إحساس يــ غ ــمر الأنفـاس

[رزان العتيبي]

هجرت أنا أشياء بعدك كثيرة ..
من ضمنها كانت تفاصيل [ جرحك ] !
من ضمنها كانت تفاصيل [ جرحك ] !
من ضمنها كانت تفاصيل [ جرحك ] !

حلمي .. أمانك .. ضحكتينك .. عبيرك
ـــ فرحة خفوقي .. ل/أهتنى بقرب قلبك
ماسنجري .. وإحساس عذبٍ يثيرك
ـــ ينشر ربيع أحلام .. لامرّ دربك

وخان الدرب أقدامي ..
وصحت الآه في صمتي ..
نعم " محتاجتك " جنبي ..
وودّي بجد أشكيلك ..

أنا بعدك قضيت الليل
ـــ تنهيدة حزن .. وجروح
أنا بعدك فقدت الحيل
ـــ ولا باقي بي أية روح

وكنت أسأل عن أحوالك !
باقي موجز أخبارك !
وإلى من قالوا إنْك بخير ..
تطمن قلبي المخذول ..

مع إنّي من طريت البُعد ..
وقلت اليوم إنسيني ..
هجرت اشياء لك عنّدي ..
وأولها تفاصيلك ..

وأولها تفاصيلك
وأولها تفاصيلك
وأولها تفاصيلك

 

[رزان العتيبي]

جت تعاتبني على ماضٍ ذهب
ــــ ليه رحتي وإنتي وعدك تب تجين !

ليه قلبك باعني بلحظة تعب !
ــــ ليه قسّيتي شعورك والحنين !

ياصديقة حرفي اللي ماانكتب
ــــ وش نهاية سرٍ بجوفك دفين !

جاوبيني ودّي أعرف من لعب
ــــ في أمانينا .. وعلّمنا الأنين !

ناظرتني وفي نواظرها عتب
ــــ قلت خوذي من جروحي كلمتين

خانت الدّمعة عيوني وأكتئب
ــــ كلّ صبح وكلّ ورد وياسمين

هزّي نخل الشّوق يتساقط رطب
ــــ ممتلي آهات وحزنٍ مايبين

مو أنا اللي رحت وأهديتك تعب
ــــ إنتي من فارق وقسّاني سنين



وليدة لحظة

 

[رزان العتيبي]

خطاي إنّي عطيتك فوق تقديرك !
..... خطاي إنّي عطيتك فوق تقديرك !
......... خطاي إنّي عطيتك فوق تقديرك !
.............. خطاي إنّي عطيتك فوق تقديرك !

وما أكثر أخطائي معك

 

[رزان العتيبي]

أبعرف ليه بغيابك أحس الناس ماهم ناس !
ــــ وأبعرف ليش تسرقني إليك / ولاترجعني !

أنا اللي كنت بك طفلة صغيرة سنّ كلّي إحساس
ــــ غديت اليوم " ياكبري " أنا وهمّي اللي موجعني

تبي تعرف عن أسراري عن اللي بداخلي له ساس
ــــ غلاك .. وطيبتك فيني .. إلى هالحين تحرجني

صغير الكلّ ف غيابك ولاحدٍ بقلبي حاس
ــــ أحاكي .. طيفك وأبكي عن جروحٍ تعذبني

 

[رزان العتيبي]

ضجيج الناس من حولي ولايعني لي أية شيّ
ـــ مدامك بينهم غايب .. تأكّد غيبتي حانت

 

[رزان العتيبي]

حين تكون أنت معك ..
فثق أن لا أحد يسمعك سِواك ..
وهذا حالي الآن ..


ياحالي شلون أحوالي !
بعد ما طحت بيديهم ..
ياحالي شلون ضحكاتي !
بعد ما غبت أنا فيهم ..

وأسألني أنا من هي !
.. وأجاوبني أنا مدري !
وأحسّ إني ..
... قهر مكبوت ثمان سنين ما أتفجّر ..

وأزعل حيل أنا منّي ..
إلى من شفتني أبكي ..
مع إن الدمعة ماتنزل من عيوني ..
إلين أموت ..

ومع ذلك أنا أبكي ..
ولكن دون أية صوت ..
ولا حتى يسيل
" الما "
من أهدابي على خدّي ..

أيا حالي تعبت سكوت
... متى صمتّي يفك الكوت !
وأطلق زفرة آلامي
... إلين أموت ثم أموت !

" ياموت أرجوك إذا تسمح .. تفضل خافقي مفتوح "
وخذ لك روح .. مذبوحه .. تدّور منهو يسمعها ..

 

[رزان العتيبي]

{ مدخل

وإن خنقني الصوت شيفيد الكلام ..!

ضحكت وماتت شفاهي ولا باقي بقلبي شـيّ
ــــ سوى حزنٍ رفض يظهر تغطّى داخل أحشائي

تورّق غصن أضلاعي توشحني طعون وأيّ
ــــ قطفني ثمرةٍ خجلى تلاشـت بعـده أسمائـي

مَطَرْنِي بلل جروحي وروّح ماعرف وش بيّ
ــــ تركني للعطش صنبور جفّ وسبّب إغمائـي

يغيب وأشعر بوحدة يبي يعرف مكانـه فِـيّ
ــــ ويرجع ممتلي آهات يلملمنـي عمـر نائـي

يصد إن قلت مااحبة وأنا دونه ملامح حـيّ
ــــ أضيق بدون إحساسه وجوده همسة إحيائـي

يرقّيني سحاب الفرح يَمْطرني سلاسل مـيّ
ــــ وأغرق في تفاصيلٍ مداهـا سِبّـة إعيائـي

عواصف مرّ تَسْكنّي تشتّتني سوالـف غـيّ
ــــ تزيد جروح مانامت فرحها لحظـة إبكائـي

تَلَحّفت الأمل كذبة سناهـا ماغشـاه الضـيّ
ــــ ظلامٍ حوّط أفراحي ضياعٍ لـمْ ضوّضائـي

وعصفور الحزن فيني يغرد يا مسـاء الفـيّ
ــــ يلمّ بصوته إحساسي يزيد طعـون أعدائـي

واهدهد له من جروحي أغاني بعضها مو لـيّ
ــــ ألفها بعثرة حزني وموتـي لاوصـل بائـي

كتبني ذا الزّمن طفله طواني في كتابة طـيّ
ــــ وبَعْثرني على رفّـه ورق ياكثـرها أخطائـي

وأرتّبني فرح ناقص يضيق الرفّ بي شويّ
ــــ يزحزحني إلين أطيح ويرفض لـمّ أجزائـي

وإلى جيت التئم وأروح ينادي ماكفاك الكـيّ
ــــ تعالي لمّي أحزانك و خوني بصمة إمضائي



كُتبت في 1/1/2009

مخرج }

ياحزن اش فيك ماتفهم
.... أنا ماقلت لك فارق !

 

[رزان العتيبي]

الحزن هذا شئ أكبر من الشئ
ــــ يعني ببساطة مستحيلٍ تشوفه
لاقلت فاقد شئ إعرف ولاشئ
ــــ يقدر يلملم هالحنين بـ كفوفه