رسـائـل لـ لـ يـاسـمـيـنـة

[صالح العرجان]

قـل للقلـوب اللـي تحـدك عـلـى اقـصـاك
انـك معي لو شـمـس الأحــلام غـابـت


وقــل لليـديـن اللي تبي لـمـس يـمـنـاك
ايديـك نـامـت فـي يـديـنـي وذابـــت


لايـحـترون فـراق قلبي وفـرقــاك
الـلــي هـقــا الـفـرقــا هـقـاويــه خـابـت


حطيـتـك بعيـنـي عـلــى شـــان مـنـسـاك
ونـاديــت لـضـلـوع الـغــلا وأستـجـابـت


شـف وش كثـر هيبـة محبـتـك لـرضـاك
مـن كـثـرهـا كـل الـعـواذيـل هابــت


حنا مشينا درب مـاحـولة اشـــواك
وحنا بيننا (حـب) والـســاس ثـابــت


ماننـتـهـي لـو تنـتـهـي كــل الافــلاك
ولـو روسـنـا مــن جــور الأيــام شـابـت


وشـلـون اعـيـش العـمـر لـحـظـه بـلـيـاك
والـشـوق كنه بين الأضـلاع نـابـت


يامشـفـي اجـروحــي بـشـوفـك ولـقـياك
ان رحت جات اجروح وان جيت طابت


"تـــعــال" جــــدد لـلـغــلا ثــــوب يــزهــاك
وعيـد الأمـل لـو شمـس الأحـلام غـابـت



.......

 

[صالح العرجان]

حين كبـر غريـب الطيـف شـوق وسجـد
شفت طفل ٍ بحضن الغيـم . . يحضـن مـداه

شفت طفل ٍ . . تلاعـب فـي حجـار البـرد
والنجـوم القريبـه منّـه تلـعـب مـعـاه

ان رمى الأرض . . يرمن . . وان تمادن زهد
لين تركد سماهـن . . ثـم يرمـي حصـاه

خلف حد الزمان . . وخلـف سـور الجهـد
لاع صمت النجـوم ولا شكـن مـن جفـاه

راضيـات بغـروره لـو خـذاهـن كـمـد
خوف يطفي . . سناهن حيـن يمطـر بكـاه

طفل مـن روح / أو هـو روح تـدرا جسـد
طفل من بوح / أوهـو : بـوح يقـرا سـواه

عـن سرابـه لمحـت الغيـم الأزرق عقـد
حلـف: بيـن الرحيـل . . بغيبتـه والنجـاه

وفـكتابه . . لمحتـه ومـض خلـد ٍ جحـد
منبعـه واستمـال اطـلال قبـر وحـيـاه !



قبر // و // حياه

 

[صالح العرجان]

علمني ان الصبر للمظلوم زيـن
وعلمته ان الظلم مـن ظلاّمتـه

وعلمني ابعد عن عيون الطامعين
وعلمته عقالي يحشـم عمامتـه

وعلمني استنشق اريج الياسميـن
وعلمته الغصن وطرف حمامتـه

وعلمني اكتب مع فراقه جملتين
طلب من البحرين ليـا منامتـه

من شجرة التفاح ابـي تفاحتيـن
ومن راعي التفاح ابي سلامتـه



تفــاحتيـــن !!

 

[صالح العرجان]

طنش .. وقلي .. انت .. حضرتك وينك
ما تدري اني .. كنت .. في انتظارك


مدري : أدين الصبر .. ولاّ أدينك
سهيت .. ناسيني على جال .. نارك

مادام .. مات الشك .. بيني وبينك
أرجع لقلبي .. واسكن .. الدار .. دارك

 

[صالح العرجان]

طيفه الى نـام البشـر زارك بهـون
وطيفك الى نام البشـر سـرّاك لـه

حبه دفان ومقبـرة خضـر الطعـون
بيـن العظـام العـوج كنـك تاكلـه

اللي كذا حبـه لـو تمـوت مغبـون
ولا لك الا الصبـر .. وش وداك لـه

 

[صالح العرجان]

::


عـودتنـي احـرق شمـوعي واضويـك ؛؛؛
وعلمـتني كيـف احـترق لك ؛؛ زيـاده .... !!


::

 

[صالح العرجان]

::


لعنبــــو حظ تخاطفنيـ يدينهـ
لعنبــــــو جــرحـ تمادى بإنكساريـ


هيـ متى تظهر مناراتـ المدينهـ
هو متى يشــرقـ على الدنيــا نهاريـ

::

 

[صالح العرجان]

مـد لـيّ إِيـدك ( حبيبـي ) وجعـل إِيــدك مــا ( تـعـاق )
و( خلـنـي ) نـجـم ( بـمـدارك ) وأن عطـيـت فبـدنـي