رسالة الى

[عبدالله البطي]

عجلت لعيوني ادموع الاسى والحزن كله
ليلةً فيها من الصدمه تجمد لك شعوري
وغمضت عين الاماني وانعمت غبن ومذله
كل حاجة في غيابك اصبحت ماهي ضروري

 

[عبدالله البطي]

عطني الريشه على لحن الاماكن
غنها عبرات والا صوت باكي
كل حاجة لونها هاليوم داكن
دفتري والصمت وخيوط المراكي

 

[عبدالله البطي]

رحت افسر لك نغم صدري واغني لك اماسي
والنجوم اضيوفي وعبرات عيني صف فرقه

 

[عبدالله البطي]

امست وطاح السواد بثوب ً ادهم من سواده
يمكن ايدينك بعد تصعب على عينك تشوفه
والله ان لوعات الامس وليلة الامس الشهاده
اصعب من الموت وازرا من تعابيس الحسوفه
قالوا الناس الحداد وقلت مدري وش حداده
ورحت ادق الرقم عندي وارتجف قلبي وخوفه

 

[عبدالله البطي]

مو صحيح الجرح عالجه الطبيب وطاب كله
مو صحيح الوقت يكفل جبره اكسور المشاعر
والله ان دكتوركم مافي يده غير المجله
وش يعَرفه الاسى والحزن وادموع المحاجر
ياطبيب ارجوك ! عني انقل اشعوري وقله
خذ عروق القلب صبه دم قلبي لايغادر
لو يبي كبدي طحال الجسم ودموعي بدله
لو يبي روحي وسيله سلها واعطيه صابر
مادريت الغبن جرح ومادريت الفقد عله
لجتن فالقلب تدمي توئمه بشعور نادر
اي احبك صدق وانت الي حقيقه ما امله
اي احبك وانت بس الي لاحاسيسه ابادر
وانت تدري وش شعوري تعرف اسرار الاهله
كل ماموعد حنيني طال جيت ومنت قادر
التقينا اثنين موعد فالثلوث الموت كله
انت حتى الغيم يبكي سالت ادموعه تقاطر
انتهازي! كان جرحي و ساعة غيابك مذله
صدمة شعور ومشاعر لين صامت لك محابر
السكوت الي خذاني كان يطبخني بغله
لين ما فجر شعوري وانصنعت بقلب شاعر

 

[عبدالله البطي]

قالت سعودي وقلت ادموع عيني ياحزينه
لو عصرت اعروقها يمكن يجاوبك انكساري
وش تبين بعرق دمي ! وانتي اعروقك ثمينه
وادعيني عابره روحي وخلي لي انتظاري
وش يفيدك تسألينيه وين وش عرقه ودينه
رغم صمته كان في فحوا عيونه كان عاري
قبل ماتوقف مراسينا على بحر السفينه
قبل لايصبح مثقف من بطون الكتب قاري
كان عادي جداً وكانت تفاصيله سجينه
في قواميس الطفوله فسرت سر اعتذاري
الحيا كان اكثر اعيوبه وكان اكبر غبينه
السمات احيان منها هو سبب سر انتحاري
الخدوش الي على كفيه ماهي في يدينه
هي سبايب وقت لو كانت على باب الطواري
ادري ان الفقد موجع وادري ان الله يعينه
بس انا محتاج مدري لو انا عارف وداري

 

[عبدالله البطي]

تمنيت الوهم كذبه تمنيت الحقيقه غير
انا فيما روت نفسي غرقت بموج اهاتي
ونمت ابريل كله ما صحت نفسي ولا التبرير
قدر في مايو المجروح ينطق لي اجاباتي
ادور يا عباد الله دليل الشك والتقصير
ورحت لسالفة مدري وتهت بكل حالاتي
انا مامت ياموج الشرود وساعة التغيير
انا محتار في اخر ثواني ؟ غيرت ذاتي
شعور الدمع ماتقدر لها اللقطات بالتصوير
لو انها تلقط الدمعه دخيل اصوات عبراتي
اماكن في نواة النفس مايرقى لها تفسير
حقيقتها بظاهرها وهم تشبه خيالاتي

 

[عبدالله البطي]

انا ودي معك .. موعد على شرفه بعيد هناك
بدون الناس ،تجلس ما تكلمني ولا كلمه
ابي بس الدموع الي تسولف لي عن الي جاك
وانا عيني تجاوب لك غيابك وش كبر همه
تقول اصبر على الدنيا وانا ماعاد بي ادراك
دخيلك وانت في روحه وتجري به مع دمه
دخيلك طول الحلم القصير ومد لي يمناك
وخذني قلب مثل الي خذيت وضمني ضمه