تعال واكتب حالتك/لحظتك شعراً ..!

[نوف سعود]

/
لــــ نازك الملائكة ..!

 

[عبدالله صلال العساف]

صباح الخير يامنفاي واوطاني
صباح الورد ياتفاحتي الحلوه
انا متعوّد الياجيت وحداني
تلاقيني ثرى وابلادٍ وعزوه
هنا في راحتينك باسقه اغصاني
واذوب من الترف لا قلتلي قوّه
عبدالله صلال العساف

 

[سعيد الموسى]

مرّت
وكنّ البدر يرسم أثرها !
مرّت
وكن النور مخلوق منها !
مرّت
وكنّ الريح
تحمل عطرها !
مرّت وأنا واقف
على قاب قوسين !
بيني وبين الغيم
قصّه طويله !
مرّت وصدري يرتجف
مثل عبره !
يتنهد اللوعه ويزفر
كحلها !
هاروتة النظره
وريميّة القد ّ !
ممشوقة الطلّه
وغيميّة الخد !
جبينها بحري
... به الجزر
والمدّ !
وبعينها طفله
تمايل مع الورد !
مرّت
وأنا في حالة الصمت
مذهول !
أتمتم بصدري
وأبسمل عليها !
في داخلي صوت ٍ
يقول إنت : عاشق !
وأكبر دليل إيديك !
ياسعيد : ترجف !
ماهي بـ أنثى !
قـل إناثٍ كثيرات !
ماهي بوحده !
هذي ألفين وحده !
ماهزنّي فيها سوى شيئ
واحد !
في عينها مهره
أبد ماتروّض !
مرّت ... ومرّ الشعر
من شفّة الديم !
كانت سحابه
والمطر يقتفيها !

 

[منتهى القريش]

المشاركة الأصلية كتبت بواسطة عبدالله صلال العساف

صباح الخير يامنفاي واوطاني
صباح الورد ياتفاحتي الحلوه
انا متعوّد الياجيت وحداني
تلاقيني ثرى وابلادٍ وعزوه
هنا في راحتينك باسقه اغصاني
واذوب من الترف لا قلتلي قوّه

عبدالله صلال العساف

يا سلاااااااااااااااااام ..

صباحك مترف وجميل كـ جمال حرفك ..

 

[سعود القحطاني]

اليوم مشتاق لسما .. للشمس والأرض البعيد
اليوم ولغيرك أنا يطرى على بالي القصيد

اشتقت للقلب الخلي .. وش همي لو تعتب عليّ
جيتك أنا بليلة ألم .. قلبي على كفي

همست لي روح يا غريب .. الشوق ما يكفي
سلم أبرّد السلام .. وهذا ترى كلّ الكلام

اللي بقى بينك وبيني .. " تخيّل "

 

[حنان العصيمي]

سمها ذكرى مزوح اللي تسمي
انت ابو خضر الطعون وسمها

انت ياشيخ البها سيدي وعمي
تنثر ايامي عبث وتلمها

انت همي ول يامحلاك همي
معك ياملح السنين وهمها

قبل اقول لسود الحلوين سمي
من غلا سودك غرقت ف يمها

ان ندهتك تنبت نواويرك بفمي
المحك شمس نهاري يمها

جيت لك من جمر الشوق متحمي
كل ماتبرد طعوني ضمها

جيت لك واقصى معاليقي تومي
هم يخطيها وهم يخمها

ان ضميت اشرب سواليفك بدمي
وان تثاقلت الدروب ازمها

وان خذتك مني عين ماتسمي
العن الدنيا وابوها وامها

( مساعد الرشيدي )

 

[سعود القحطاني]

المشاركة الأصلية كتبت بواسطة حنان العصيمي

انت همي ول يامحلاك همي
معك ياملح السنين وهمها

قبل اقول لسود الحلوين سمي
من غلا سودك غرقت ف يمها

ان ندهتك تنبت نواويرك بفمي
المحك شمس نهاري يمها

ذوووق ياحنان

*

 

[همس الحنين]