على قلعة عيوني ..

حالف إني ما أردَّه ..

والمودَّه يالفرج .. هيِّ المودَّه ..

صاحبي .. مالي بصدَّه ..

صاحبي .. روحي عرينه ..

ولو نصاني والنواصي عشب قبري ..

والله إني غصب لآحيا .. ثم أعينه !!

إرتكيت ..

وطحت ..

والجلمود .. ناخ .

آه يا كذب الليالي البيض ..

آه يا ظلم السباخ ..

من مشاها ولا وراه زنود تبري الكبد .. داخ .

يا كثر ما خيِّبتّ .. ظنّ اللبيب ..

ويا كثر ما غيِّبتّ .. وجهٍ قريب ..

ويا كثر ما شاف منها ..

صافي النيَّه .. وشاخ .

إرتكيت ..

و أثر ظِلِّي ما يمون ..

و أثرني كومة طعون ..

من غلاة أصحابها ..

ما قدرت أقول : آآآآخ .

لي مبادي ..

وصاحبي .. لوجار منه الجور .. عادي

وصاحبي .. لو هو قتل ذكراي .. عادي

وصاحبي .. لو هو بِخل بِرضاي .. عادي

وصاحبي ..

يبقى العزيز الناصع اللي له ودادي

ودام أنا ستره وثوبه ..

صاحبي .. ما أقول : عنه أبداً ، وتوبه ..

يا هلا به ..

وبعيوبه ..

وبذنوبه ..

يا هلا .

إن وصلني .. ياهلا .

وإن قطعني .. يا هلا .

صاحبي وإلا فلا .

والغلا نعمة كريم ..

وساقها لكلّ الملا .

ويالفرج .. حاول تحبّ .

دام لآهل الأرض ربّ .

ولو تشوف .. أصحاب واجد حول قلبي ..

لا تعاندّ .

السواعدّ من سراب !

والحصايدّ من يَباب !

والشِعرّ .. كذَّاب !

خلّ فِتَّال الشوارب .. عن يمينك ..

ولا تخاف من الحرج .. لو قيل وينك ؟

كلّهم مثلي تراهم .. باالنهاية ..

طالبينك .. طالبينك

طالبينك .. يالفرج !!

ويوم ضاقت ..

قلت وينك يالفرج ؟

قال : جيت ..

وشفت حولك ألف صاحب ..

وخفت أسبب لك حرج .


صالح الشادي

 

[عبدالرحمن العتيبي]

ماعلموك ان الغلا يجرح الروح // واني بعد فرقاك تنزف جروحي

 

[عبدالله صلال العساف]

شكتب وانا من هالحروف امتعاضي ؟
كل ماكتبت احروف ...مايشبهنّك @
وآقول في نفسي تراه ... امتغاضي
وأسماع من خلّووك ...مايسمعنّك @

عبدالله صلال العساف

 

[نجمة الجنوب]

لا بد لليل ان ينجلي
ولا بد للقيد ان ينكسر

 

[عبدالرحمن العتيبي]

حبيبتياشتقت لك حد الجنون
ياللي مكانك فالعيون
طال الغياب
وانا بشوقي لك تعديت السحاب
واشتقت للقلب الحنون

 

[خديجة إبراهيم]

كيف ارتبني على سقف السما بين النجوم
واشغل الليله عيونك
بادليني / شيءَّ واحد
من جنونك
ضحكتك
احلامك وْساعة سكونك
علميني كيف انام
وْما يأرقني الفراق
علميني كيف اصير انسان آخر
جرَّب المنفى
وآمن بالغياب !

عبدالعزيز العميري