تعال واكتب حالتك/لحظتك شعراً ..!

[سعيد الموسى]

قمّوره
ياقمّوره !
ضحكك ياحلوه
عوره !
خفّي
ياهالعصفوره !
قمّوره ,
يامغروره !
والله أمّك معذوره !
خبت ثغرك
عن هالناس !
ثغرك ياحلوه
ألماس !
والله أمك
معذوره !
كل مافيك ِ
يحسد بعضه
رمشك
خدك
ثغرك !
رسمك !
يعني وش حيلة هالناس ؟
حتى مشيك
فيه أجراس !
عزفه ـ هزّه !
فزّه ـ رزّه !
غصنك مايل عالتوته !
يعني بْكل خطوه
نوته !
قموّره ـ ياقموّره !
ضحكك ياحلوه
عوره !
ي احلى وأجمل
عصفوره !

 

[أمجاد محمد]

صداع الوقت ينرفز احلامي
بين الظل وانفاسك اسكن انا
حتي اشتم رائحه الحب
من جديد
كم من الشوق يبوح سر وجوده
بين ضلوعي
انت ........ هنا
في هذا الجزء البسيط
من اجزاء جسدي
قلبي هو لك فقط !!

 

[فهد الماجدي]

الهوى ..لوهو بكيفي ..كان مـازاد شتياقـي!!
*******كل مايبعـد تزيـد النار..بضلـوع ..الحنايـا:


واعنى ..قلب المولع .. لن قفل بـاب التلاقـي
*******لامنى..ينفع معـاي .. ولاجـدى ينفـع معايـا


ياعديل الروح ..روحك هاقي ٍ بك خير هاقـي:
*******هاقي ٍ رغم التمني والحسـود مـن الوشايـا


هاقي بوصلك غلاتي..والغـلا وصـل التراقـي
*******دامني طامح بوصلك ..(دامـح ٍ كـل الخطايـا)



والله ان الشوق ضامي وانت له ..يازين ساقي:
*******ساقـي ٍ.. قلـب المعنـا.. لا تشوقـت لغلايـا


وين الاقي ! ما بلاقي ..زي قلبك ويـن الاقـي
*******ساكنن قلب المعنّى1 .. ومالـك ٍ كـل الزوايـا



الخفوق اهتز .. شوقا ً .. والصبر ماعاد باقي
*******رجفت ٍ تنفض حشاي ..ورجفت ٍ ارجع ورايا..!!






:
:

 

[سعيد الموسى]

[ بطريقتي الخاصه ]
*
ـــــــ
*

أحبك
مثل عصفورٍ
جلده الما
وهو يشرب
أحبك
كلمة ٍ عُظمى
تُقال
وفعلِها [ يُتعِب ] !
أحبّك !
أول الفكره ـ
وآخر ماأنكتب
[ يُشطب ] !
*
*
مثل
ماعينك الأطيب !
تمد الموج
وأتشّعب !
مثل ماغيمتك تمطر !
وأنا في خدّك
أتبلل !
*
*
لنا صوتين
والأغرب !
نقول : وهالثغر [ واحد ] !
.
.
أحبك : كان هذا الماء
يبي يجرحني
ــ أتسرّب !
أحبّك !
قلتها وحدي !
قبل هذا الحكي
يهرب !
أحبك
والحكي طفل ٍ !
ركض حتى
وقف
مُتعب !

 

[أمجاد محمد]

وأحـتجـت أن [ ألـقـاك ] ..

حـين تـربـع الشوق المسافـر واستراح

وطفـقـت أبحـث عـنك ..

في مدن المنافي السافـرات

بلا جـناح !!

 

[سعيد الموسى]

أبيك
إن قلت لك لبسك
جميل
وطلتّك أجمل !
تمر يومين وعيونك
تناظر وجه فستانك !
أبيك ان قلت لك : عِقدك
يزين بلبسته جيدك !
تشيلينه من رقبتك
ويسكن راحة إيدينك !
من الفرحه
تشوفينه
يساوي كل هالدنيا !
أبيكِ لو ندهت إسمك
تقولي
ياحلوووو إسمي !
.
.
أبيك
تكوني الأجمل
إلى من قلت لك : أجمل !

 

[نوف سعود]

الضيقه اللي داخل الصدر تجتاح
صدري وتقتل فرحه العيد عني
الها بصدري بيت وفراش ومراح
ماكنها الا داخل الصدر مني
حطت بوسط الصدر تأثير وجراح
وخلتني اكتب حس شعري واغني
الدمع من عيني على شانها ساح
اخفيه لكن دمع عيني خذلني
لو ان خدي يلبسه حزن ووشاح
يبين واصرخ واتنهت ووني
حزني بحر تشبيه فاالبحر سباح
نقطه حبر في بحر الاحزان كني
والا الحطب فاالنار طاح الحطب طاح
النار تالع فيه تصوير ظني
عالم غريب بداخلي مابه افراح
لو اني اضحك واتباهى لو اني
متى على الله ضيقه الصدر تنزاح
ويضحك حجاجي للفرح قبل سني


/
لــ الشاعرة : غموض ..

 

[سعيد الموسى]

*
ــــ
*
في حكيها : يرجف القانون !
ويميل غصنه
على كتفي !
أستعذر العزف .... وأوتاري !
سبّابتي
ـــ ضعفي
إيديني !
في لحظة أدنى صخب : حزني !
*
*
تنقل ثمان ٍ وزِد سبعين !
نوتات من ستّه
وعشرين !
*
*
يستوطن الصمت ... تتنهّد !
طاحت من أوتارها !
ذكرى !
*
*
ضمّت يدي لـــ أسفل الآله !
قالت لي : إكتب !
أو إرسم لي !
*
ـــــ
*
نقشت في أسفل : القانون !
حرفي !
وضعفي !
مع َ نصفي !
*
*
رفعت راسي
واناظرها !
محد ٍ يشوف القمر يبكي !
إلا أنا !
لحظة / أرسم بِك ْ !