رسـائـل لـ لـ يـاسـمـيـنـة

[صالح العرجان]

تلعب طرب وأنا بنومـي هواجيـس
ماسامرك بالليـل كثـر الهمومـي

أسهر إلى نامت عيـون الهداريـس
بالليل أساهـر ساهـرات النجومـي

أونس بقلبي مثل صلـي المحاميـس
الله يلـوم اللـي لحالـي يلـومـي

 

[صالح العرجان]

.
.

ياللي عشـان الغـلا طبعـك تحمّلتـه
هـذي شهـور وليالـي يامجافيـنـي

القلب من عقب صـدّك زادت اسئلتـه
وشلـون قلـبٍ يبينـي ماينادينـي ؟؟


\
/
\

ابسئلك كيف أبكـره شخـص دلّلتـه؟؟
وأبنصحك ردّ قبل تطيح مـن عينـي

وان كان في خاطري وصلك ولا طلته
يكفيني انّك رحلـت وخاطـرك فينـي !!

.
.

 

[صالح العرجان]

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:


مثـل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

 

[صالح العرجان]

اكذب واسمّي غربتـي (غربـة أعيـاد)
لكن عسى اللّه يرحم الحـال والـروح ..

دام الجسد في بـلاد والقلـب فـي بـلاد
والله ل (احصّل) غربتي ويـن مـا اروح



ما اروح


ما اروح


ما اروح

 

[صالح العرجان]

خلوه يقرا بيوتي دامها جزلهـ
وخلوه يعرف عن الخفّاق وش صابه

 

[صالح العرجان]

شوفي الركن البعيـد هنـاك .. كنـه صـدر حانـي
هـذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

 

[صالح العرجان]

أرسل سلامي والتحيه للقريب وللبعيد
جمعتها في خافقي واليوم أهد اسرابها

وزعتها بتسويه بين الموالي والحبيب
الاوله لاقرابها .. والثانيه لاحبابهـا

أون ونات الفقير الي غدا ماله ذهيب
بيدين زمرة راحت حقوقه ولايدرابها

 

[صالح العرجان]

,,


الزعـــل شمعـــه يذوبها العتــــــــاب
,,,, والغــــــــلا يبقى على ماهو عليــــــــه ..!


,,