كـــل سنــه وانــــا طيبة

[حصه القحطاني]

المشاركة الأصلية كتبت بواسطة نور

كل سنه وانتي طيبه يا حصيص






نور..

فديتج والله يالغالية تسلمين والله يسعدك

 

[حصه القحطاني]

المشاركة الأصلية كتبت بواسطة بدرالموسى

كل يوم وانتي بخير

بس نبي اعتراف خطي تقولين جم صار عمرج

طبعا راح تقولين عمرج 18 سنة

امي من 30 سنة تقول عمرها 18 سنة
وللحين ما تغير سبحان الله :d

الله يمد في عمرج يا حصه
ويكتب لج السعاده والهنا

تسلم يا بدر وبيني وبينك المرأه ما تعلم عن عمرها لأن الرجل يستغل هالشي ويدور على غيرها بحجة يبي وحده أصغر وش رايك بهالتحليل

أتصدق يا بدر أنا ما طلعت شهادة ميلاد عشان محد يعرف كم عمري بس الأكيد أني أكبر منك .. عشان أقدر أقولك أكبر منك بيوم أعرف منك بسنه
تحيتي لك

 

[حصه القحطاني]

المشاركة الأصلية كتبت بواسطة منال عبدالرحمن

كلّ عامٍ و أنتِ بخيرٍ و سعادةٍ و نورٍ يا حصّة ,

لكِ كلُّ الأمنياتِ الطّيبة .

عزيزتي منال تسلمين والله يوفقج في حياتج إنشالله

 

[حصه القحطاني]

المشاركة الأصلية كتبت بواسطة صالح العرجان

أتم الله عليكِ نعمة العافية في ظلال رحمته

وعقبال مية عام في طاعة الرحمن


رد ود

أستاذ صالح والله يتم عليك إنشالله نعمة العافية بس الله يخليك مو مية عام واجد أنا أقبل ستين كفاية تحيتي لك

 

[بدرالموسى]

المشاركة الأصلية كتبت بواسطة حصه القحطاني

تسلم يا بدر وبيني وبينك المرأه ما تعلم عن عمرها لأن الرجل يستغل هالشي ويدور على غيرها بحجة يبي وحده أصغر وش رايك بهالتحليل

أتصدق يا بدر أنا ما طلعت شهادة ميلاد عشان محد يعرف كم عمري بس الأكيد أني أكبر منك .. عشان أقدر أقولك أكبر منك بيوم أعرف منك بسنه
تحيتي لك

نفس كلام امي
والصدفه ان امي اكبر مني بعد


قايلكم سبحان الله محد صدقني



بعدين اذا انتي كبر حنون
ابشرج انا اكبر منج


انا قبل المريول البني :p

 

[حصه القحطاني]

المشاركة الأصلية كتبت بواسطة حنان محمد

كل عام وأنا أحبج

كل عام وأنتي أنا

كل عام وأنتي شمعة تنور حياتي

عسى ايامج كلها أعياد يارب


حصة

تذكرين أيام الابتدائي أم العجفتين والشرايط والمريول الرمادي والعنابي

تذكرين الطابور المدرسي والأذاعة

وكبرنا شوي وصرنا في الاعدادي نقله ثانيه كل شي تغير فينا الا العجفه بدال الثنتين صارت وحده وتغير اليونفورم صار بني وبيج كافي مب مريول

وكبرنا أكثر ورحنا الثانوية كانت مرحلة غييييييييييييييييييير من أول عباية نلبسها لين الكحلي والابيض وتغيرت العجفه الا اختفت العجفه نهائيا ..................... وأشياء كثيرة

حياتي حصة

أنتي نعمة الله انعمها علي

الله لا يحرمني منج يارب

حبيبتي حنان ..... مهما تكلمت مو موفيه حقج معاي أنا وأنتي عشرت عمر يمكن ماكنا طول الوقت مع بعض وفرقتنا الظروف بس أتوقع اللي أحمله في قلبي لج واضح ...
مع مرورج بفترات حياتنا والعجفتين اللي كنت أكرهها ... ألين ما تخرجنا واشتراكي أنا وأنت بنفس الظروف ومقولتي الدائمه لج ( ألتم المتعوس على خايب الرجا )
اعترف بطيبة قلبج اللي ما شفتها على أحد مع أنج أحيانا تصدمني بجنونج
حبيبتي دخولج وتهنيتج تعني الكثير لأني متأكده ما رجعتي مره ثانية إلا على شاني
<<< بتصيح تأثرت
على فكرة حنان ................ أحبج

 

[حصه القحطاني]

المشاركة الأصلية كتبت بواسطة بدرالموسى

نفس كلام امي
والصدفه ان امي اكبر مني بعد :d


قايلكم سبحان الله محد صدقني



بعدين اذا انتي كبر حنون
ابشرج انا اكبر منج


انا قبل المريول البني :p

بدرر أنت اللي كم عمرك ؟؟؟ ليكون من العصر الحجري ..ههههههه
وبعدين في أمور سبحان الله كل النساء يتفقون عليها فلا تقرب عشان ما تتعب من كثر التساؤلات فأحنا كائنات غريبة ومعقدة

 

[حنان محمد]

المشاركة الأصلية كتبت بواسطة حصه القحطاني

حبيبتي حنان ..... مهما تكلمت مو موفيه حقج معاي أنا وأنتي عشرت عمر يمكن ماكنا طول الوقت مع بعض وفرقتنا الظروف بس أتوقع اللي أحمله في قلبي لج واضح ...
مع مرورج بفترات حياتنا والعجفتين اللي كنت أكرهها ... ألين ما تخرجنا واشتراكي أنا وأنت بنفس الظروف ومقولتي الدائمه لج ( ألتم المتعوس على خايب الرجا )
اعترف بطيبة قلبج اللي ما شفتها على أحد مع أنج أحيانا تصدمني بجنونج
حبيبتي دخولج وتهنيتج تعني الكثير لأني متأكده ما رجعتي مره ثانية إلا على شاني
<<< بتصيح تأثرت
على فكرة حنان ................ أحبج

والله والله والله

ماجيت الا عشانج

وانتي تعرفين ظروف شغلي يعني انتي الحين ماخذه من وقتي اللي لازم اعد البرنامج فيه

بس وحشتوني كلكم