تعال واكتب حالتك/لحظتك شعراً ..!

[صالح العرجان]

تبسمي وأخذي أحاسيسـي هبـه
تستاهلين أكثر من أحساسي وزود .. ؟!

 

[صالح العرجان]

لا تقـدم بالكـلام ولا توخـر
الغلا بالقلب ماهـو بالقصايـد

والله ان قلبي على حبك مصخّر
خل عنك الشعر وعلوم الجرايد .. ؟

 

[أمجاد محمد]

وما عجبي موت المحبين بالهوى..ولكن بقاء العاشقين عجيب

 

[بندر الصقر]

قد ايش مدري , ولكن قد ما اقدر
.. اجاهد الشوق بإيماني وهو كافر
تقول قد البحر , اقول لك اكبر
.. تقول بُعد السما , واقول لك قاصر
يشتاقلك قلب لا يسلى ولا يصبر
.. حوله كثير السواد وداخله طاهر

 

[حنان العصيمي]

ليت الهوا يازيـن بالكيـف ينـدار

لاصرت انا المجروح وانت المداوي

نظمت لك بالفكر صفحـه وتذكـار
وبنيت لك بالقلب قصر ٍ سمـاوي

آمر وانا لأمرك مطيـع ٍ وصبّـار

اصبر وانـا مانيـب والله قـاوي

شفني اتحرا من شفايفك الاخبـار

وشفني على شوفتك راغب وهاوي

فيك اتامل والصـدر مشتعـل نـار

ويالله عسى ماني عن الحق غاوي

هات الحقيقه خلهـا تطفـي النـار

او يشتعـل قلـبٍ بليـاك خـاوي

( نزف )

 

[صالح العرجان]

لو السفر كله على بعض ( يومين )
( يومين وأنا ) ، كلنـا فاقدينـه .. ؟!

 

[منتهى القريش]

أحاول أخدع إحساسي
أحاول أمسح الذكرى
وكلما ابعد وانسى
واقول جرحي بدا يبرى
الاقيني افكر فيك
ومن النسيان أتبرى

 

[صالح العرجان]

يـا بـعد اهـلنـا على الرجـلين
..ويــا قربـهـم فوق طــياره .. ؟!