مُتنفس .. شِعري !

[عبدالله عليان]

( دَرَاوِيْش الحُزْن )

وتتْعَثَّر سمَاوَاتِي ../ وَ أنَادِي خَطْوتِي : زِمّي
و ينْفِينِي السَّهَر لآخر مسَافَات العَنَا وأرْتاَب

عَلى شبَّاكِي المَهْجُور أدثَّرنِي بصُوت [ أمّي ]
أَرتّل آيَة أَوجَاعِي ويخْشَع من حدَاي البَاب

دَرَاوِيش الحزِنْ مَدَّوا يدِيْهُم قَصْدُهُم غَمِّي
و أنَا تغْرَق مَنَادِيْلي جفَا ../و مْرَايتِي غِيَّاب

جمَعْت اللي تفَرَّق مِن حَكَايَاهُم عَلَى كُمِّي
يُوَاسِي دَمعتِينٍ فِي المَحَاجِر جَرحَهَا مَاطَاب

تسِيْل بطِيشَهَا وتزْرَع سَنَابِلهَا عَلَى فَمِّي
تَعرِّي بالحَكِي هَمِّي ../ ويلْبَسْهَا الحَنِيْن ثيَاب

جمان

 

[نورة القحطاني]

قافية !
صماء أنهكها البكاء
لم يزل صوت الشتات يقض مضجعها
ويرتكب العناء !

 

[سعيد الموسى]

___

أنتي حزنك
ماهو حزن !
أنتي دمعك
وحده " فن "
كل تنهيده : موسيقى !
كل " آ آ آ ه "
تصير : ياااه
أنتي حزنك -
ماهو عادي
أبتهال وله .. أيادي !
أنكسارك / به علوّ
يوصل لحد الغلوّ
كيف تحزن
بنت مثلك ؟
وأنتي الريحان
ظِلك ؟
أنتي لو تبكين .. مرّه !
سال عطر ..
وطاح ورد !
دمعنا المالح ..
دموعك
مو مثْلنا .. سكريّه!

 

[سعيد الموسى]

الهاء .. مافوقها نقطه !
__ والباء تحته [ نقاط ] كثار
بس أنت ساحل من الحِنطه !
__ ماقلت لاتزرع وتحتار !
لو كنت أقيس الحكي شَرْطه!
__ حطيت لك نجمتين كِبار !
بعض الأسامي تجي ورطه !
__ والا انت أتفه بطل مغوار !
عزالله إن اللحى غِبطه !
__ لوجيه تكرم عن الأوكار !
معذور أبو كرش منفرطه !
__ أكبر طموحه هو المسيار !

 

[سعيد الموسى]

يقول هذا المجنون ، عبدالله الكايد :

قلت والناس؟ ورضاهم؟ عن سخطهم فيه , غاية
__ قال من فيهم , يوقفّني , ولا يجلس مكاني؟!
يكفي انّك شفت منهم ما عمى عين المراية
__ كان ودّك تبقى (الاول) لا تكون (الاولاني)!
ما على بالك يموت بــ صمت في نصف الرواية
__ زلة لسان و تكون انسان ,, بس انسان ثاني, !
لا تقول الناس.. لو (فيهم),! خطاك انت وخطايه
__ عشتهم عمرك و ابيك تعيش لو (ليلة) عشاني
ودي انزع من جناحي (ريش ليل آآآخِر غواية)
__ وآخذ من الصبح,, (ريش آخَر ) بدال اللي كساني
وآتنهّد من حطام اسلافي الرحّل .. حداية
__ تقطف احساس الثريّا ورد , لـ سهيل اليماني
وآتهيّا للبحر مقهور واضربه بعصايه
__ (ضربة الخايف) ولو قلبي من القسوة يعاني,!
ينفلق (قافين) بـ اذن اللي جبر خاطر , رضاية
__ وآتشظى في (شفاه) اطفال خلق الله آغاني
وان تعبت وشفت في وجهي من الغيمة , ضمايه
__ بـ اجمع احساسي واغنّي لك "سقا الله من سقاني"
لانّك اطهر وجه اشوفه (غاااب) في وجه المراية
__ واعظم اعظم من يوقفني,,, ولا يجلس مكاني !
•
•

________

هذا الشعر وأي شعر آخر قد يكون [ قابل للشك ]
غاب عبدالله منذ فترة ونحن الآن نتحدث عنه ، الأبداع يجعلك حاضراً في كل وقت !

 

[سعيد الموسى]

____

أنا مااحضر كذا عادي
___ أنا في كفّي الغيمه
إذا شعر البشر غادي
___ أنا اصنع للشعر قيمه !

 

[قايـد الحربي]

:
:

قلت اكتب الفكره وفكرت في شي :
ــــ لو ما كتبنا افكارنا كيف نقرى ؟
يعني عشان نشبّه الفكره بـ "زي"
ــــ لازم نشيل "الزاي" ونحطّها : را

 

[سعيد الموسى]

المشاركة الأصلية كتبت بواسطة قايـد الحربي

:
:

قلت اكتب الفكره وفكرت في شي :
ــــ لو ما كتبنا افكارنا كيف نقرى ؟
يعني عشان نشبّه الفكره بـ "زي"
ــــ لازم نشيل "الزاي" ونحطّها : را

رأي ..
هذا الشعر الذي يعدّل المفاهيم ..
قايد ياقايد