ذااائقة ... عبدالله

[عبدالله الجودي]

ما خصّت بقلبي و لا شي : عمّت
من عينها رايح و من عينها جاي

هي اللي لا قالت ابفطر و سمّت
تغار قهْوتها ... من بيالة الشاي

 

[عبدالله الجودي]

القلب يشكي غيابك ، وانت ما تدري
والعين من ساعة التوديع ما ارتاحت

كفيت حزني عن العذال في صدري
وحاولت في دمعتي لكنها طاحت

 

[عبدالله الجودي]

انا الغريب اللي حياته غريبة
فيها من الوِحده وفيها .. وفيها

عندي غزل لكن ماعندي حبيبة
مافيه احد .. حبيبته مايبيها

 

[عبدالله الجودي]

قولي لي أي شي غير .. لانّي غير
أنا رجـل يزعجني التـكـرار

حتى ( أحبك ) مالها تأثير
من كثر ما مرّتني باستمرار

 

[عبدالله الجودي]

ماتمر و كانت اخبارك كثيره فـ المرور
ليت من مرر تفاصيلك يمرر لي لقاك

سكر ابواب الغياب وافتح ابواب الحضور
ماعطاني بالصبر ربي مثل ماهو عطاك

 

[عبدالله الجودي]

أنا راضي بكل شي .. لكن معك طماع
أبي كلّك .. وما غير كلّك .. يكفّيني

تشوف المطر وشلون يحيي هشيم القاع
كذا تنعش إحساسي بصوتك وتحييني

 

[عبدالله الجودي]

يوم كل أنسان .. مع ( حـبّه ) سهر
كنت أقصْ لـ وحدتي معنى الفراق

مَ قطفت من السنين .. الأ القهر
و ما جنيت من الحنين الأ احتراق

 

[عبدالله الجودي]

لبى العيون الي سحرني حلاها
ولبى الرموش الفاتنات المضاليل

ولبى اليدين الي اموت بدفاها
ولباك كلك دون ذكر التفاصيل