ذااائقة ... عبدالله

[عبدالله الجودي]

‏انتظرتك ليلتين
وانتظرتك ليل .. تِين


انتظرتك ياحبيبي
لين ماجفّ الحنين

 

[عبدالله الجودي]

تكبر شوف نفسك سو اللي تبيه
خفوقك ان قاله الله ساكنه ساكنه
.
.

 

[عبدالله الجودي]

‏

مليون مره قلت لك .. لا تكلمت
اترك عيوني تحتضن صمت عينك


انـا بعد ( اخـر لقا ) منـك .. آمنت
ان العيون ادفا حضن .. من يدينك

 

[عبدالله الجودي]

‏..

.
.


مابي أكون العادي اللي يحبك
أبي اكون الفارق اللي تحبه
.
.

 

[عبدالله الجودي]

‏ماني بقايل لك مثل باقي الناس
كل عام وانت بخير عيدك مبارك




انت بعيوني غير ياعذب الانفاس
كل عام وانت العيد فيك يتبارك

 

[عبدالله الجودي]

يا رب هالمرّه هي آخر مرّه
ولا هو بـ شايفني ولا لامحني




أدري حلفت ان شارعه ما مرّه
لكن انا مشتاق له .. سامحني

 

[عبدالله الجودي]

‏٠

تدري وش الفارق اللي بيني وبينك
انا اشوفك عمر .. وتشوفني رحله

 

[عبدالله الجودي]

‏تنفس وعطني من انفاسسك هواي
ما ابغي اعيش الا مع الطرف الحنون




انا ما احبـك حـب عـادي يا غــلاي
انا احبـكك .. فوق ما لا يعلمــون