مُتنفس .. شِعري !

[سعيد الموسى]

باب ماجاء في التفعيلة :
أكتب على إيقاع قلبك وستتبعك أصابعك ..

التفعيلة :
ضوء وطفل !
يبحث ف العتمه .. عن ديمه !
يركض .. مره!
يوقف ... مره !
يمرح .. مره!
يبكي .. مره!
يهرب من باكر والليله!
.
.

 

[سعيد الموسى]

وعن نفسي أقول :

مالهذا الشعر
... مينا!
ولالهذا الصوت
... مركب !
كل حرف يمر
... فينا !
كان خيل ٍ ..
مر يركض!
تسأليني
منهو أنتوا؟
إحنا تشكيل ..
لـ يدينا !

 

[سعيد الموسى]

يارب عبدك ضايق الصدر يارب
__ والهمّ جندي من جيوشك قوي باس !
في داخلي فوضى وحاله من الحرب
__ خايف أطيح .. وطيحتي تلفت الناس!

 

[رحيل]

ليتني طير إلى من ضاق رفرف به جناحه
لا تضايق حرّك الجنحان لحدود السحابه

يرتفع حتى يبدل ضيقة الصدر انشراحه
يعتلي النسناس ويعانق به النوّ وضبابه

لو يروح بعيد ما أحد يسأله سبة مراحه
ما هو بمثلي يفجّر ضيقته دمع وكتابه

لا نوى ما هو يحسّب فرق بعد ولا مساحه
ولا يحاتي لا لفى بأرض بعيد ولا قرابه

ما يفكّر غير في لمة جناحه وانفتاحه
لا بغى ينزل بنهر وان بغى ينزل بغابه


صاحبي والحظ الأ قشر قلّد أيامي وشاحه
يسقي أيامي دموع ويطعم الظلمى كآبه

ليت قلبي طير لا من ضاق رفرف به جناحه
لا تضايق حرّك الشريان لحدود السحابه .

جبتها عالجرح يا ابن فطيس 💔

 

[سعيد الموسى]

رفيق الما ..
أنا تقتلني الظلمى ..

 

[صالح العرجان]

ياقو قلبك على الصّـده ويـا صُــــــبـرك
وياوسع صدري على صدك ويا صُبري



وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري



والله لون حمل صبري فوقـك..ان تبرك
والله ولو تعتذر منـت بعلـى خــــــــبـري




ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري




تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري




طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري




امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

للشاعر محمد ابن فطيس

 

[إبتسام محمد]

،
،



رفقةُ الأضداد جميلة
تضعك دوماً في حالة ترقب لردة الفعل
تجعلك على استعداد للوصول إلى حل وسط يرضي جميع الأطراف
فقط إن كان ذالك الضد لك يحتل ركناً من القلب ..

 

[سعيد الموسى]

فانيه ... كل الموسيقى !
إلا موسيقى .. الشعر !
كل لفظ!
وكل لحن !
مثل غصنٍ مال .. مثمر!
مثل غيمه!
لحن ديمه!
تعزف إيقاع المطر!
الموسيقى ماهي آله !
الموسيقى ذي جسد !
الموسيقى " حرف صاخب"
حزن شاحب!
وجه غائب !
إلتقى باللي يحب !
إرتباكة بنت عذرا
من حبيب ٍ كان راحل!
جاء يوادعها .. وبكى!
وكانت آخر .. ماتذكّر!
وإنها كانت .. تحضّر !
كل كلمه .. للوداع !
ولابقى غير الضياع !
ودمعة طاحت باانصياع !
وضايقه فيها البقاع !
هي .. طاحت !
واسقطت !
وهو قبل مايضمّها !
قص خصلة .. شعرها !
شمّ فيها ... عطرها !
شمّ فيها .... طهرها !
مااحتمل ...
أيضاً ... سقط!
.
.
.

أُقفل المشهد .... نُقطْ !
الموسيقى شعر باقي!
ماهي آله!
ماهي عود .. ولاهي ناي !
ولا كمنجا ... ولابيانو!
هي كلمه ... تُلتقط!
هي كذا والله
" فقط"