درايش..

[منتهى القريش]

مر وسلم
ما ابي غير السلام
ابيك تفهم
ما بقى شي واقوله
مات بـ اشفاتي الكلام

 

[منتهى القريش]

اللي نزفته ع الورق
إحساس فيني يحترق
حاولت إني أحبسه
ما بين جفني والأرق
بس للأسف .. عيا القلم
يتركني وحدي أحترق ..

 

[منتهى القريش]

تعبت خطوتي
أتعبني الترحال
غنى الأرق فيني
ليل الحزن موال

 

[منتهى القريش]

أشطب حزن
وارسم ابروحي مواجع
أودع غربتي واضحك
يلوح لي الألم .. راجع

 

[منتهى القريش]

في غيابك
ما بقى في الدنيا ضي ..
حتى أحلامي تلاشت
والأماني فارغه
ما بقى في الروح شي

 

[منتهى القريش]

كذبت وقلت
أبد ما همني اغيابك
بس الشوق يفضحني

صدقني
أنا ما مت بـ اسبابك
لكني
من هجرك .. سبب غدرك
غرس سكينه بصدري وموتني

أنا لو غبت بـ احيا بك
على الماضي
على الذكرى
وبنسى انك .. سبب حزني

أنا ما جيت .. أتسول على بابك
أنا جيتك أبي قلبي
رده لي .. خلاص ارجوك وريحني

قلبي اللي على كثر الجفا والصد
وليل الحزن
يوم رديت فرح واشواق
هلا بك
كثر ما اجفيت
كثر ما اخطيت
بلحظة وصل عشمني

انا بسألك وجاوبني
وين قلبي؟
علقته
على ارفوف العشق بين زحمة احبابك؟
ولا انك تناسيته
دفنته حرف بـ اكتابك
نزف هجرك حبر بارد
كسر مركب احلامي وفي بحر الهم غرقني

ابيك تعرف ..
اشكثر حنيت بـ اغيابك
اشكثر تانيت
يمر طيفك ..
منافي .. والوطن حزني ..

 

[منتهى القريش]

جفاني النوم
أنا وعيني
صرنا والأرق أصحاب

كثير احباب
مروا بذاكرة حزني
وبكوني
بعز النوم صحوني
تخيلت الأمل ردهم
فز قلبي يتانيهم
سهرنا الليل ولا شفنا
سوى العتمة
وطال الليل ولا اسمعنا
سوى اصواتهم في البعد
وريح تصرخ وتسألنا
متى يردون؟
يجاوبها صرير الباب

 

[منتهى القريش]

مرت شبابيك السهر
على اعيوني
ومر شوقي
على ابواب الحزن يسأل
وينهم؟ ..
بعدني ساكنه فيهم
ولا انهم
راحوا بعيد ونسيوني