- إعتـراف ..!

[وجدان الأحمد]

جيت أعبّر لك حبيبي
وحالفه ما خلّي شي ..!


إنت في الدنيا نصيبي
إسمع اللي صار بِيْ


لا غدت دنياي ظلمه
في عيونك ألف ضَيْ


وإبتسامه وحده منّك
تملي الدنيا عَلَيْ


آآآه لمّا تقول أحبك
أملك الدنيا بيدي ..!


والله إنّي من عرفتك
قلت إنك إنت ليْ


في عيوني تسوى دنيا
وأغلى من نفسي شوي ..!


لو تغيب شوي عني ..
ينكوي لك شوقي كَيْ ..!


ألقى في حضنك دفاي
و في هجيري إنت فَيْ


لو يموت الكون كله
يبقى حبك إنت حَيْ


و النهاية شطر واحد :
" إنت تسوى كل شي "