سيمفونِيّة مَطَرْ

[سعيد الموسى]

تلمّ بيّدها
يدّي
وقالت :
شايف الغيمه ؟
ـــ
تعال
وصير عصفوري
وأنا
عصفورة الغيمه !
تعال
نغنّي ونلعب
وتمطر بالغنا
ديمه !
ـــ
أقلّك ؟
غمّمض عيونك
وخل شفاك
ترنيمه !
.
.

 

[سعيد الموسى]

والله إني حيل
طيب
يطعنوني
ألف طعنه
وأذكر إيديهم بخير !
كم تحس الناس / معدن
فيهم نحاس
وذهب ...
كثر ماشعري
تسامى
لين سموني : المطر !
ماكسبت الصيت
صدفه !
دام لي حرف ٍ أرّفه !
.
.
كم صغير ٍ بي تبلل ...
كم غرق بي
كم تهادى
كم تمرجح
وإنتخى في كم مضلّه ! ؟
.
.
في يدي
أوطان غيمممم
بالأصابع : حرف
ديم !
حبري رذاذ ٍ وسيل !
شعري اللي كم نزفته
يعتبر درس ٍ لجيل !
مانقشت إسمي : كذب
مامدحت القاصرين
ماشحذت التافهين
ما طلبت الفارغين
ممتلي عز ـ وفخر
حتى لو كنت الفقير !
اللي أضناه التعب !
.
.
قالوا إني : كنت أكرر !
قالوا : إني
إني ......... إني !
والله إن أشخاص واجد
كرروني / ولا آتكرر !
كم أمرر ؟
ــ ليش أمرر ؟
يمكن لأن : المطر
ينزل لهالناس
طاهر !
لكن أحيان البشر !
تتسخ من وحلها !
.
.
هالمطر لو طاح : رحمه
ـــ به مطر قاسي بجلده !

 

[سعيد الموسى]

أحتاج لي غيمه
بريئه
وبيضا
تسافر بيدّي
إلى كوكب الورد !
تزمزم شفاهي بلحن
يترنم !
وأمشط أطراف الشفق
وآتبسم !
ترقص بي وتختال
واضحك ــ وأغني !
واحكي لها عني
وإني ..... وإني !
وتطير بي
حد القمر والتمنّي !
.
.
أحتاج لي غيمه
تعلمني أضحك
وإن جار وقتي
تسرق الهم مني !
تبحر بي
تهرب بي
وتغني لي
لين أحلم !
أحلم أن الناس / أجراس
وإن الدنيا
حلوه حيل
ـــ واني أقدر
أتموسق
مع كل دمعه
ـ اتغوسق !
وإن الحزن الكائن :
هشّ
يُكسر ـ يُبتر
لو حبيت !
وإن الضحكه : هي الفاس
تكسر كل جذوع
الحزن !
وإن البسمه
ـ لفظ الحب
وإن الطِيبه
ــ فعل الحب
وإن الفاعل
ـ كائن حب !
وإن الحب : الأسمى
عذب !
.
.

وتغني لي
تتشكل !
تمطر
تمطر
وأتبلل !

 

[سعيد الموسى]

ياصوتها الساكن
في بحة الموجه
يارمشها الناعس
كم كنت أماري به !
مرّيت به
ليله !
ليلة مواويله ...
ليلة مطر
بيضا ...
في موعد
القمرا !
مريت به طفل ٍ
يتبلل
ـــ ويلعب !
ترقص به
النجمه
تطفي به
العتمه
كم نورس ٍ
غنى !
في ليلة المغنى !
كان الحكي نسمه
متهندم ٍ همسه
كنت أجمع الكلمه
في داخلي
زحمه !
زحمة حكي
عيّا !
وأزريت في قوله !
كنت أسمعك
لا ... لا
أتنفسك
يمكن !
مااذكر اللحظه ...
أشعر بها
ديمه
بس أذكر الكلمه
قلتي لي : آحبك !
كم مال بي
غصنك !
كم غردت إيدك
وأستوطنت
كتفي !
كم كانت اللحظه
ممطوره
وزرقا
ياصوتها
ـــ صوتي
لاتسرق
اللحظه !

 

[سعيد الموسى]

أوعديني !
إن حبك ماء في مبسم ضياء !
أوعديني !
إن قلبك مثل غيمه في سماء !
أوعديني :
إنك إنتي !
لو تغيّر كون كامل !
لو تفجّر ألف نهر
لو تهاجر هالنوارس !
إنك إنتي
إنتي إنتي !
وإنك الأحلى
ـ وأجمل !
وإنك الأصدق
ـ وأكْمـَل !
أوعديني : إني أثمل !
من تمرّي حيّ خدّي !
من تمّري فوق جفني !
من تدّقي باب
ثغري !
عانقيني : مثل نسمه !
مثل كذبه
عانقت طفل ٍ فقير !
مثل إثم ِ
يوجع الشيخ الكبير !
.
.
مثل ماكنت ِ
تقولي
إن هذا الكون : أجمل !
وإن هذا البحر
يهطل !
يهطل ويرقص بموجه !
.
.
أوعديني
إنك إنتي !
وإن هذا الشوق إنتي
وإن هذا الغيم إنتي !
وإن هذا الغصن إنتي !
وإن هذا الورد إنتي !
وإن كل الحب
إنتي !
إنتي إنتي !

 

[سعيد الموسى]

قِل للمسا يرسم من الشمس طاير
ـــــ في هالسما غيم وسحاب ٍ ونجمه !
قِله يحلّق في فضاء البشاير !
ـــــ دام المطر لاطاح , طيحته رحمه !

 

[سعيد الموسى]

ماطاحت إيديك
في كَفيّ
تداعب الكف
وتشاغب !
ماقلت لك :
ياقُمر كُفّي ؟
إلا تمريّن
عالحاجب ؟

 

[سعيد الموسى]

جيتي من الغيم
ممطوره !
قطرة مطر
وأصبحت صوره !