إحساس يــ غ ــمر الأنفـاس

[رزان العتيبي]

إحضنت يدي يدينك وانتفضت ,
كهربا فيني سرت من : لمستك !

قمت أجمّعني ولكن من لفظت :
[ إي أحبّك ] بعثرتني كلمتك !

يابداية فرحي الليلة | نفضت ,
كل حزنٍ لين ضاع فْ بسمتك !

فيك حلمي شوف كم مرة حفظت :
عنّك إحساسي وتاه بْـ نظرتك !

 

[رزان العتيبي]

يالرياض اليوم بنتك مابكت ,
بشّري فيك الليالي تب تنام !

وإن غدر فيها حزن مرة وشكت !
بلّليها فَرْح وامليها | زحام ..

 

[رزان العتيبي]

أحسّ بالغربة وأنا بينهم ليه !
معقولة لـ أنّك أبعد الناس عنّي ؟!

 

[رزان العتيبي]

تعال : وعطّر أجواء الـ فجر سولف | تنثّر | طيش
تعال : إجمعني بـ يدين الـ حنين , وطمّن أوجاعي !

بـ إنّك من رحلت ايقنت دوني من الـ صعوبة : تعيش ,
كبر فيك الـ حزن أكثر / وحشك الـ كِبر بـ أطباعي !

خذلك الـ شوق بـ غيابك وجيت من الـ ذهاب بـ ليش ؟!
أعيشك حتى في صمتي , وأحسّك دوم بـ أسماعي ,

تعال : وغيّر بـ وصلك ظروفي وإكسر الـ تطنيش ,
تعال : إشعل فوانيس الـ فرح في عتمة أوضاعي !

 

[رزان العتيبي]

لإنه الـ بدر فقط : خرجت له بـ صوت إبنته ..
ومن تتلمذت على يد قصائده ..
وجود اسمه فقط هو حافز للكتابة عنه ..
هو والدي ووالد الجميع بكل : تأكيد ,





شيبك وقار وضحكتك بسمة أطفال ,
صوتك أغاني : فلسفة حب وشعور ..

في نظرتك يُّكتب من الـ شعر موّال ,
في مشيتك يتمايل الـ فخر بـ غرور !

موطن قصيد , بحرفك تعيش أجيال ,
قصة وطن : بـ اوْراقها مَ حضنت زور !

مِنْك نتعلّم كيف نبني لنا | آمال ..
مِنْك نتباصر مطلع الـ نور للـ نور !

مُزعج غيابك يَكسي الـ ليل غربال ..
كِنّه يقول : لـ طلّة الـ صبح مجبور :

أحجب بياضك دامه الـ عود مازال :
يحضن بعاده بين قاصد ومعذور ,

إنت إحتضار الـ صمت في هيبة الـ قال :
إنت إندثار الـ حزن في صوت عصفور ,

إنتَ قصيدة حرفها : ضحكة أطفال ,
للحين بين ألعابهم يقسموا الـ دور !



إبنتك : رزان العتيبي ,

 

[رزان العتيبي]

صاحبي بالله قلّي : وين أروح ؟!
وأنا أتفه شي بالـ دنيا يسبب لي جروح ,

 

[رزان العتيبي]

نورة : تتوقعين يصح أسامحهم ؟!





طاحوا كثير وليتهم يوم : طاحوا ,
خذوا بقاياهم وراحوا بـ دوني !

كانوا هنيّا ومن ضلوعي تناحوا ,
للـ بُعد ضفّوا عفشهم | واخذلوني !

نورة تراهم خاطري إستباحوا ,
لا هم لفوني ولا هم اللي إتركوني !!

 

[رزان العتيبي]

عادوا : وقلبي شرّع ايديه للـ كيّ ،
كِنّه نسى كيف جرحوني وغابوا ؟!