.. وشوشة

[ناديه المطيري]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البرد باطرافي وكفّيك معطف=وانا وحيدة مايدفيني حْضور

مليت انادي للدفا ويتعطّف=مليت ادور في ظلامك عن النور[/poem]

 

[ناديه المطيري]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
دفا والبرد بضلوعك يدثّرْني=دفا .. وينه دفاك اللي تغنّى به؟؟!!
أحيك من الأمل شالٍ واسترْني=واعرّي هالألم واحرق له ثيابه
تعب هذا المكان اللي محاصرني=اذا جيت اتْركه تتسكّر ابوابه[/poem]

 

[ناديه المطيري]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
حاولت انا البارحة ارقى على سورك =واتسلل بحلمك المسكون باوراقي
يمكن يجيني الشعر /انثره بشعورك=واكتب قصيدة تسولف لك عن اشواقي
ودي تكون الغصن واكون عصفورك=اكون لك وردةٍ وتكون لي ساقي
ودي اكون المطر /امطر على بورك=نتقاسم العشب نصفٍ لك وانا الباقي[/poem]

 

[ناديه المطيري]

بعض ما أكتبه في "وشوشات" هو نتاج كتابات قبل النوم حين آوي للفراش وأمسك بالجوال وأكتب أبيات يتيمة في المسودات ...

لدي الكثير من الأبيات وحتى قصائد كاملة لم أحبها كثيراً ولا أظن أنني سأنشرها يوماً ما ( من ضمنها القصيدة التي سأرفقها مع هذا الرد " )

بعضها سيكون في "وشوشاتي" فقط وبعضها سيظل في " مسودات " الجوال

كتبت أبيات منذ مدة طويلة لتصبح قصيدة مكتملة دون أن أشعر

ترددت كثيراً في نشرها في " وشوشات" كي لايُساء فهمي ويظن البعض بأن الإسم المذكور هو حقيقة وليس خيالاً

وثانياً لأن النص لم ينضج كفاية لكي يستحق النشر ,, لكن أكثر أبياتي في " وشوشات " اعتبرها غير مكتملة النمو ,, فمالضير من عرض نص آخر خديج


لكن بما أنني واثقة من نفسي ولا يهمني شي سأنشر الأبيات في " وشوشات "



فقط تأكدوا أن " منصور " جاء لزوم القافية لا أكثر وبصراحة أكره إسم " منصور " مع الاعتذار لكل من يحمل هذا الإسم

أما " نديه " تدليع " ناديه"

وحدهن الفتيات من سيعشْن تفاصيل هذا الموقف حين يقرأن النص


لو إن الموقف اللي بالقصيدة صدق بجد بيكون موقف لاأُحسد عليه ( أبوك يالخجل )





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كنت ارْتبك لا جيت تسأل عليّه=تملاني الرهبة كما طفل مذعور
كنت ارتبك لاجيت مشتاق ليّه=تنفيني العتمة ويزهمني النور
كنت ارتبك لاجيت عندي هنيّه=وتَأْتَأْ بْإسمك مَ مَ ما مَ (منصور)
كنت ارتبك لاجيت تمسك يديّه=يتكسّر بْصدر الخجل ميّة شْعور
كنت ارتبك لاجيت ترتاح فيّه=غيم آغدي وانت تْغدي فيّ ممطور
فوق ارتباكي زاد خوفي شويّه=خوف افقدك والخاطر ينام مكسور
من عقب ( صوتك ) مين يربك (نِدَيّهْ)؟!=مين الذي يفهم لها غير (منصور)!! [/poem]

 

[ناديه المطيري]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
هدوئي يسكن الصاخب من اشيائي=كثير أشياء تتبعثر صخب فيني
أنا أدري هالتناقض يسكن أرجائي=مثل هالبرد يوم انه يدفيني[/poem]

 

[ناديه المطيري]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ماجيت أنا استجدي الرجا حفنة أحلام=جيت أبذر أحلام الرجا في يدينه
ماجيت أنا اتسنبل حكايات واوهام =جيت السهر والأغنيات الحزينة
ماجيت أقَبِّلْ وجنة الليل لانام=جيت أهدي الصبح الطري ياسمينه[/poem]

 

[ناديه المطيري]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كنت احرث الظلمه /حزن يشبه الضي=ماعاد تفرق ليلتي من نهاري

كنت ابذر أحزاني على كفوف من مي=واحصد قصايدها بطعم احتضاري

كنت أزرع الأحلام باطرافها غي=يمكن تحقق أو تموت بمداري[/poem]

.



.

 

[ناديه المطيري]

ياوجع قلبي يا إنتْ


لو دريت شْكِثْر أحبك


ما رحلتْ