درايش..

[منتهى القريش]

تعبت اعلق اجفوني
على باب الأمل
وانطر احبابي
تعبت اسهر
ولا حتى يمروني
حلم كذاب
يفتح لـ الفرح بابي

 

[منتهى القريش]

ليه اسهر
ما دام السهر مشوار
ياخذني لـ أقصى الهم
وليه امشي
ما دام الطريق اسرار
ولا به شي أبد واضح
ضباب .. اغيوم
كل شي معتم ومُبهم

 

[منتهى القريش]

ليه متغير علي؟
فيك شي؟
أخاف عني أبعدوك
في غيابك
متبعثره بعضي وكلي
وينك انت؟
حن ولا تقسى علي
خلاص يكفيني وجع
اللي شفته في حياتي مو شوي ..

 

[منتهى القريش]

أدري ان الهموم اثقال
وادري ان الحزن موال
تعب يعزف
على يال الشقا .. يا مال

ادري ان الغياب ابحور
فيها ندور
وندور لنا مينا
ولا نلقى لنا مرسى
ولا ترسى.. مراكبنا
نضيع .. نتوه .. نتبعثر
وننسى احروف اسامينا

 

[منتهى القريش]

ويش القصه؟
وليه نموت الغصه؟
وليه الصمت يقتلنا؟
واذا شفنا
فـ سمانا من الأمل غيمه
سراب قلنا
نحاول نبتعد عنه
كذا احنا
تعلمنا.. الحزن دايم هو الأقوى
وهو اللي دوم يغلبنا

واذا شفنا
بقايا فجر يبشرنا
بحفنة ضي
خفنا نقترب منه ويحرقنا
يمكن ما تعودنا.. على الضحكه
نخاف الضحكه تجرحنا

غريبه يا ملامحنا
بعدش ما عرفتينا
ترانا ما تغيرنا
ولا البسنا .. سوى وجه الحزن والضيم
كنا في المدى أغراب
يجونا احباب .. يروحوا يبعدوا عنا
وتبقى ملامحهم تحفر بداخلنا
كذا صوره ..
يغيرها الزمن لكن ..
أبد ما يوم يغيرنا

 

[منتهى القريش]

ومات الليل
وشيعته بدمع عيني
لا انت جيت
ولا طيفك حلم مرني

صدقني
حتى ضحكتي صارت
مثل سكين
تمر بالروح وتذبحني

 

[منتهى القريش]

وتسألني عن احوالي!

كذا حالي
صار الحزن موالي

 

[منتهى القريش]

انكسار
ما فيني شي
بس مجرد انكسار