اجمل بيت شعر

[هدب]

وانا دخيل الله من العام للحين
بين الحنين وبين حرة حنينه
ان قلت هانت قال توك وبعدين
تو المدين ماوفا ثلث دينه
توك وردد ماطول الليل يا عين
مطولك ليلن قد بدا قبل حينه
الليله الي بددت دمعة العين
يالله تلطف بالشقي وتعينه


ماجد المقاطي

 

[لحظة]

علام قلبك يفز إن شفت مرسالي

وعلام عينك تغرغر يوم تذكرني

اليوم يعني أنا جيتك على البالي

الله ياطيب قلبك كيف يغمرني



الشاعر الإماراتي

جمعة بن نايم الكعبي



دمعة في زايد

 

[حسين العتيبي]

واعذاب اللي عشق له في زمانـه مستشـاره
.......................مستشـاره بالوظيفـه والشهـاده جامعيـه
اشهد انه من نظرها صار في قلبـه حـراره
......................عيدت به ياابن عمي من قبل عيـد الضحيـه
في جمالٍٍ يخلف الرجال عـن يمـة مسـاره
.............................يتلخبـط فالكـلام وفالـحـروف الابجـديـه
من بياضٍٍ هايلٍٍ وصفه ويطغى فـي حمـاره
......................يوم اناظر في خدوده كنها شمـس اضحويـه
والجديل اللي على المتنين ظافي في انتشـاره
.................أسود من الكحل واطغا في الليالي الخرمسيـه
ولخبطت حتى الخفير اللي على بـاب الاداره
.......................عرضت له في طريقه قام واعطاهـا التحيـه
والحضيض اللي ملكها واصبحت في عقر داره
.............................يابخت منهو يسجل اسمهـا فالتابعيه
بـدوي قـد حالـي لارصـيـد ولاعـمـاره
..................بس انا قلبي نكبني طحت في حب احضريـه


.

 

[نسرين الأحمد]

أحبك كلمه مابيها .. ولا أبـي شوقـك الولهــان


خسرتني وأنا العاشق .. وكل بالهـوى خسـران


انا الجاني وأنا المجني .. وأنا اللي بعشرتك غلطان


نسيت إسمك على لساني . . ورب الكعبه والقــرآن



..



لــ/ مدرررري

 

[نسرين الأحمد]

..


لوخسرتك ماخسرت العمر والدنيا متاع
وأدري أني لو خسرتك ماخسرت إلا قليــل

بس فكر زيــن تعرف من خسر فينا وضاع
وتعرف إنك لو تلف الأرض وتدور بديـــل

والله إن تبـــــــطي ولو لفيت كل البقــاع
ولو تسوي وش تسوي ماأنت لاقي لي مثيـــل!!




وين تلقى مثل شخصي شخص وطباعي طباع
ووين تلقي مثل قلبي قلــب أو مثلي خليــــل.؟

البشر واجدنعــم لكن فرق الانطباع.!
يجعلك يمي تمــــيل ويم غيري ماتمــيل



يارفيقي انتبه واحسن إلي الاستماع
للمواقف دور في كشف المزيف والأصــيل

وأنت ماقصرت فيني موقفك جــداً شجاع
طعنتك في الظهـــر كانت إثبــــات ودليـــل



بيض الله وجهك اللي ساتره تحت( القناع )
ورايتك بيضا معاي وياعسى عمرك طويــل



يعني أعطيك الثقة وتردها بلوي الذراع
ياخـــي ماشاء الله عليك أبدعــت في رد الجميل


مــــدري كيـــف أشكرك؟؟!
مـــدري كيـــف أرد الصــاع صـــاع؟؟؟!!
كنت أحسب أنك عزيــــز النفس تطلع لي ذليــل


كم وأنا عييت أصدق فيك قدر المستطاع
من غبائــــي كنت أسكت وأعذرك وأثر الحصيل!!


جـــرح قلب ميزته في كل يوم الاتســــاع
ودمع عــين ينهمر من ضيقـتي في كل لــيل

والله والله إني كنت أحبك حب وأتبعك اتباع
كنت لجل أرضي غرورك بــــس أسوي المستحيل




كنت أعمــى فيك لا ..لا ميت للنخــاع
كنت مدري كيـــف ؟ لكن كنت صادق معك حيــــل

كنت أمارس في غرامي لك سياسة الانصــياع
وكنت لاغـــي معك فكرة أعتـــزل او أستقــــيل

اندفعت بكل مافيني وسوء الاندفــــاع
يجبــر الإنسان أحـــياناً يفكر بالرحيــــل




وطالما إن الهجوم أفضل وسيلة للدفــاع
مستحيــــل أرضخ لو أن الحمل ياربعـــي ثقيــل

والبخيل اللي نساني واشتري فيني وباااع
يذلــــــف الله لا يـــرده والله بجرحي كفيــل



وإن سأل عني وجاكم بعد فترة انقطاع!!!
علموه أني نسيتــــه بـــس أنا ماني بخيــــل

طالما كان السبب في قوتي قــبل الوداع
بلـــغوه أقل شئ بخالـــــص الشكــر الجزيــــل




..


لـ/ معرفش

 

[نسرين الأحمد]

بنات ... أنا جيت

وكلي سواليف وغلا

حبيت

ورب السماء حبيت

الحين أنا بسكة سفر

و يمكن تطول ...!!

الله يا حلو السفر بالذات إذا هو في هواه!!

