اوراق مبعثرة!!!

[محمد علي الثوعي]

اشعلت نار الحب في قلب مغليك
................ عامين مرت يحترق من لهبها

ياعل عين . الحي مايوم تبكيك
............... انته عيون الحب وانته هدبها

لا قلت بابدا في قصيدي واغنيك
...............ترقص حروف القافيه من طربها

ابيات شعري كل ليله تمسيك
............... من واقع الاشواق قلبي كتبها

ياقبلة العشاق والقلب يدعيك
............... في كل نبضه بالثواني حسبها

اغليك لكن لا تقاطع مهاويك
................ شمس الموده بيننا من حجبها!

الشمس شمسك والليالي لياليك
................والناس دايم تذكر اللي عجبها

والورده اللي تبتسم بين اياديك
................ تشم كفك عطرك اللي جذبها

كل المشاعر ما تعارض معاليك
.................لانك سمو الحب طيبك سلبها

مهما زعلنا من بعض مانجافيك
.................وقف.. تأمل.. بالحياة و تعبها

الحب يبغى له مع الوقت تكتيك
...............سويت خطه ماخسر من لعبها!!

محمد الثوعي

 

[محمد علي الثوعي]

ليلة سمر!!

احلى. الليالي .. من سنين ٍ..عديده
ليله .. مثيره ..عشتها بين الاحباب

كانت... .مشاعرنا.. ..بحاله ..فريده
عشنا .بجو ..العشق ..والليل جذاب

ليلة ..سمر ...غنيتها... في .قصيده
نالت على كل ..التحايا .والاعجاب

شفت الغزال ..اللي.. عيونه.شريده
امخضب. الكفين ..صامت ومرتاب

الناس تضحك. والسوالف ..حميده
وعيني تتابع سلهمت ذيك الاهداب

ودي ..اغرد ..بس.. نفسي ..زهيده
لزمت صمتي. وآنا جاهل .بالاسباب

الليل.. .يسري.. بي.. على.. مايريده
والزين يسلب حتى واعين. الالباب

فجأة تحاكت.. في. ثواني.. سعيده
ثم... تبسم ....ثغرها. .. مثل..عناب

تقول ..ودي ..في..قصيده جديده
قلت القصيده..كلها.. فيك ..تنساب

انتي .. بحورك .. ياحياتي. ..بعيده
لكن قريبه ..من .. فؤادي.. ولاطاب

قالت غريب وقلت.. دارك مجيده
الشمس شمسك والقمر بعد ماغاب

قالت عنيد! وقلت مثلي. عنيده!
والكل صفق من معاريف واصحاب

#محمد_الثوعي

 

[محمد علي الثوعي]

حفل الشيخ الشاعر حمودبن سلمان مخيلي السميري البلوي لتكريم الشيخ فايد بن جمعان محيوي العنزي والشيخ عبدالعزيز الزايدي الجهني والشيخ عبدالله السالم العياشي الشريف في مدينة تبوك.بتاريخ ١٤٤٣/٣/٢هجريه.

