استنــــــــــــــــــارة و إنــــــــارة ..

[نادية المرزوقي]

من كثر عنوان البشر أصبح الشر
ما عدت أطلب من أحد ياتي بخير



لو قال: رايح أطلب اي شي و ابشر
قلت اكفني شرك وانا بخير باطير

 

[نادية المرزوقي]

كنت و لا زلت فحناياي السفر
عالمي الموسوم برسوم الخيال


ما لقيتك و لا من احساسك مفر
ياخذ بأقصاي لك نبعي الزلال

أتلاقى فيك فحروفي و أفــــــر
من غيابك في دروب الارتحال

تنحفر في داخل ضلوعي حفر
و ابتعادي عنك هو ذات المحال


أشهقك يا صوت من روحي زفر
كل حلم يشتهي فيني مــــــــآلـــ


و اكتبك من قلب لاحساسه غفر
دمعة الماشي على حر الرمــال

 

[نادية المرزوقي]

ليش

تبكي


تدري اني انا بكيت؟!



،،
ما عليك ،،


،،



بس
طمني عليك ..

 

[نادية المرزوقي]

بانَ صبحٌ منك أشرقْ
رغمَ دمعٍ قد ترقرقْ

فجمال الورد أبهــى
و النَّدى من فيه يُهرَقْ


جل من سوّاك ورداً
خائفا في الفجر يُسرَقْ


مخملي الروح عطراً
قد طغى بحراً فأغرَقْ

 

[نادية المرزوقي]

قالوا: تخصك؟
قال: لا، بس يا ليت..

مرت سنة و ما باح بأسرار ليته ،،

كيف الرجل لو له أمل قال: عييت..
لو هو صدق لمه على أحضان بيته..؟!!

كيف احتماله كن آماله الزيـــــت
فوق احتراقه صبها فجسم (ميتـــه)؟!

لا ما صدق، ما ظن لا لا ولا ريت
أن الرجل لو أني مثله عفيـــــته


أضعف شعوري كنت بشرح بكم بيت
أسباب عجزي يوم حلمــــي طويتــه


مثلي افترش همه و له وحدته صيت
مثله شموخي من جروحي بنيتــــــه

 

[نادية المرزوقي]

الصباح

مثل قلبك
أبيض و حاني كثير

الجروح
بين إيدينك
غفت فوق الحلم
فرشه الوثير


للأماني
للجنون
لابتسامك يا حنون
للعيون الي اتخيل
باست حروفي اتنهد
عبر
أميال الأثير

 

[نادية المرزوقي]

مب شرط اسمك بين هالناس موجود
إحساسي انك داخلي يحتويني

الشوق عانق خاطرك دونما حدود
و روحي تعبر عن مشاعرك فيني

 

[نادية المرزوقي]

ولي في داخلك ثاني من عصور العدم جاني
و أنا آمنت به و حسيت تشكيله مع اوصافه

أنا كبر امتحان الوقت لي لو جيت بأحزاني
وانا الي لو لقى حزنه يضمه و لا أبد خافه

أنا فوق امتحانك يا حنين القلب بالحاني
وانا ارهف من خيوط النور لو لامسك بارهافه

أنا دمعك بلحظة صدق لو تشتاق لأعياني
أنا الطفل الي لو تحضنه ضمك موت بشغافه

أنا الكون الرحيب الي تناهت للمدى اغصاني
و جبتك من غياهيبك لقلبـــــي لين ما شافــه

أنا اتخيلت بك عمري سما من فيض ربـــاني
و شكيتك للقمر لين استباحك نور بلحــــافه

أنا شفتك شخص عابر لجأ للمملكـــــة عاني
برغم انك غرور الي ملكت الحكم و انصافـه

أعرف انك غروري لو يثير الشوق بركانـــي
هدمت أحلى شعوري من عنادي قلت لك: تافه

أعرفك يا العناد انك طموحي في زمن فاني
و أعرفك ماس صبري و اعرفك يا زينة قطافه