درايش..

[منتهى القريش]

الرياض
كم مره غربتني
كل ما مريت بيها
لا وجوه الناس فيها من إحساسي ملامح
ولا شوارعها اعرفتني

صمتها وسط الزحام
نورها كنه ظلام
شي أشبه بالضجيج
ناسها الـ شلتهم بالروح أفراح وسلام
تنبت ايديهم سنابل من جفا
كفوف في روحي تمادت واوجعتني

ما أحبك
ما أحبك يـ الرياض
بس يمكن اللهفه لـ عيون الـ أحبهم
غصب عني .. على الجية أجبرتني

 

[منتهى القريش]

ألا يا جرحي سامحني
بتبقى عايش(ن) فيني
واذا ضج العنا يسأل .. أنا ويني؟
بتبقى انتَ ..
وطن يحمل .. عناويني

تخيل ديرتك جرحك
تلم أحزانك وفرحك
اشكثر صعبه
بصوتك منكسر تصرخ:
بنفس الداء داويني

 

[منتهى القريش]

من آخر مسافات الغياب
جيت اقطع عروق الحنين

 

[منتهى القريش]

نلتقي
وكل الكلام يموت
فوق الشفايف

يمكن الشوق حالف
يتلحف الصمت وينام
يغمض جفون الحلم
وتنتهي بيه السوالف

 

[منتهى القريش]

ليه نحلم
دام حتى الحلم قاسي
حيل مؤلم
ليه نهرب للسهاد
والأماني أصبحت حفنة رماد
دام حضن الليل عتمه
وحتى ضو الصبح مظلم
ليه أصلاً احنا نحلم؟

 

[منتهى القريش]

أرق
يحرق بقايا الليل
غرق
يحضن مراكبنا
حزن
يشعل مراسم جرحنا قنديل

 

[منتهى القريش]

كيف حالي؟
كيف مر الليل بعدي في غيابي
ويش جرى لي؟
في غيابك
جاي تسأل ويش جرى لي!
كانت الأيام وحشة
تنتظر طيفك يمرها
روحي ذابت .. يا صبرها
كل صباحاتي تشابه
ضيها وعتم الليالي

 

[منتهى القريش]

سلم لي على روحك
وطمنها
بعده الوفا فيني ما تغير
بعدني امسح ادموعي
بكف الليل ..
واشعل بالسهر قنديل
أمل يكبر ..
على غيابك يصبرني واتصبر