الله على دموع البنات إذا عشقوا

أحسها ماهي دموع

أحسها حبة مطر كله طهر

حتى سوالفهم غير

ويبدون في يومٍ جديد

وحلمٍ جديد

ونظراتهم من جد تتغير كثير

تصير مرة جارحة

واحيان تبقى سارحة

يا ربي وش حلو البناااات

يجننون

فيهم غلا وملح وحلا

ما حطه الله فـ أحدٍ غيرهم

إذا ضحكوا

وإذا بكوا

وإذا عشقوا

وإذا مشوا

وإذا وقفوا

وإذا زعلوا

وإذا رضوا

وحتى إذا انقهروااااا بعد ياربي عليهم

سبحان من سوى البنات

ويااااه لو تدرون عن حلمٍ حلمته البارحة

والله خطير

والبارحة ماهي مجرد حلم

البارحه ميــلاد !!

والبارحة سكة سفرودربٍ طويل

شوفوا فديت عيونكم

وش رايكم في غرتـي؟!

وفستانـي؟!

وعطــري؟!

كلـه جديد كلــــه ؟؟

كل شي تغير في(( عهــود ))

كل القديم اللي احبه اليوم أنا صرت أكرهه

اليوم انا ماني عهــود

اليوم انا فيني هوى وعشقٍ جديد

حتى اسمي غيرته بعد

اليوم انا إسمي عهــد

وقطعت لعيون الهوى وعد وعهد

إني ما اخون

وابقى على دربـي الجديد

وعشقي الجديد

وعطري وفساتيني الجديده

وأنتم وش آخر سواليف الهوى معكم ؟!

تدرون ؟!

أنا عشقت البارحة

والبارحة ياصار شيء!!

البارحة بس ( انا ضحكت )

والبارحة بس ( انا بكيت )

والبارحة بس ( سهرة لين الصبح )

اثر الهوى مجنون ؟!

سمعت من وحدة تقول

( إن الهوى مثل الربيع ينبت على شفاه البنات

وإذا ضحكوا طاح الكرز )

وسمعت من وحدة تقول

( إن الهوى مثل العطر يفوح بانفاس البنات

وإذا حكوا فاح العطر )

وسمعت من وحدة تقول

( إن الهوى ملعون ابو

وهو سبب موت البنات

وإذا عشقوا ماتوا قهر )

و وحدة تقول

وأُخرى تقول

والحين أنا فعلاً عشقت

وانا اللي خلوني أقول

تدرون وش معنى الهوى؟!

موت وحياة
وانا عمري القديم ... وقلبي القديم ماتوا جميع البارحة

والبارحة انا حييت بعمرٍ جديد وقلبٍ جديد

وعشقٍ مثل طعم العسل ...!!

وأثر الهوى عين العقل
وهم يقولون الهوى دايم جنون!!

وحتى إذا عشقي جنون يبقى الجنون عين العقل!!

واثر الهوى كله عبث

لكن يجي منه فنون
الله على العشق النظيف!!

عشقت لي قطعة قمر!!

رجال مو رجال بس !!

وربي يـ هو كل الرجال

كله احاسيس وغلا

كله وله

زرع على شفاهي الدلال

إذا ضحكت يبكي

ياربي عليه

وإذا بكيت يموت

وعساي انا قبله أموت

وإذا لمس كفي بعض كفه شهق

بسم الله عليه

وقام يهذي!!

ويقول لي أحلى قصيد

وإذا انتهى يرجع يعيد

تدرون البارحة وش قال لي ؟!
البارحة قال

( تكفين ودي تزعلين )!!

وإذا انا غالي عليك لعيوني تكفين ازعلي ...!!

تدرين ليش؟!

بصراحة خفت وقلت

( ليش !)

يقول

ابا اتلذذ وانا اطلب رضاك

وربي لـ اسوي كل شيء إلين ماترضى علي!!

وحتى إذا صار ورضيتي
بـ ارجع بعد وازاعلك

واعود أطلب لك رضاك

واسوي كل اللي تبين بس ازعلي

خليني انعم بـ الزعل وانعم إذا ترضين

وربي جنون!!

شفتوا الهوى وشلون ؟

حتى في وقت الزعل يحلى الهوى

ويحلى بعد إذا رضيت

ياربي وش هالحظ الحلو

احس انا فعلاً حييت !!

كان الزهر اسود

والليل هم

وكانت سواليفي حكي

واحلامي شتات

الله على عشق البنات موت وحياة !!

يا الله نوموا يابنات

بروح أنا في غرفتي

أجلس انا وقلبي جميع ... لحالنا

نقراء دواوين الشعر

ونضحك سوى ... ونبكي سوى ...

ونـ ناااااام ونتغطى باحاسيس البنات إذا عشقوا !!

ونذوق لو مرة دفى ...!!





( لـ/ عبدالكريم المهنا _ زيد روما )

 

[نسرين الأحمد]

والله وصرتي تلبسين البناطيل

عباة كتف مخصره وكعب عالي

موقع بالانترنت لك خاص وايميل

وبالشات لك نك نيم قالو نتالي

سوالفك (ياهو ماسنجر )و(هوت ميل )

بالبال توك لك روم وصفه خيالي

صرتي تنامي للعصر واخر الليل

يبدا نهارك( ولكم ) و (هاي ) سالي

حتى طموحك صار نجمة تماثيل

ولا بفيديو كليب لو لك مجالي

ماباقي الا اسمك يبيله تعديل

بدال عمشه غيري باسم دالي

فرحانه بعمشه (صفر آت هوت ميل )

ياويل قلبي منك ويا شيب حالي

وش جاب عمشه بنت نت وبناطيل

عمشه وتلبس جنز والكعب عالي


..


لــ/ مافي معلووووم

 

[هدب]

انا ماني سواة اللي تجي مع دقة الأصبع

...................... أنا مهره بلا فارس عجز منهو يجودها


(..................)