ارتداد

[ماجد العيد]

النوايا البيض ما تخلق شعور
باهتة يوم الذنوب ملوّنة
مثلها الكلمة على وجه السطور
السواد ( أحيا ن) أحيا مدوّنة

 

[ماجد العيد]

ما عادت الجنحان تكسرك يا غياب
حتى السماء من ضيق الأحوال ضاقت

 

[ماجد العيد]

باب السماء مفتوح
و خيوط هالأقدار
خلتني صعب آروح !

 

[ماجد العيد]

نقلاً عن طائر


تشابهت .. تشابهت
حتى الفضا منها بَهَت

 

[ماجد العيد]

ما تجاريها السنين
تكّت الساعة كّبّد
تكتب بعذراء يمين
حرفها اللي للأبد !

 

[ماجد العيد]

ما أقسى من أيّة صمْت ..

إلا الحَكِي ا ل ض ا ي ع !

 

[ماجد العيد]

أنا من البارح رحلت
قبل الجراح بخطوتين
لأني عارف لو وصلت
بعيش عمري في أنين

أنا أعتذر لي
ما جبتني لك
وأنا أعتذر لك
لا ابتل منديلك
هذا الغياب اللي تبين !
و هذا الطريق اللي تبين !

يا ابتساماتي القديمة ..
وينها ؟!
وإنتي اللي كنتي إنتي ..
بينها ..
أنا أعتذر قبل الأنين ..
عجزت أكون اللي تبين ..
أنا من البارح رحلت ..
قبل الجراح ..
.
.
بدمعتين !

 

[ماجد العيد]

الأرواح التي تغادر ، تُبدّل ثيابها !