[ شاعر واغنِّي على الميهاف ]

[ناصر حطاب الدهمشي]

هيه يا اللي تحت مخلابي وقعت
....................... أشهد إنك طحت في مخلب بتيع

كم سفهت وكم دمحت وكم بلعت
....................... كل عوجا منك بس وجهك وسيع

ما تعرف العيب , بالعيب انزرعت
....................... من خلقك الله للشينة سريع

لي سنين ارفعْك لكن مـ ارتفعت
....................... ضاري ٍ للقاع من يومك رضيع

احْسِبَك رجال لكنَّك طلعت
....................... واطي ٍ و آخسّ الله جميع

والله إني ما ندمت ولا جزعت
....................... إلَّا من طيب ٍ على امثالك يضيع

ليتني قبل أصنع الطيبة قطعت
....................... هاليمين ولا تطيَّبْت ابوضيع


.
.

ناصر حطاب الدهمشي

 

[ناصر حطاب الدهمشي]

النص إهداء للشاعرة الراقية : ميــرال ..

الشعر طرقي والحنايا معازيب
........................ لامن لفى صدري بكبره وقف له

يا ما جذبته بالغِنا للمحاديب
........................ وياما فهقته كنني مآ عرف له

دوَّجت به من قبْل يْدوِّج بي الشيب
........................ من يوم انا طفل ٍ والأحلام طفلة

لا ضقت.. تسرى لي لحونه جناديب
........................ والْيا انشرحت بْكل شي اعترف له

وان قامت الدنيا تجر اللواهيب
........................ على اليسار احطَّها وانحرف له

اسري معه من تسري الشمس.. وآغيب
........................ عن كل ذكرى تطرق القلب .. غفلة

أنشهد إن الشعر لـ احتجت له .. ذيب
........................ مـ الحق جميله لو حشاي آغرف له

18 - 7 - 2011م
.
.

ناصر حطاب الدهمشي

 

[ناصر حطاب الدهمشي]

القلب هذا ما به أحباب غير أنت
.......................... ادخل على الله لا تغيب وتضرَّه
.
.
ناصر حطاب الدهمشي

 

[ناصر حطاب الدهمشي]

دوَّرت وجهك بالغمام .. وِّجـدته
........................... مضوي يغازلْه المطر .. جنبه اسهيل
,
وا شعري اللي من فقدتك .. فقدته
........................... حول الشهر لك غايبة يا ملى السيل
همٍّ يجالدنـي .. وهـمٍّ جلدته
........................... هـذي علومي .. من فقدتك غرابيل
.
.
ناصر حطاب الدهمشي

 

[ناصر حطاب الدهمشي]

قالت : أبي تكتب غزل .. قلت : تافه
...................... قالت: عشان اريوف ماهو عشانـي

قلت : الغزل يحرم علـي اقترافـه
...................... من يوم غابت.. ما يقولـه لسانـي

قالت : كـذا وبهالسهولـة تعافـه
...................... قلت : السما عافت سهيل اليمانـي

قالت : تخافه ؟ قلت : وشلون اخافه
...................... عمرك سمعتي ميِّت يْخـاف جانـي

كنت ازرعه ولا احتريه الـْ قطافـه
...................... يُقطف قبل لـَ يْهِـدِّ ظلِّـي مكانـي

ياما عزفتـه بالخفـوق وضفافـه
...................... وياما العشق جاني أغانـي أغانـي

يا بنـت قولـي للغـزل ولعفافـه
...................... من غابت الطرقا كرهـت الغوانـي

أنا من فْحول الشـعر .. والحسافـة
...................... إنِّي كتبته في زمـن مـو زمانـي



.
.
ناصر الدهمشي

 

[ناصر حطاب الدهمشي]

وين أنت رايح يـ بْدوي !!


لا كنت ما تقـوى تفـارق بـلادك
...................... وشو له تـْسَافر من بْـلاد لِبْـلاد

ما بالسفر غير الشتات الـْ مـدادك
...................... وانت ابْمدادك للسفـر عيـد ميـلاد

اقعد .. وراقب وحدتـك وامتـدادك
...................... اجمل كثير اِمْن السفر يـَ بْن الأجواد

ليلتك لـو باعدتهـا عـن حـداداك
...................... باين عليها اِمْن العصر ليلة اِحْـداد

وقتك غريب .. ولو تولَّاك .. قـادك
...................... وانت انخلقت اتقود وقتك ولا اتقـاد

من يوم كنت اِمْزهمل ٍ في مهـادك
...................... وارضك تشوف بْنظرة اعيونك ابعاد

لا تنهزم .. تقدر تجيـب ابجهـادك
...................... كل ماتبي .. حتى يا لو كلَّك اضـداد

طلبتك اِجدع عن رحولـك شِـدَادَك
...................... يا كم مثلك سافر ولا بعد .. عـاد

.
.
ناصر حطاب الدهمشي

 

[ناصر حطاب الدهمشي]

الصورة قديمة .. التقطتها أثناء عودتي من مقناص



[ يا طير ]

يا طير ما عيَّنت لي اريوف يا طير
..................... اكفخ وِ جِب لي عِلْمَهَا امْن المدينة

شفها تراها طرقنِن زولهـا غيـر
..................... بيضا يخالطهـا السّمـار بْسكينـة

بعيونها فعـل الرجـال المساطيـر
..................... وبشفاهها شوق الضنين الـْ ضنيه

وبْصوتها حِلْم ٍ خذتـه المشاويـر
..................... وبْعنقهـا طفـل ٍ فقـد والديـنـه

وبْصدرها [ سحرين ] طرقا الغنادير
..................... سحر ٍ دوا / سحر انسحر به خدِينِه

وبْخصرها .. فتنة مرة شانها اكبير
..................... وبْقَدَّهـا العالـم مدينـة مديـنـة

من يوم غابت هالصدر به مسامير
..................... أدقَّهَـا وتطيـح بـي هاللعيـنـة

بالله حلِّق جب لي العلم لـَ يْطيـر
..................... قلب ٍ عظيـم أحبابـه امفارقينـه

وان جيتها اتغنـِّي .. لك الله يا طير
..................... قل هالشعر من شاعر ٍ تبخصينـه

شاعر يتيم الأُم من يومه اصغيـر
..................... فيني ملامح وجهـه وبـي حنينـه

واليا لمحت ادموعها تِدِّرِج طِييييـر
..................... خايف عليـك إنَّـك تِهِـلَّ الثمينـة

أذكر بكت لي من بهاذيل يـا طيـر
..................... وابْكت معاها يـَ النـدواي مدينـة


.
.
ناصر حطاب الدهمشي

 

[ناصر حطاب الدهمشي]

دامك ما جيت اِبطيحتي ساعة الضيق
............................... لامن وقفت الناس قالت : هلا / سم

لا ترتعـد منِّـي ولا تبلـع الريـق
............................... جيت آتشرَّه بس لـِ اِنـَّك ولد عـم

.
.
ناصر حطاب الدهمشي