تجمل ياقصيدي موقفك بين العرب شفاف
انا ودي حضور ٍ مختلف يرقابنا القمه

دعيتك ثم لبستك من أفكاري جديد القاف
مثل منهو رعاله طفل من صلبه ومن دمه

ترى للشعر عند اهل الفكر هيبه بعد وأنصاف
قصيد ٍ ما يسطر فعل بالديوان ماضمه

حضوري في مقر الطيب رد ٍ للوفاء واسلاف
مادام ان القدم تنقل عظام الشخص لليمه

مواجيب الرجال اللي تعد الحق بالميقاف
علينا مثل فرض ٍ لو دخل بالوقت بنتمه

تجمّعنا على علم الشرف للصاحب المضياف
رفيع القدر وعلومه تسر القلب ماتغمه

سميري شيخ قدامه تصير الكايدات خفاف
ابو رايد حمود الطيب هو خاله وهو عمه

كريم ٍ يطربك فعله بحر واسع .بعيد اطراف
سميك العرق والمجنا رفيع . العزم والهمه

بعيد الفكر والنظرة يحقق.. كافة الاهداف
لانه من قبيله مجدها تبرا . به الذمه

بلي هيبه وسطوه والحرايب نارها تنعاف
ليوث ٍ في ميادين الوغا فرسان ومطمه

بعد هذا نرحب بالقبايل شيمة ٍواعراف
ترى الشاعر يجوز انه يرحب والأمر يمه

اذا مني مدحت امدح قبيله تعلّت المشراف
بني وايل سنام المجد من قادو ثرى الامه

مزبنة الدخيل اهل العطايا والقلوب. نظاف
ريف الجار والمحتاج.. عون اللي شكى همه

جهينه لابغيت العلم ثابت .والفعل ينشاف
تاريخ ٍ .مسجل في صحايف. نور ملتمه

قبيله من قضاعه ماتعرف الغدر. والارجاف
صحابه مع رسول الله بالغزوات. منظمه

ليا قلنا كرام الناس وافين العطا... الاشراف
على نهج النبي سارو دعاة ..الدين مهتمه

مسيره بالمواقف عاطره .. ماتنذكر بخلاف
رجالٍ تبذل.. المجهود . تارد صافي الجمه

ولنا الامجاد مذكوره عسير.. الثابته واحلاف
صناديد الرجال اللي... تضد الخصم وتدمه

ثبتنا بالفعل من.. غير نقص ٍبالبشر. واجحاف
قبايل في وطنا من تروم .. المجد وتزمه

ختمت الشعر والشاعر يحب العدل والانصاف
اقدم عذري لوقاف الشعر... ماعانق . القمه

محمد الثوعي

 

[محمد علي الثوعي]

..... الجروح العاريات .....

البسي....ثوب.. العفاف.. المخملي
واعتلي....فوق....المنابر ..في ثبات

اشعلي...ليل... .المشاعر..وأشعلي
قلب....شاعر....ذاب.. ياسكر.. نبات

كل.. ليل ٍ ..في حضورك.. ينجلي
كل....صبح ٍ...في غيابك. لي مبات

ان بغيت.. الصدق صدري ممتلي
كم ...تزاحم به جروح ٍ ..واغنيات

للعشق فيني.. خيول ٍ.. تصهلي
ركضها .. بين .. الضلوع.. النازفات

اذكرك .. في ..ليلة ٍ..وانا اعتلي
مسرح... .الابداع ..وحدي.. ياحياة

قلت..هزي ..قلب عاشق مبتلي
عاش ..عمره ..بين ذكرى...وامنيات


فلي.. في.. حبل الموده وافتلي
غيّري . ..كل . . الصفات . . الباليات

زلزلي .. الاوضاع .. فينا .زلزلي
كل .ماضينا ...حديثه . ... ذكريات

جيت .. كلي. مندفع ..لا تسألي
جيت .باحلام ..الشباب.. الماضيات

العشق .. طغل...لقيته ..مبتلي
احتضنته ..واكثر .. ايامي ..شتات

ان بكى.. ونيت من قلب ٍ ملي
ون ضحك ترقص من افراحه شفاة

اقبلي مثل ..السحاب المعتلي
وامطري ..فوق.....الجروح....العاريات

شاعرك محتاج.. ليل ٍ مخملي
هيّا ..ثوري ...حب.....ياسكر....بنات


محمد الثوعي

 

[محمد علي الثوعي]

مشاركتي في حفل زواج ابناء الشيخ صالح بن عياد العنزي في حائل.

