هُدُوْء !

[سعيد الموسى]

يارا هذي
ماهي أنثى !
يارا
كوكب كله ورد !

 

[سعيد الموسى]

أدوّر ألف عذر
وعذر !
بس إن إيديك
تلمسني !
أدور لو سبب
تافه !
وأخلي للزعل
منفذ !
كأنّي طفل ٍ
مشاكس
يشاغب كل
هالدنيا
ويهدا
لا لقى ضمّه !
.
.
زعول , وغايتي
أدهى !
أنا ماقلت لِك : أضمى ؟
أحبّ الورد
ياسلمى !

 

[سعيد الموسى]

ماللعتب ياصاحبي عين وإيدين !
ـــ خل المعاتب وأترك الضيّ تكفى !
هذا الزمن ماهو زمان العزيزين
ـــ دام المواجع داخل الصدر تغفى !

 

[سعيد الموسى]

مرّت على خدّي
وهي تحمل التوت !
بيدينها نجمه
وفي ثغرها : لحن !
قامت تغنّي للمسا
ليل ــ عطرين !
رد المسا ـ
زيتون ــ ياوردة العين !
قالت علامك !
غنّ ياعزوتي غنّ !
قلت الصدى ياحلوتي
قاب قوسين !
وشلون أغني
وإنت ِ اللحن ـ والفمّ ! ؟

 

[سعيد الموسى]

ماقلت لك أضحك ... ترى ضحكك أجمل
ــــ ياخي تبسّم دام لك رب واهب .

 

[سعيد الموسى]

ينزف : خلف الكريع

.
.

ثلاث سنين وعيوني معلقها على الشباك
تخيل مانفتح شباكها المظلم الين الحين

ولماوالفت وجهي عيون الساكنين هناك
سألت عيالهم قالوا توفت من ثلاث سنين

.
.
في داخلي الكثير من الحديث إلّا أنه إمتنع إحتراماً لهكذا شعر , إذ أنني فعلاً أشعر أن الحديث عن ماتم إقتباسه هنا
لن ينتهي عادياً بل سينتهي بـ آخر الحزن وآخر الحزن هو تلك القطرة التي تمطر من العين وتتشعب للخد حتى تختبئ مابين الثغر
كالطفلة البريئة التي تختبئ من جلد المطر .
أقسم بالله ياخلف , أنك أعطيت درساً كاملاً متكاملاً في كتابة الشعر وفي سلاسته وفي تسلسله وفي صوره وفي دراميته وفي صوره وفي بلاغته وفي دهشته وتمام أناقته وطرح كل زوايا وملامح قضيّته , كتابته , لفظه , مشاهدته , إستماعه , في بيتين فقط لاغير !
أنا لم أتحدث والله إلى الآن لايسعفني الكلام حتى أتجرأ وأتحدث فـ في داخلي حديث يبحث عن حديث لكي يُقال ومن ثَمّ يُكتب !
ماذا فعلت ياخلف حتى جعلتني أضع يدي على رأسي , وأتمتم بكل عفويّه [ يااللـــه ياخلف يااللــــه ] !

 

[سعيد الموسى]

إلى أخي الأصغر : محمد البدراني
.
.

بعض الثنا ياصاحبي يجرح النور !
ـــــ خلك من اللي يحبس الضي تكفى !
.
.
ماقلت لك ؟
كم قلت لك ؟
إن الشعر
يستاهلك !
ــــ شايف يِدك ؟
كيف أكتبك ؟
.
.
إكتب إبدع
إتعب أصنع !
في دخلك
موطن شعر
في راحتـك
كل المطر !
ياصاحبي
يامبخلك !
كيف أكتبك ؟
كيف أعذرك ؟
ماأعذرك !

 

[سعيد الموسى]

غنّت دانه !
ليـــل الدانه !
فزّ الصبح
بكل أركانه !
غنّت دانه !
ضي الدانـــه !
ياهالحلوه
كم نعسانه !
كم تتهجى لفظ
بحرف !
حتى قالت ... آه
و أوّف !
مالت باإيديها عالخد !
قالت : هيا تقدر ؟
رد !
رد وغنّي !
شايف وردي ؟
تمسك ورد ـ وتقطف
عدّ !
طيب عدّ !
وإلا أوعدني ـ لا
لاتوعد !
غنّي ـ غنّ !
,
ضمّت يدّي لآخر
ثغري !
قالت صِد !
ودّك ؟
صِد !
هيّا روح ــ ولا تتكلم !
دايم ـ دايم
منك أتعلّم !
إن فـ صمتك : ثورة رد !
.
.
قلت وربي عينك
لحن !
كم يتموسق
هذا القد ّ ؟
كم معزوفه
في هالخد ؟
عينك فيها سحر
العالم
يعني صار برمشك
خاتم !
أسفل ثغرك ـ شامه
خامه !
ياني أعشق
هالزيتون !
قالت : فتنه صوتك
بسسس !
لاتتكلم ـ قلت : أتعلّم !
مو قلتي لي
غنّي غنّ ؟
هذا لحن وثغرك : فن ّ !
قالت : تدري
ـــ أمزح نام !
قلت البرد الظالم
ضام !
كيف أتلّحف ؟
ـــ قالت اسكت
لاتتفلسف !
بسّك عاد !
خدي صاير
ورده حمرا !
إسكت ـ إسكت !
قلت : الورده
والله تقطف
هات الورد وفيه
أتلّحف !
ردت : يرحم امك ناااااااااااااااااااام
كنت أترجى بس تغنّي !
بس ياحظّي
شوف
آتلعثممم !