نَافِذه !

[سعيد الموسى]

" زفرة "
___


كلٍ على ليلاه " جالس يطبّل "
‏_ واحنا على الأبواب نتأمل الناس !
‏هذا يمجّد شخص وهذا يقبّل !
‏_ والوضع لاوالله مايرفع الراس !
‏شلّه من الغاوين معهم مهبّل !
‏_ هذا يدندن وآخر يدق مرواس !
‏يلعن ابو هالشعر كانه " مسبّل "
‏_ للهافي اللي فاقد الأصل والساس
‏احنا خنقنا " الغبن " حتى " تجبّل "
‏_ محدٍ له افضالٍ علينا " وينباس "
‏سادة كرم ورجال " مااحنا مخبّل "
‏_ اشجع من اللي يمشي ومعه حراس !

 

[سعيد الموسى]

_
*

للكلام " وجوه " واحباب وعِدا
‏_ وأنت صدرك " أجوديٍ ٍ" وآدمي
‏أسمك اللي لاعبر .. يترك صدى !
‏_ صانه الرحمن .. واصبح زمزمي !
‏وش عليك ان قلت للزله : فدا ؟
‏_ من خلقك الله وطبعك حاتمي

 

[سعيد الموسى]

*
____

على فكره :
‏عقيمه " غيمة الذكرى "
‏ولاتمطر سوا بـ اوجاع !
‏تسيّل لك " صور أشخاص " على آخر وادي " الفرقا
‏وانت تشوفهم " غرقى "
‏ولاتقدر " ترجعهم - ولا يمديك تتركهم "
‏ولاتنبت لك " البسمة " !
‏وتشعر .. داخلك زحممممه !
‏وجوه وناس .. مجتمعه
‏وكل ما يمطرون " تسيل "
‏الين يموت فيك " الليل "!

 

[سعيد الموسى]

وش اسوأ من حديث الما ؟
‏إذا سال " وبتر غصنين "
‏وش اسوأ من يد الظلما ؟
‏اذا كانت مثل " رمحين "
‏على مهل الضيا
‏يمكن !
‏أحب أني معك " احزن "
‏او اني مـ اعرف " الأحسن " ؟ أو اني يمكن .. ويمكن !
‏فقدت أشياء " من ذاتي " - وصرت أغرف لها صوتي - من آخر أول الآتي !
‏أحبك " قلتها بكذب "
‏احبك " تنكتب واشطب "
‏أحبك " آه واتسرّب " مثل معدن ويتذهب "
‏أحبّك : مِله ومذهب!
‏أحبك : وان بغيت أهرب !
‏لقيتك ظِل يتشعب !
‏لقيتك : كاس منه " أشرب "
‏أحبك : والحكي يركض ..
‏بفمّ الوقت " والعقرب "
‏ولاطلتك - ولانلتك - ولاخذتك معي لـ اقرب
‏حدود العالم " الاغرب "
‏واظل اكتب
‏واذا شفت الظنون " اشطب "

 

[سعيد الموسى]

خذ الموجز :
‏هياكل في يديهم " أفـ "
‏مشوا في شاطئ الدمعه " وصفوا عالرمال بـ صفّ"
‏جثث تحكي " عن الأحياء وكم عاقل بقوا عالرفّ "
‏خذ الموجز :
‏تعال وشفّ !
‏غلابا يلبسوا الأبيض وفـ ايديهم " دماء تعّف "!
‏خذ الموجز :
‏أمامك كل هالأشياء .. وماخلفك يقول " التـفّ "
‏خذ الموجز :
‏انا قرفان ، اقسم لك - ولا لي بالوجيه أيّ شَفّ !
‏انا زاهد بهم للظل - وكلّ اللي يدوّر كلّ
‏ولو حولي البشر " بتقلّ "
‏خذ الموجز :
‏من اللي عالكرم يعجز ؟
‏سوا اللي ماربى عالعز ، لو انه في مداه ارتّز !
‏يحسَب الناس " كومة رز "
‏خذ الموجز :
‏كرام وبـ اصلنا نعتّز ، واذا جانا الكريم " نفّز "
‏ومادونه " يفارق .. طُز "
‏رجال " ومانحب نهزّ " ولا نمشي فـ سرب الوزّ !
‏نعم : 2000 طز وطز !

 

[سعيد الموسى]

ياسيّدي " المحشو "
بالتبغ يالمدواخ "
‏مافيك " أي ارباح "
‏ياريحة " الشارع " والكير منك " فاح "
‏كم رجل عندك " ناخ "
‏ياالسيّد المدواخ .. ياحامل الأوساخ !
‏من يفهم المعنى ؟
‏من يدركه " معنا" يحشم أصابعنا !
‏لو ضاع " ماضعنا "
‏ماتنطق السنّا " قامت به ايدينا "
‏من دون "هالمنفاخ"

 

[سعيد الموسى]

*
___

لو طاح من عينك .. وبل
‏_ ينبت بصحراهم ورود !
‏ماكنت بعد الا .. قبل
‏_ مارحت لجل أني اعود !
‏من طاف عاللات وهُبل !
‏_ لاتسأله عن هالوجود !
‏يالساده " المتغطرسين "
‏يالقانطين - العابسين - الراكضين بـ ألف لاء
‏ماجيت ادوّر " عن سماء .. جيت بْيدي " غرسه وماء "
‏اما خذوها " بالسقي "والا اتركوها " ترتقي "
‏يالعابثين بكل شي ، ماشفت منكم اي تقي !
‏ماشفت حسان وكعب !
‏شفت المظاهر " والكذب "
‏ماجيت احيد اوتادكم ، هاللي اثبتت باوهامكم !
‏انا المسافة - الآنفه
‏ماكنت في حدّ " الزحاف "
‏حتى على ايديني " اخاف "
‏انا الشعر " وزن ومزن " !
‏وانا البحر " والقافية " - وانا الشجن وآخر مقامات الحزن !
‏وانا الصبا لامن نزل ب ارض الظبا !
‏وانا الـ موسيقى " والركوز " - والفكرة اللي ماتجوز !
‏زوجتها " المعنى " انجبت
‏طفلٍ وبنت " تكبلهت "

 

[سعيد الموسى]

*
______

*

أحتاج لي كتفٍ عليه أنثر الملح !
‏_ واحتاج لي " كلمة " تجي مثل نبته !
‏أحتاج لي " صدرٍ " عليه اعقد الصلح
‏_ يفهم عليّ .. لاقلت شيّ وشطبته !