بدر عبدالمحسن

[أصيله المعمري]

أحب هذا الرجل كثيراً


شكراً ميرال
لأنك تجيدين الاختيار

 

[ميــرال]

المشاركة الأصلية كتبت بواسطة أصيله المعمري

أحب هذا الرجل كثيراً


شكراً ميرال
لأنك تجيدين الاختيار

ومن منا لايعشق المطر
شكراً أصيلة

 

[ميــرال]

الظما عشق

..




كل ما حث الخطى .. ينبت
الطلح في عيوني
تبني الرمال رمال
كل ما حث الخطى .. يولد
من رحم السراب جبال
أثر الظما عشق
وردت يا بير السما
الشمس دلوي والشعاع حبال
أثر الظما عشق
يا ربعي الخالي
وأثر الأماني جمال
ترعى عشب بالي
والشمس ترس نحاس
وأثر الشعاع نصال
وراعي الهوى خيال
يفكها من الياس
واحث الخطى .. ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف .. شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض .. ورفيف
يشرب الطلح في عيوني
وتسقي الرمال رمال

 

[ميــرال]

أبي النسيان

تذكرتك .. وأبي النسيان ألايا خل ساعدني
ـــــــ أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
ــــــ وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
ــــــــــ تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
ــــــــــ أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
ـــــــــــ بيلقى صاحبي غيري وأباالقى في العرب غيره

 

[ميــرال]

مدري الزمان اللي زبد ثم عربد
ـــــــــ ولعبت بك امواجه معاليق وحجاج
أوهو الحبيب الي نزح عنك وابعد
ـــــــــ ولك حاجةٍ به وانت ما قلت محتاج
أوهو الجسد لا بد يعرق ويبرد
ـــــــــــ دور لروحك لحظة الضعف مخراج
يا ضاربٍ في الصخر بذراعٍ اجرد
ــــــــــــ بين بياض العظم ما فاض هداج
ويا ضايعٍ في غابة الحبر الأسود
ـــــــــــــ ضاع العمر ما جبت حرفين من عاج
اشعلت جمرٍ وأحرقك لين رمد
ـــــــــــــ واليوم تـبني حوله ضلوعك سياج
أرخ الستاير ما بقى كود مشهد
ــــــــــــــ كهلٍ كفيف يشعل لغيره سراج

هداج

 

[ميــرال]

عطني المحبة ..
كل المحبة .. عطني الحياه..
عطني وجودي ..
ابغى وجودي .. أعرف مداه
املا شعوري .. بالحب مره
ابغى هواكم.. حلوه ومره
وأغلى الأماني .. عاشت في غربه
ياعمر ثاني .. عطني المحبه

عطني في ليل الياس شمعه ..
وبسمة نهار..
عطني في ضياع العمر دمعه..
وسكة ودار ..
واعطيك أمل في الحب غالي ..
يصعب على غدر الليالي ..
وأغلى الأماني .. عاشت في غربه
ياعمر ثاني .. عطني المحبه

 

[ميــرال]

الكلام الغريب



من علم لسانى
الكلام الغريب . .
إلين قلت : ان الحليب . . رمل . . والمرضعه ريـح
والصدر خيمة راعى في الجدب
من علم الكذب لسانى
الرسم . . الاغانى
الطفل في الظلما
الحـلوى في الدكان
أو خيزران . . معلم معتوه
من علم المشدوه . . بألوان العيون
هذا الجنون . . الجنون
من علمنى الحب غير الناس . .
والكره غير الناس . .
من كدس الإحساس . . في اجفانى
وخلانى احلم . . احلم
وانا من سنين . . انسانى
وامحى مكاتيبى
شوهت وجهى . . كثر ما حكيت . . ألواني
وعلى الزمان الثانى
رسمتنى . . مثل ما بغانى . .
لكن على لسانى . . بقى كل الكلام الغريب
أنا الغريب
وكل شاعر في الناس غريب
وفي الارض كهف . . من نيزكٍ مجهول
لكن يعرف يقول . . يقول
كل الكلام الصعب
الحليب رمل
والمرضعه ريح
والصدر خيمة راعي في الجدب

 

[ميــرال]

من اعذب البدر

مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..