عقبك لفاني طيفك العابر ودمّع ناظري
يا غايبة ما عاد ليلي زاير بْـلا ذكريات
اذكر عطاياك الكريمة كيف كانت ماطري
ان جيت يمّك من ظما مدّت لي كْفوفك فرات
تبقين يا عمّه على بال السهر وبـْ حاضري
اذكر تبسّامك وطيبة قلبك الطاهر حياة
واتوه في غيهب تفاصيلك بليلٍ شاعري
ليت الشعر كافي ويجمع ما بصدري من شتات
كان انثر اللي لا ذكرته ينعكس في ظاهري
وامسح على وجه المواجع لين تغفى بـ اغنيات
لك في زوايا بيتنا ذكرى تبكّي خاطري
واخفي حنيني وانفث العبرة على صدر السبات
الحزن لاعب في صفا بالي وجرّح ضامري
محتاجه لـْ فرحه تمد يـْدينها طوق النجاة
آخر المشاركات
10-05-2022, 06:50 AM
مرثيّة ...
العرض الشجري