نآي الفُقراء ..!

[غازي بن عالي]

اُمي رحِمها الله
.
.


يافقدها الي يوجع القلب طاريه
من موتها تيتمت بي عيوني


وا قلبي الي دايم الدوم حاويه
حزنٍ تبدد وإنغرس وسط كوني


يابشير اسأل كان للشي توحيه
اوحيت حزنٍ غاص داخل جفوني


ماتت وانا من عقبها عايش بتيه
تيهٍ بلا لقيا .. يزعزع .. ركوني


ياليتهم يدرون عن شي مخفيه
ياليتهم .. في .. قبرها .. كفنوني


ياليتهم مازادوا الي مشقّيه
قلبٍ تمنى .. وصلها وش يكوني


حالي نحل من صدمةٍ في نواحيه
حطت وزادت بي سناين طعوني


أمي عليها دمعي اليوم مرخيه
أبكي عليها .. دون .. مايلحظوني


غصبٍ عليّه ياعضيدي مسميه
فقد الحبايب .. غير لو يعلموني


شي(ن) عطانا ربنا مالنا فيه
والحمد لله .. بالقضى مؤمنوني

.
.


آهـ

 

[غازي بن عالي]

ويتجدد الوجد
.
.
.


يمه .. وطاريّك على الدوم ياتي
ياميتةٍ منتي على القلب ميته

أحيان أحسك عايشه في حياتي
فـ الـبـيـت لا مني لفيته و جيته

وشلون أبنسى ضيقتي و إعبراتي
وزرع الغلا مبطي يبس ماسقيته

كنتي و لازلتي .. جميل اُمنياتي
ياطفلتي .. فرقاك .. لا .. ماقويته

.

.

..💔

 

[غازي بن عالي]

مراجيح الطفوله

.
.

 

[غازي بن عالي]

تهب الآ من يمّة طريق البؤس والخذلان
وأضم كفوف تدعيلي عسى تقبل دعاويّه

رحِمها الله رحمةً واسعه

.
.

 

[غازي بن عالي]

طيش غربه

.
.
.

 

[غازي بن عالي]

بيني و بينك ...( جرح 💔

.
.
.

لاتتركين .. الـحـلـم .. ياوارفه لي
ماعـاد غـالـيّـك على الجرح قاوي

لوكان وصل الشوق في داخلي حي
لا أحييت من شانك عمر فيك ذاوي

هو شـمـريّـك بالغلا حالته سي
ماخاب لو خـابـت كـثـيـر الهقاوي

ياضيعة الي مالقى لـ حيلته شي
تهنا عـلـى مـرسـاك ذيـك المناوي

نحلم ونحلم في غياهيب من غي
ودرب الهوى ضيّع صواب الخطاوي

ذاب السكوت الي على تيهته في
يظلنا .. بـ جروووح .. ماله .. مداوي

لاشك كـل آمـالـنـا مالها شي !
الا الجرووووح الـعـادلـه بـ التساوي

 

[غازي بن عالي]

وتجدد قصة حلم شفائك

اللهم من لدنك شفاءً لاخي 🤲🏻

.
.






ياذكريات الامس وش باقي الحين
حتى تزيدي من شقاي و بلايه

ازريت أعد ايام خمسه و تسعين
لقيتها تاكل و تشرب معايه !!

القصه الي عمرها فوق عشرين
رجلن عثاه الحظ / زوّد شقايه

ياعزتي ماعاد فيها على وين ..!؟
تكتب صحيح القول بليا وشايه

أدميت ياعزي قلوب المعادين ؟
وحطيت من علمك لـ فكرك ولايه

ويوم انها شامت لفو لك ملبين
الكل منهم قاصد العلم غايه

هي صابتك بالحق والناس دارين
من حينها طاحت قواك و قوايه

ماطال قاسي وقتنا يوم بـ يلين
وأعـلـمـك وشلون مـعـنـى وفايه


💔

 

[غازي بن عالي]

لا وصف يفيك صدقيني ..

.
.


تفاحة نيوتن جذبها غلاها
وانتي جذبك الي عشق ترفة الغيد

الشاعر الي لا بغاها بغاها
بالطيب و الا بـ نكبة العيد بالعيد

الشمري عانق بحبه سماها
حتى غدى ملهوف في أتلع الجيد

قصيدتي عذرى تمخطر خطاها
فيها غنج طفله تمهيف على البيد

اليا مشت شفت التباهي تباها
في مشيها إيقاع ( تك تك )و يزيد

دايم .. مُنايا .. ذايبٍ في مُناها
أجر من صدري .. عليها التناهيد

اليا همست غازي وغنّا غناها
يتجدد الاحساس بالشوق تجديد

يالعنبوها ماهواني سواها 😔
ولا هويت الا ( غلا ) باشة الغيد