تعال واكتب حالتك/لحظتك شعراً ..!

[عبدالله صلال العساف]

خفوقٍ ماقدر يجرح نبا سمْهك ابتنهيده؟
كتم مابه من اشواقٍ تلظّا إلخاطر اعيونك!!
وعينٍ غصّة ابدمع الوله واعياه تقييده
على حد الهدب ذابت مشاريه العتب دونك
عبدالله صلال العساف

 

[منتهى القريش]

كثير الناس من حولي
ولا منهم أحد يقدر
يسد فجوة اغيابك
ولكني أبد م ارضى
أتواجد بلا معنى
واضيع ابـ زحمة احبابك

 

[سعيد الموسى]

يسرقني الصوت
... ياسطري !
محتاج أقولك !
ورق ... حبري !
إيديني الصمت
في شطري !
تكبر مساحاتك
وعذري !
ياسااااااااتر ... الله
ولاقهري !
أتعوذ الله .... من كسري !
هذا الورق ... موطن ...
ومنفى !
والحبر بارد ...
أبي أدفى !
يسرقني الصمت ...
أو عذري !
ماعدت فاهم ...
وأنا أدري !

 

[أمجاد محمد]

تدري انك كل ما ابطيت داهمنـي سـؤال
.........كيف صار البعد واقع ! مع انه مستحيل

 

[صالح العرجان]

أدري يا قلبي .. غيابه / يهلكك ..
داخلك عايش .... وفي حالة ثبوت !

كيف أعبِّر عن شعوري و " أملكك " ؟!
خايف أتكلَّم .. يداهمني .. السكوت !

 

[صالح الشملاني]

أحس صدري قفص ضيق وهذي الروح به عصفور
أمانه فكي أبواب الظلام ./ وأطلقي روحي .!

أخاف الوحده [ يا زينب ] تعشش في ثقوب النور
وأظل أحفر تراب أرض الخيال ./ وتنزف جروحي

أنا مخنوق ./ والشاعر تعب يضرم فـقلبي شعور
عشاني شققي دفتر دواته ./ واسكِتي بوحي

تعالي رتبيني ./ أنفضي عني غبار المُهمل المنثور
وفكي فـهالجدار أي نافذه للشمس ./ ونزوحي

خذي عني جرايد أمس ./ والقهوة ./ وشاعر بور
وليلٍ منطفي في شمعدان العين ./ من نوحي

سكن رأسي صداع وهـالفراغ الموحش المعمور
تعبت أستوعبه ./ وأطرق عوج مسمار في لوحي

تعالي وأحرميني من الكتابة ./ هـالكآبه سور
برّد الشاعر أدراجه ./ وأعيش أبسط من طموحي !!

ـ عبدالعزيز المالكي ـ

 

[صالح العرجان]

على بالي !
أجيب " الصبّح " في كفّك وأضم ّ " الليل " بـ لحالي !

 

[صالح الشملاني]

ايا حزن
لو ما على قلبك امر
ممكن عمر
انت الوحيد اللي تخليني عن العالم وحيد
محتاج اعيشك من جديد
ليل وسهر
حزن وقصيد
من رحت .. انا ماني سعيد
ماعاد في صدري على غيابك شبر
حزين انا

تحت الصفر ..

احمد ندا