ليلة البارح صراع ٍ فوضوي
.........بين جيش الفكر والشعر الجدال

بالصدر ذيب الشعر قام ايعوي
.........قلت ..له ياذيب.. لا ترجع. خمال

لا تصيد الا القصيد النخبوي
.........والا .جنب عن .مراقيب الطوال

ف اعنزه شعر ٍ يعدونه قوي
.........القصايد.عندهم ..مضرب.. مثال

قبيلة ٍ كل المراجل تحتوي
.........والشجاعه ..بارزه ..وقت .النزال

سجل التاريخ علم ٍ له دوي
.........من.. قديم . الوقت .معنا..لايزال

من يصوت بالعشا غير بدوي
.........شيخ..فارس.بالكرم. فاق.الخيال

في زمان الفقر والجوع الخوي
.........كان ..في ..بيته معاميل.. ودلال

قصته في كل ديره تروي
.........هذا ..تاريخ .الرجال. اللي ..ثقال

وانا في حفل الرفيق اللي سوي
.........صالح اللي ..من .مشاهير.الرجال

بالكرم والطيب عرقه مرتوي
.........فارس ٍ..يرقا.على .روس .الجبال

والمدايح فيه دايم تستوي
.........شيخ .حكمه..بالمواقف.. والمقال

وايلي نومس ربوعه واحموي
.........الجزل جاب..العلوم ..اللي .جزال

والله اني عن رفيقي ما انزوي
.........وانا من ربع ٍ . حميدين.. الخصال

من عسير اللي ترد الملتوي
.........من جهل. يلقى.. مقابيس ٍ .تصال

يرتفع معهم رصيدي المعنوي
.........كل..صعب ٍ.. عندنا ..سهل. المنال

والقبايل مجدها يضوي ضوي
.........في..جنوب ..المملكه..والا الشمال

كل .درب ٍ لا مشيته ينطوي
.........دام ..حايل .. قالت..الليله ..تعال

محمد الثوعي

 

[محمد علي الثوعي]

مجرد ضيف !!


ماقلت لك وضعي
غريب!

لا تعتبرني لك
حبيب!

انا مجرد ضيف
مريتك زياره.

والضيف له يومين
والثالث
يغيب !!

شفت بعيونك
كلاااام!
ودك تقوله
واستحيت!
وأنا بقلبي لك
غرام
لزمت صمتي
ماحكيت!!

انا مجرد ضيف
قادم
من غياهيب
الزمان
لوقلت لك ماني
بنادم
هذا منطوق
اللسان!

اعتبرني حلم شفته
في منامك
واختفى

قبل ما تصحى
عيونك راح
في جفنك
غفا!!!


محمد الثوعي

 

[محمد علي الثوعي]

قد ما تقدر دخيلك حبني
.....قلب يستاهل ويسعدني عطاك

ضمني بين الحنايا .خبني
.....لايموت العشق من قسوة جفاك

لا تهد الحب صعب ٍ ينبني
..... تنقض السيسان ولا يعلا بناك

وش بقى بالعمر تكفى ضبني
...... راحت الايام و احلامي رضاك

في ضلوعي برد هيا شبني
.....ودي في نارك ويبهرني.. دفاك

ربك الله في غرامك ...ربني
.....لوعصيتك ...مرة ٍ صدّر ...جزاك

ذاب شمعك في شفاهك صبني
.....العسل والتوت موجود بشفاك

ما أبي ...بردك ...أمانه كبني
..... اتقلب وسط جمرك من غلاك


محمد الثوعي

 

[محمد علي الثوعي]

هيا تبسم واترك الحزن والهم
.....الحزن . كم دمر قلوب ومنازل

ودي بضحكه ..غايبه مالها فم
.....ودي في.كلمه. تبتديها وأغازل

اطلق حجاجك فلها حرك الدم
.....الضغط عندي بين طالع .ونازل

شعوري محبط ودي انك تبسم
.....بيني وبينك الف حاجز. وعازل

الورد . يذبل.. والمشاعر تحطم
.....هذا كلام الصدق .. قلته ولازل

اليوم جيتك وضعنا صار معتم
.....والقلب يرجف فيه مثل الزلازل

لا قلت احبك يعني بالفعل مهتم
.....والنفس صعبه عن غرامك تنازل



محمد الثوعي