ارتداد

[ماجد العيد]

الشَّيْب : رَمَاد العافية !

 

[ماجد العيد]

عبدالعزيز الردادي

و الفكر أَمَّكْ يا إمام
و الشكر ضمّك يا مَدَدْ
يا سِلْم مبدوء السلام
يا عِلْم ما أضحى بِدَدْ
يا نافخ بروع الظلام
ما خِبْت و نجومك هَدَدْ
من قال يِبْلى بك كلام !
يا مستديم من الجِدَدْ
قل يا معاريج الغمام
لَبَّت طرايقّك القِدَدْ
إن جيت أفْرّدْك الزحام
ما جيت إِكْمَالة عَدَدْ !

 

[ماجد العيد]

دعوة إلى كل الملا
من قلبي اللي يرتجي
اللي بـ يبقى يا هلا
و اللي بيرحل
.
.
.
لا يجي !

 

[ماجد العيد]

 

[ماجد العيد]

من خصائص المرايا ( مضاعفة الكسر ) !

 

[ماجد العيد]

و العيون الغايرة من دَعْكَهَا
.. ليت يَخْلِفْها الفرح حتى تبين
تمتمت إن كان حَلّوا سفْكَهَا
.. للمرايا / يا المرايا وش تبين ؟!

 

[ماجد العيد]

وإني أقول بْداخلي من يِباهي !
الحبر مرشي و القصايد سبايا
تعبت أمرّر هَـ المَرَار بْـ شِفَاهي
و أعضّ - عن "حرف" الحديث – النوايا
وإنت الكريم إن صبّ له حرف : راهي
ثغر القصيد اللي مْمَلّى حكايا
و الساطع اللي ما عليه اشتباهي
و الناصع إن حِطّت وِجيه و رزايا
خلف السواهي ما لقيت الدواهي
المشرعين الموسعين الزوايا
يا الفاجرين الزاجرين النواهي
يا الكابتين الكاتبين الخطايا
من شفت صارت للملاْ – هِيْ - ملاهي
عفت القصيدة - مع عظيم التحايا
إما تكون حروف شعري كما هِيْ
وإلا تطوف بذكرياتي شظايا
يا كل عذرٍ للشِّعِر صار واهي
وين الكفوف اللي عليها العطايا؟
حتى القلم عن بيض الأوراق ساهي
ما كنهن فتنة لـ جمعة صبايا
وشلون أبعكس هَـ الظلام اتّجاهي؟
لا صاروا العتمة و صدري مرايا !
هاتفتني يا صوتك الحي زاهي
وأحييت لي من وسط حبري بقايا
و ألقيت لك في مَعْمَعْي انتباهي
يوم الأماني حاصرتها المنايا

 

[ماجد العيد]

الكراسي صوت وعدٍ ما يصيب
عمر يِحْرق لاجل نجني أرذله
كل وجهٍ دون أحبابه ... يشيب
و كل وجه و له حبيبٍ و اخذله !