إحساس يــ غ ــمر الأنفـاس

[رزان العتيبي]

مو على بعضك أبد ..
فيك شيّ ..!
ليه أحسّ إنك غريب ..
حتّى إحساسك مُريب ..
بس تكلم ..!
هدّني والله سكوتك ..
بعثر الكون بكلامك ..
إطعن أفراحي وبرضى ..
بس لاتسكت رجيتك ..
لايكون الصمت بيتك ..
عطني فرصة بنتفاهم ..
خلّني أفهم شعورك ..
وقتها يمكن أريّح ..
خاطرك وأسمع شفاتك ..
تنّطق بكلمة " أحبّك " ..
مهتني حظّي بدربك ..
بس تكلم ..!
وأوعدك إني أجيلك ..
أطعن بصمتك قتيلك ..
ليه أحسّك مو معاي ..!
وليه أحسّ الحزن كلّه .. !
ساكنك منّك وفيك ..!
بس تكلّم ..!
عطني من صمتك دقيقة ..
وأوعدك تالي أروح ..

 

[رزان العتيبي]

فوانيس الغلا نامت على صدرك وصرنا |بعاد
ـــــ نعاني من ظلام التّيه ندوّر لحظة التّنوير

برد قلّب مواجعنا أخذ له من يدينا عتاد
ـــــ حنين..ورجفة أشواقٍ..وطعنة إنتمت للغير

وضيقة أعلنت حربٍ على جفني وصاح سهاد
ـــــ أبسكن " بؤبؤة " عينك حذاري تنتهيبي طير

 

[رزان العتيبي]

في ذيك الزاوية مركاي ..
غريبة بينهم بالحيل ..
وأقرب للقرب منهم هي |أحداقي ..
أناظرهم بدون شعور ..
وأضحك لاعزفوا منفاي ..
أحاكيهم .. يحاكوني ..
قرابة .. بس حيل بعاد ..
سوالفنا .. صداها صمت ..
نواظرنا .. سؤالٍ مات ..
قبل لاينفرط عقده .. ويلقى الحلّ ..
أمانينا .. نظلّ نفرح ..
ولكن للحسد مطرح .. ب/أغاني الشوق ..
نعم عادي ..
بسّ الوضع جداً زاد ..
ينادوني .. أناديهم ..
على رفّ الحزن كِنّا ..
نفصّل للهنا مِنّا ثياب جداد ..
نبي نضحك بهذا العيد ..
أوّ الصدق اللي إختفى مِنّا ..
أبي أضحك ...
أبي أشعر أنا وين الأماني تزيد .. !
ياجرّحي ماكفاك من القهر إنّك ..
" بغيت تطيح من طولك وتنهيني على شرفة منافيهم "
ياهذا الخوف ...
أنا ودّي أناديهم .. وأبسأل ليه خلّوني ..
أناظر طيفهم يرحلّ .. ولا أقدّر أردّ الباب .. !
ويجمعنا حنينٍ صار يبكينا ..
مابين المدفأة والباب ..
وذيك الزاوية تشهد ..
على كلّ الذي يحكون ..
عن الفرقى وكيف إن الذي يسهى ..
أكيد إنّه صبر مجحود ...
أبد ماكنت أسمعهم ...
قرايب بس حيل بعاد ..
من أوّل ماطروا الفراق ..
سهيت بعالمي وحدّي ..
وكيف اليوم صِرنا بعاد ..
بذيك الزاوية مركاي .. !
وطيفك حاضرٍ غايب ..
مابين المدفأة والباب ..

 

[رزان العتيبي]

بغيت أضحك وردّ الحزن بيباني
ــــ " أبد ماهو من حقوقك تمرينه "

عزفت بناي تغريبك أبنساني
ــــ لقيت إن القهر ساكن ميادينه

 

[رزان العتيبي]

المشاركة الأصلية كتبت بواسطة فرج صباح

المتألقه : رزان


اول مصافحه لى مع نصوصك

اول قراءه لــ رزان

حزنت كثيرا على ما فاتنى من قطرات ضوء تسكبينها بكل جمال وخيال


نادرا ما يغرينى نص بالقراءه , وهنا تحقق الحلم وقرأت نصا يستحق اكثر واكثر

عذرا : ليس منك ولكن من ذائقتى التى لم تلتقى بك الا مؤخرا

شكرا لكل هذه الدهشه المجانيه التى تقدمينها بكل اقتدار


شكرا لـــ سيدى الشعر

لاأعلم فقط أردت تخليد هذه الحروف
في إحساسي لإنها بحق
كبيرة وجداً عليّ

أستاذي

الصحفي المتألق
فرج صباح

شكراً ولن تكفي أعلم ذلك ..
ولكن كُل مااملك هي حروف بسيطة ..
ولكن صادقة جداً ..

 

[رزان العتيبي]

خاطري كلمة أرددها وأصيح
ــــ إيه أنا محتاجة إني أتركك

ياتعلمني أجيلك وأستريح
ــــ وألا إبعد مااتحمّل غيبتك

 

[رزان العتيبي]

المشاركة الأصلية كتبت بواسطة رزان العتيبي

خاطري كلمة أرددها وأصيح
ــــ إيه أنا محتاجة إني أتركك

ياتعلمني أجيلك وأستريح
ــــ وألا إبعد مااتحمّل غيبتك

ياتعلمني لكرهك وأستريح
ـــ والا شف لك حل فيني يشبكك



هكذا أفضل عذراً منكم

ف بالأمس لست على مايرام
وهذا ماجعل الشطر
به غلط كبير

 

[رزان العتيبي]

يبه شفني .. على كفّ الغيوم أنقش تفاصيلي
ـــ حكايات الكِبر .. بيت العمر .. معزوفة أحلامي