تعال واكتب حالتك/لحظتك شعراً ..!

[هـيـفـااللاّفـي]

,’
{..أعجبك في كل شي

.. إلا الزعل !
قلبي طول العمر
عايش في سلام
لو تخاصمني
أخاصمك بغزل
ولو تراضيني
أجاذبك
الغرام~

 

[حنان العصيمي]

إلى منه جفاك اللي تودّه
ولا تدري وش الّلي عنك صدّه

تجرّع مالح العبرات واصبر
ترى كثر الشكاوى ما تردّه

وإلى من الّليالي عوّدت به
تغانم كل فايت واستردّه

حذار تنشغل بعتاب خلّك
ترى كثر العتب يمحي المودّه

(دايم السيف ..)

 

[عبدالناصر الأسلمي]

حسب الفتى من هوى دنياه احباب

 

[هنادي المطيري]

،

ما .. يبلّل خاطري - قطرات ماء ..!
لاغدى صدري من | الوحشه : جمر ،

 

[هـيـفـااللاّفـي]

,’
{..أعشقه دامه غلاي..ونهري الصافي
ـــــــ أنا أرتوي به وشوفه يروي عيوني

الشعر مسرح وراقص مسرحه قافي
ـــــــ للي أحبه وأشوفه دوم بعيوني ..

 

[هيفاء الزامل]

ما أحبك بس
في حبّك أموت ..!
إن ما ذبحني لك حكي .!
.............. يذبحني السكوت ..!


* للوارف / فهد نهار *





.

 

[هيفاء الزامل]

تتكسر يديني عطش والمعصم الوافي سـراب
في رحلة المدعو (ضمى) ازريت ادور مشربي

كنَّا هنا.. والا هنا كانواعلى مشـراف نـاب
تتناقل الالسن خُطى والفك ما يقوى الحبـي

يافرعنت شعر الوجع يا طعنت الساري زهاب
متزودك شيمة وطن دام المنافـي مـا تبـي

سافرت لك وانتي معي كني على سوط الغياب
أوسع مشارق دربنا بالضرب.. خوفي تغربي

ياهِي طويلة رحلتي أقصر من اعظام الرقاب
ياهي قصيرة رحلتي أطول من افكار الغبـي

* ؟؟؟ *






.

 

[حنان العصيمي]

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

خلاص لاتتعب وترجع تعاتبني
انا نسيتك دخيل جروحك انساني..